مقارنه صعبه شويتين

[goldyn]

رينو سانديرو فول اوبشن & byd g3

[goldyn]

طب اي رد,اى حاجه

[ayman1204]

بص يا جميل
السانديرو شكلها جميل جدا
لو هتجيب مانيوال يبقى السانديرو 10 على 10
اما لو عاوز الاتوماتيك يبقى الـ byd

[RAMYALI_1982]

فى حاجتين فى الbyd مش فى السانديرو الاتوماتيك والشنطة لو مش فارقين معاك يبقى السانديرو طبعا انا مش هاقول ان الbyd وحشة بس السانديرو عفشة احسن من وجهة نظرى وربنا يوفقك للى فية الخير

[goldyn]

تمام ,بس انا بتكلم على ال b y d g3 2012 الجديده
المواصفات


* محرك BYD 1500 cc عزمه 105.9 حصان مزود بفتيس مانيوال 5 سرعات

* 2 إيرباج للسائق والراكب الأمامي

* فرامل ABS+EBD

* لوحة عدادات متطورة جدا ومبهرة بإضاءة LED مع مفتاح تحكم بشدة إضائتها

* نظام تأمين ضد السرقة

* فتحة سقف كهرباء تعمل بوضعين للفتح

* حساسات رجوع للخلف

* كراسي جلد فاخرة جدا سواء في التصميم أو في الخامات

* تصميم أنيق للتابلوه ذو لمسة عصرية

* مفتاح Start Engine

* مفتاح Smart Key + ريموت كنترول

* إشارات ضوئية (فلاشر) بالمرايات الجانبية

* نور شبورة امامي + خلفي

* بوصلة ديجيتال بمرايا السائق

* طارة دريكسيون مغطاه بالجلد الطبيعي

* جنوط إسبور مقاس 195/60 R15 والإستبن جنط عادي

* راديو سي دي متطور مزود ب 6 سماعات

* تصميم تابلوه شيك جدا

* سخان زجاج خلفي (مانع شبورة)

* نظام إضاءة أوتوماتيك

* فوانيس خلفية ليدات (LED)

* 4مرايات كهرباء

* 4 زجاج كهرباء مع تحكم من السائق

* كراسي خلفية قابلة للطي علي جزئين

* كرسي السائق قابل للإرتفاع والإنخفاض

* شبكة نيكل أمامية رائعة



الجلوس فيها يعطي إنطباع خاص جدا جدا

السعر كما أفاد مسئول البيع بالمعرض 79000.00 جنيه مصري

[goldyn]

[M.Alaa92]

شكلك راسى ع ال بى واى دى :)
لو عاوز الكماليات اللى حضرتك كاتبها يبقى ال بى واى دى
و متنساش الاستخاارة

[goldyn]

شكرا يا باشا, بس لو دخلنا brilliance fsv اوتوماتيك , يبقى اختار ايه؟؟؟؟؟؟؟؟؟؟

[benmatar]

السلام عليكم
من الواضح إن حضرتك هتدفع مبلغ ماشاء الله بصراحة خسارة في أي حاجة صيني مع احترامي لجمهورية الصين الشعبية، ممكن حضرتك تتأكد من الكلام ده قبل ماتشتري واركب عربية أوروبي وواحدة صيني من نفس الفئة، الموضوع مش شوية كماليات، المرايا والاشارات والحساسات وغيييييييييييييره بيتركب في أي محا اكسسوارات، المهم كفاءة المحرك، الثبات والاتزان، معدلات الأمان، أنصح نصيحة لوج الله تعالى من واحد مجرب خليك في الأوروبي، وهتلاقي الفرق، وبالتوفيق

[goldyn]

الحمد لله صليت استخاره و هدانى الله الى نيسان صنى اي اكس صالون , و استلمتها النهارده ,لونها نبيتى ,و الحمد لله عليها عربيه ناعمه و جميله . و عقبال الكل انشاء الله

[SASA3]

الحمد لله صليت استخاره و هدانى الله الى نيسان صنى اي اكس صالون , و استلمتها النهارده ,لونها نبيتى ,و الحمد لله عليها عربيه ناعمه و جميله . و عقبال الكل إن شاء الله

بسم الله ما شاء الله ربنا يديك خير ها و يكفيك شرها
و اف مبرووك الصنى حلو و التكييف فوق الوصف