محتار اشترى يابانى ولا كورى ولا اية

[Tarek218]

[img3]http://www.samysoft.net/fmm/fimnew/slambasmla/fdgdfgdf.gif[/img3]

انا أسف لو الموضوع مش فى مكانو المناسب لأن دا اول موضوع ليا فى المنتدى الرائع دا

انا الى خلانى اكتب الموضوع دا أنى محتار فى شراء عربية مستعملة

انا بدور على عربية يكون سعرها لحد 60 ألف وفى نفس الوقت قطع الغيار متبهدلنيش زى ما سمعت ان الألمانى أغلى حاجة

فبعد ما دورت بقالى كام يوم على جميع مواقع العربيات وقريت مواضيع كتير

وصلت لأن فية كمية عربيات كتير سعرها اقل من 60 ومن ضمنها اليابانى زى
صنى فى ال2000 وانت طالع و سيفيك 92-95 الى هيا الجيل الخامس
وكمان فية عربية الشعب لانوس وفية سيات ابيزا من أول ال 2000 وانت طالع

فقلت أخد رأى الشباب تنصحونى بأية " مش لازم النصيحة تكون بخصوص العربيات الى انا كتبتها بس "

انا شروطى فى العربية الى بدور عليها انها تكون اتوماتيك لأن مش انا بس الى هسوقها " انا مش جديد فى السواقة على فكرة "
وشكرا لحسن أستماعكم

[AhMeD MeTwAlY]

واللهي مدام حضرتك مش غاوي الالماني اشتري لانوس عربيه جميل وموفره وقطع غيار رخصيه وهتشتري موديل حديث واحتمال توصل لكسر الزيرو

[Tarek218]

واللهي مدام حضرتك مش غاوي الالماني اشتري لانوس عربيه جميل وموفره وقطع غيار رخصيه وهتشتري موديل حديث واحتمال توصل لكسر الزيرو

انا الى مخلينى محتار من الألمانى انى سمعت كلمة قبل كدا ان لو مثلا معايا 316 موديل ال90s وحصل حاجة للعفشة مثلا
واضطريت اغير العفشة والمساعدين والحاجات دية هتتكلف اكتر من 10 ألاف جنية ودا رقم مش صغير واعتقد انو ميستاهلش يتصرف على عربية بقالها 20 سنة

[AhMeD MeTwAlY]

العربيه الي حضرتك بتكلم عليه بتحط قطعة الغيار فيها سنين وسنين لحد لما تغيرها الالماني قطع غيار غاليه عشان معمره - سرعه - ثبات - قوه
جرب واركب عربية حد تكون الماني وانزل بعدها علي طول اركب حاجه عربيه تانيه ياباني او كوري شوف بس الاحساس

[omaroof]

العربيات معرضه اى وقت للمطبات الغبيه اللى عندنا وكمان التخبيط اللى من كل مكان سواء انته اللى خابط او الناس الحلوه اللى حوليك
ده غير كمان الباركينج تسيب العربيه ترجع تلاقى ازاز واخد نقره ولا باب معووج
المهم انا موش مع انك تشترى حاجه قديمه اوى حتى ولو المانى
شوف حاجه فوق ال2002 وقطع غيارها رخيصه
سواء يابانى او كورى
لان حضرتك موش حاتستخدمها لوحدك وبالتالى موش حاتزعلك ماديا لو حصل فيها اى تصليح
وبالتوفيق

[i_Boy]

اشتري اوبل
الماني
وقطع غيار في الحنين مش لدرجه ال 10 تلاف في العفشه
وانصحك ب فيكترا تسعينات
98- 99- 2000
60 يجيبولك حاجه نضيفه قوي واقل من 60 كمان ممكن

[gomangy]

وممكن حته جولف 3 او 4 هتبقي رائعه

[SonaSteel]

ممكن تدفعهم مقدم صني او تيدا او اوبترا او جين تو
والقسط يعتبر مصارف الصيانة للمستعملة .... واسمك معاك زيرو من اولها
ده رأي الشخصي
بعد ما اتشنيرت في عربية يوسد وكانت الماني
والالماني باللي انا شوفته ده ميتجابش الازيرو اصلا .... غير كده لو مستعمل يبقي كوري او ياباني حنين
ومتنساش الاستخارة وربنا ييسرلك الخير

[omrkhaled]

ممكن تفكر فى الماتركس 2002 او 2003 وحالتها كويسة تعمل الفلوس دى
ولو عايز نصيحتى اشترى لانوس كسر زيرو وربنا يوفئك

[minicooper20]

هات لانسر اول البومه اخر المكوه بال 60 دول

[SAMEH_FOUAD]

ممكن تفكر فى الماتركس 2002 او 2003 وحالتها كويسة تعمل الفلوس دى
ولو عايز نصيحتى اشترى لانوس كسر زيرو وربنا يوفئك

الماتريكس اول انتاج ليها سنة 2004 وسعرها من 50 الى 55 الف جنية

[egypt_slave2000]

ايه العربيات اللى انت منقيها دى
واضح ان قطع الغيار الغاليه مؤلمه بالنسبه لك
يبقى خليك فى الكورى طبعا ، وبعديه اليابانى
انا معاك تماما فى الفيرنا ، اللانوس ، النوبيرا ، الماتركس ممكن تجيب موديل 2005 او 2006 ، برضه المكواه ممكن تجيب ، صعب بوما بالسسعر ده الا لو صدفه يعنى ، انما ابعد طبعا عن الالمانى ، والكلام الوهمى بتاع الاحساس بالعربيه الالمانى دى ، لان المانى موديل تسعين ، هيبقى اقل بكل تأكيد من الكورى واليابانى بتاع 2005 وانت طالع ، وبعدين احساس ايه ياعم ، ديتها مرتين عند الميكانيكى احساس تمن قطع الغيار هيضيع اى احساس تانى لو وجد اصلا ، انت مش حمل الالمانى ولا اسعار قطع غياره ياراجل ، خليك واقعى

[Ahmed Nasser]

اشتري اوبل
الماني
وقطع غيار في الحنين مش لدرجه ال 10 تلاف في العفشه
وانصحك ب فيكترا تسعينات
98- 99- 2000
60 يجيبولك حاجه نضيفه قوي واقل من 60 كمان ممكن

+1

[Tarek218]

شكرا ليكم يا شباب جميعا على المساعدة
انا قررت - مع انى لسة متردد - انى اشترى سيفيك الجيل الخامس :)

[M.Nabeeh]

Lancer 2000
Sunny2005