لوجان كاملة مانيوال ولا ساجا كاملة اتوماتيك؟

[me_dooo]

السلام عليكم
محتاج رأى حضراتكم في العربيتين دول
هم تقريبا نفس السعر
وكل واحدة ليها مميزات حلوة وأكيد طبعا عيوب مش كتير ...
جزاكم الله خيرا

[ayman1204]

من الاخر
بتقارن بين افضل عربيتين فى الفئة دى
اللوجان افضل من كل حاجة ولكن بفرق بسيط
لكن وتحتها 100 خط لو عاوز الاتوماتيك ساجا غير كدة اللوجان
الساجا 1300 cc
اللوجان 1600 cc
الاثنين واخدين 3 نجوم فى اختبارات الامان
وان مكنش دى يبقى دى فى كلتا الحالتين انت بتقارين بين افضل عربيتين فى الفئة دى
اللوجان انتشارها احسن وقطع غيارها ارخص
ودى عيوب ومميزات اللوجان اللى بنصح بيها اى حد قبل ما يشترى العربية ويقارنها

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى

http://www.nilemotors.net/Nile/forum149/

[IronHead]

الاوتوماتيك فى البلد دى لا يقدر بمال,

[إبراهيم المصرى]

العضو الفاضل أ/إيمن افاد واوفى بامانه عن مميزات وعيوب اللوجان مشكور والله يعطيه الف عافيه ياريت حد من قسم البروتون يفيدنا بأمانه عن الساجا مميزاتها وعيوبها وله جزيل الشكر ؟

[me_dooo]

جزاكم الله خيرا لاهتمامكم
بالنسبة للاتوماتيك هو مش مهم اوي لان البلد عندنا نوعا ما مش زحمة بس هو فعلا حاجه تستحق التفكير

[mhmdkhamis]

الاوتوماتيك فى البلد دى لا يقدر بمال,

وانا احييك على كلامك الذى لا يقدر بمال ايضا و فعلا المنوال مبقاش ينفع هنا خلاص :b4_388:

[khpopo]

استخير ربنا
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[Abdm]

أتكل على الله وهات الساجا الآتوماتيك عربية حلوة ومحترمة .
لو الساجا مانيوال كنت قلت لك هات اللوجان . لكن الآتوماتيك يكسب

والله الموفق والمستعان