ايهم افضل لو كنت هتشترى سيارة بين 70 الف و85 الف

[zahazido]

هيونداى فيرنا مانيوال 1600
شيفروليه افيو مانيوال 1500
هيونداى اكسنت مانيوال 1600
بروتون جين 2 مانيوال
هوندا سيتى 1300 مانيوال
هيونداى ماتريكس مانيوال

أرجو المقارنة على أساس :
1) القيمة السعرية
2) قوة و أداء الموتور
3) نعومة الموتور
4) قوة العفشة
5) متعة القيادة
6) تحمل السيارة
7) حجم الشنطة
8) الصالون
9) التابلوه
10) الراحة فى المسافات الطويلة للى سايق و باقى الناس
11) قوة جسم السيارة
12) الشكل الخارجى
13) الثبات
14) وفرة قطع الغيار و سعرها
15) التوكيل

[ows212]

هوندا سيتى .....

[volcano12]

من رأيى أنا أرى أنسب حاجه لكل الكلام ده.... جين 2
best value for money

[tutankhamoun]

أرجو المقارنة على أساس :
1) القيمة السعرية الجين 2 ثم السيتي و الماتركس و الأكسنت
2) قوة و أداء الموتور تقريبا الفروق مش كبيرة بين المواتير 1600
3) نعومة الموتور السيتي ثم الأكسنت ثم الماتركس
4) قوة العفشة الجين 2 عفشتها روعة
5) متعة القيادة الجين 2 و الماتركس و الأكسنت و السيتي
6) تحمل السيارة الجين 2 و الماتركس
7) حجم الشنطة الجين ثم الأكسنت
8) الصالون الماتركس و الأكسنت و السيتي و بعدين جين 2
9) التابلوه تابلوه الجين رائع
10) الراحة فى المسافات الطويلة للى سايق و باقى الناس الجين 2 مريحة و الأكسنت و الماتركس
11) قوة جسم السيارة الجين 2
12) الشكل الخارجى الجين 2 ثم الأكسنت
13) الثبات الجين 2 بلا منازع
14) وفرة قطع الغيار و سعرها هيونداي عموما و بعدين هوندا سيتي و جين 2 زي بعض
15) التوكيل توكيل هوندا أفضلهم ثم منصور ثم عز العرب ثم غبور


إجمالا ......... أحسن3 عربيات في المقارنة دي هما الجين 2 و الماتركس و معاهم السيتي طبعا
و أنا أخترت الجين 2 لأني بأفضلها على الماتركس و السيتي

[eng_mkhalaf]

مش هصوت لأنى عايز الصنى

[loai-omar]

هوندا سيتى

[MohabSaeed]

1- هوندا ستى
2- جين .2
3- هيونداى نيو اكسنت
......................................

وسيبك من باقى الموديلات .

الهوندا ستى - سعرها ممتاز .. الصالون مريح وشكله جميل .. اقتصاديه جدا جدا فى استهلاك البنزين .. موتور ُمعمر .
العيوب .. تصميم سئ , عدم وجود انظمه امان .

---------------------------------------------

جين .2 شكل رياضى .. موتور ممتاز ..ثبات اكثر من ممتاز .. كماليات رائعه .. عوامل امان " ABS + AIR BAGS " .. سعر اكثر من ممتاز .
العيوب :- جوده التقفيل , مساحه الصالون " الكنبه الخلفيه " ضيقه نوعا ما .

--------------------------------------------

الهيونداى نيو اكسنت - موتور اكثر من ممتاز ورائع جدا .. صالون مريح .

العيوب .. الاسترخاص التام فى الكماليات " انذار وسنتر و سى دى بلاير متركبين فى مصر و اسوا نوع انذار شوفته فى حياتى " , عدم وجود انظمه امان , توكيل فاشل بمعنى الكلمه .

-------------------------------------------

انا رشحت الستى رقم 1 رغم ان بحب الجين 2 .... لانها اقتصاديه جدااااااااا فى استهلاك البنزين .... وديه اهم ميزه فيها .. واكتر حاجه مطلوبه فى الوقت الحالى .

[zahazido]

و بالنسبة للسعر عند إعادة البيع ؟

[fahd_628]

الموضوع مطروح قبل كدة بس انا صوت جين 2

[tutankhamoun]

و بالنسبة للسعر عند إعادة البيع ؟

أفضل سيارتين في سعر اعادة البيع هما الفيرنا و الماتركس نظرا لإنتشارهم
و ييجي بعديهم الجين 2 و الهوندا سيتي في مرتبة واحدة و إن كان أنا شايف إن الجين 2 مبيعاتها دلوقتي عليت و ممكن سعر اعادة البيع يتظبط شوية عن كدا
عموما لو أنت هاتغير بسرعة غير لما العربية تقعد معاك

[SEATLOVER]

1-ماتريكس مانيوال
2-هيونداى فيرنا مانيوال 1600
3-هوندا سيتى 1300 مانيوال
4-نيو اكسنت مانيوال 1600
5-شيفروليه افيو مانيوال
6-جين 2 مانيوال

[kimo-nubira]

هونداااااااااااااا طبعا

[DR.M]

هوندا سيتى 1300 مانيوال

[sherif80]

هوندا سيتى 1300 مانيوال

[AboMaro]

1-هوندا سيتي : موفره- صالون وتابلوه رائع - خامات ممتازة في التقفيل - موتور وعفشه ونعومه و معمرة ...............م الاخر هوندا
2- نيو اكسنت : من افضل ما انتجت هيونداي فهي و الانترا اقرب ما يكونوا للياباني وان كان فعلا الكاسيت والانزار حاجة زبالة لو عم حزمبل اللي واخد التوكيل حيتكسف يحطهم
3- ماتركس : يعيبها ان الموتور قليل على حجمها وان تقفيلها التركي مش بمستوى تقفيل سيارات الهيونداي الكورى و ان كانت افضل السيارات ال 6 في سعر اعاده البيع
4- الافيو : وان كانت هي نفس مكونات اللانوس بس شكل جديد
الاختيارين اللي فاضلين : ساقطين ف المتحان - طبعا انا اللي عامل الامتحان وانا اللي بنجح واسقط على كيفي طبعا محدش عنده مانع
5- الفيرنا : التقفيل المصري بيخليها زي البطيخة ممكن حمرا و ممكن تطلع قرعة وان كانت لو متقفلة كويس ومفيهاش عيوب و تمام التمام احطها ف الختيار رقم 3
6 - الجين 2 : مع احترامي لكل اللي بيدافعواعنها هنا - الصيني افضل منها 100 مرة واللي عايز يناقشني انا تحت امره من غير زعل ( اصل مش ممكن ندافع عن عربيه عشان من ماليزيا وقريت ف مشاركه لاحد العضاء كاتب عشان من دوله اسلاميه صديقه ولازم نشجعها طالما بتنتج شيء كويس ) انا طبعا قريت المشاركه دي بس مش فاكر لمين وفين بس مع احترامي لرأي العضو وهو رأي سليم لكن الجين 2 انتاج سيء مش كويس زي ما بيقول و ارجو من اصحابها ميزعلوش مني