لو سمحتوا يا جماعة محتار بين رينو سكالا ورينو لوجان اية الافضل في وجهة نظركو؟؟

[xman7461]

لو سمحتوا يا جماعة محتار بين رينو سكالا ورينو لوجان اية الافضل في وجهة نظركو؟؟ انا عارف ان الاسكالا المانيوال اغلي حوالي 11 الف بس في رأيكو كأمكانيات وشكل اية الافضل؟؟؟
ولو مش رينو لوجان او سكالا اجيب اية في رايكو في حدود مثلا 80 او اقل

[ayman1204]

طبعا الاسكالا احسن وافضل
الاسكالا = نيسان صنى 2012 الخليحى

لو عاوز توفر الفلوس هات الرينو لوجان

الاسكالا تقريبا فيها زيادة
2 ايرباج
وABS و EBD ومالتى فكشن فى الطارة

لو عاوز توفر فلوسك هات الرينو لوجان ودى الحاجات اللى بكتبها لكل واحد حاطتت اللوجان فى مقارنة بينها وبين عربية تانية

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
قسم خاص بالسيارة لـــوجـــــان - نايل موتورز - NileMotors.net

[MOUSTAFA_SAAD]

الاسكالا احسن بس مش منتشره خالص

[Abdm]

حضرتك أدامك حل من الآثنين مالوش ثالث

لو هتفكر فى الآسكالا وعايز تجيبها يبقى لآ وعلى طول روح هات نيسان صنى أصلى لآن فرق السعر ما بينهم بسيط قوى

لكن لو عايز تنزل بالمبلغ شوية يبقى روح على اللوجان ووفلر الفلوس .
يعنى المقارنة الصح هتكون بين
النيسان صنى واللوجان وكلة حسب ظروفك وأمكانياتك
والله الموفق والمستعان

[xman7461]

شكرا لكم بس انا مش برتاح لشكل النيسان صني المتقفل في مصر بحس انه تقليدي أوي انما الاسكالا شايف انها اشيك شكلا

[M.Alaa92]

لو عجباك الاسكالا اتكل ع الله و اشتريها اوتو احسن من المانيوال ف الزحمة و الله رحمة الاوتو :)

[devil_storm]

اسكالا طبعا!!!!