يارس ولا لانسر بومه

[apoadel_vip]

تويوتا يارس 1300 اوتو ولا لانسر بومه 1600 اوتو
المقارنه من حيث :
1-الراحه
2-قوة الموتور سحب وتوب سبيد
3- مدى قوة التكييف وتأثيره على سحب العربيه
4-الباور
5-سعر قطع الغيار
6- الاعتماديه (الاعطال )

[hpxp]

البومه من خلا ل تجربتها سنه لحد 50 الف كيلو والله ما عتبت التوكيل ولا مرة وقفت ولا قالت اي سحب حلو جدااااااااااا علم علي عربيتنا المرحومه الكورولا 1.6 مش اليارس 1.3 التكيف كان معقول لكن بتاع الاوبترا الي معانا حاليا علم علي تكيف اللانسر تكيف الاوبترا غبييييييييييييييييييييييييييييييييييييييييي والله بيجكد الواحد التاتير علي السحب في البومه مفيش اسعار فطع غيار البومه معقوله كاتيل وحجات من دي
البومه
1- اعطال مفيش
2- حاليا ستيب تورنك
3-نعومه
4-سحب
5-قطع غغيار متوفرة
6-الموديل الي كان معانا 2006

[ramy01011]

كسحب التويوتا ما تور 1300 افضل من الانسر 1600 عن تجربة
كأعتمادية الاتنين كويسين بس اليارس تكسب في عمر قطع الغيار
كبور اليارس افضل بكثير
كقطع غيار في مصر اعتقد الانسر تكسب

[newcar2011]

شوف بقه بالنسبه لاستهلاك البنزين الياريس اقل جدا من الانسر موفرة بطريقه غبيه متعه القيادة الاتنين قريبين من بعض الياريس اعلى فى المطبات الثبات على السرعات العاليه الانسر تكسب صوت الماتور الانسر اعلى بشىء بسيط التوكيل اتا اتعاملت مع تويوتا الى فى ابو رواش ناس زى الفل والشاى مجانى يعنى جوة البلد انا افضل الياريس لو سفر مسافات افضل الانسر بس اكتر شىء لاحظته فرق التوفير فى البنزين الياريس بعد خمس سنين هتوفر تمنها من البنزين ودة اكتر شىء عجبنى فيها

[i_Boy]

انا مجربتش ولا واحده فيهم
بس لو انا اللي بشتري حجيب اللانسر
ليه معرفش
:)

[IronHead]

انا مبحبش الياريس لسبب تافه بس ميضايقنى جدا, منظر العدادات اللى فى نصف التابلوه مستفززززز

[Ahmod]

هرد على استفسارات حضرتك لكن للامانة انا مركبتش او سقت لانسر قبل كدة فكلامي عنها هيبقى مبني على المواضيع والردود والحجات اللى سمعتها من ملاك العربية


1-الراحه

الاتنين طبعا القعدة فيهم مريحة لكن الانسر كصلون اوسع نوعا ما من الياريس لكن مش بكتير

في نفس الوقت الياريس عفشتها انعم بالتالي هتبقى اريح معاك في الطرق والاحساس بالمطبات

2-قوة الموتور سحب وتوب سبيد

ماتور الياريس صحيح 1300 بس شديد وعمرك ماهتحس انه ماتور 1300 ابدا بالعكس هتلاقي نفسك بتعدي عربيات 1600 مرتاح سواء اتوماتيك او مانويل

الانسر برضوا سحبتها قوية والناس بتشكر فيها لكن مين اقوى الله واعلم واعتقد الفرق مش هيبقى كبير لو مشيت لانسر جمب ياريس من الصفر

3- مدى قوة التكييف وتأثيره على سحب العربيه

الياريس ثم الياريس ثم الياريس

تكييف يخليك تحس بالبردوة وتقلله مهما كانت درجة الحرارة

عايز اقول لحضرتك والله العظيم في عز الصيف وفي عز الظهر بقلل التكييف نتيجة اني بحس اني بردت !

هو بيأثر على سحب العربية بس مش التأثير الكبير يعني حاجة مش ملحوظة بس يمكن تحسها لو مشغل التكييف والعربية محملة اوزان غير كدة مش هتحس بحاجة


4-الباور

الياريس باور كهرباء والانسر بور زيت وبالتالي فالباور في الياريس افضل

5-سعر قطع الغيار

الانسر طبعا بدون نقاش متوفرة وارخص وممكن تجبها من البقال لكن برضوا قطع غيار اليارس متوفرة لكن غالية شوية

6- الاعتماديه (الاعطال )

الاتنين الاعتمادية فيهم عشرة على عشرة وهتشتريهم وتنساهم

انا الحمد لله العربية بقالها معايا خمس سنين مافتركش اني وديتها لميكانيكي قبل كدة حتى صيانات التوكيل الدورية مكبر دماغي منها واخري اغير زيوت فقط لا غير

ده بالنسبة للنقاط اللى حضرتك سالت عنهم

لكن بإختصار لو هنتكلم على مميزات البومة فهي افضل من الياريس فالتالي

الثبات على السرعات وفي الملفات - الياريس ثابتها مش قد كدة

اسعار قطع الغيارا والصيانة - وده نتيجة لان البومة منتشرة انتشار فظيع فقطع الغيار منتشرة وارخص

والبومة زيرو ارخص من الياريس الاتوماتيك (البومة هتبقى في حدود 117 - 120 على حسب اخر مرة سالت عليها ومش عارف بصراحة دي انهي فئة - الياريس الاتوماتيك الكاملة عاملة 133 الف ! ! )

ولو هنتكلم على مميزات الياريس فهي افضل من البومة فالتالي

التكيف فرق كبير

العربية اعلى والعفشة انعم

الباور افضل من الانسر مع ان باور الانسر برضوا جميل

استهلاك البنزين - فرق كبير لان دي 1300 ودي 1600

اما باقي العوامل كاعتمادية وسحب وقوة ماتور هتلاقي الفرق بسيط

------------

انا انصح حضرتك لو ناوي تشتري زيرو وفضلت الياريس استنى الشكل الجديد عشان خلاص هينزل قريب اوي واسال عليه في التوكيل شوف هينزل امتى والاسعار المتوقعة والكلام ده

البومة جميلة بس بقت حاجة قديمة ومتعودين نشوفها كل يوم في الشارع وبشكل كبير ومش هتحس ان حضرتك اشتريت حاجة مميزة

[apoadel_vip]

هرد على استفسارات حضرتك لكن للامانة انا مركبتش او سقت لانسر قبل كدة فكلامي عنها هيبقى مبني على المواضيع والردود والحجات اللى سمعتها من ملاك العربية


1-الراحه

الاتنين طبعا القعدة فيهم مريحة لكن الانسر كصلون اوسع نوعا ما من الياريس لكن مش بكتير

في نفس الوقت الياريس عفشتها انعم بالتالي هتبقى اريح معاك في الطرق والاحساس بالمطبات

2-قوة الموتور سحب وتوب سبيد

ماتور الياريس صحيح 1300 بس شديد وعمرك ماهتحس انه ماتور 1300 ابدا بالعكس هتلاقي نفسك بتعدي عربيات 1600 مرتاح سواء اتوماتيك او مانويل

الانسر برضوا سحبتها قوية والناس بتشكر فيها لكن مين اقوى الله واعلم واعتقد الفرق مش هيبقى كبير لو مشيت لانسر جمب ياريس من الصفر

3- مدى قوة التكييف وتأثيره على سحب العربيه

الياريس ثم الياريس ثم الياريس

تكييف يخليك تحس بالبردوة وتقلله مهما كانت درجة الحرارة

عايز اقول لحضرتك والله العظيم في عز الصيف وفي عز الظهر بقلل التكييف نتيجة اني بحس اني بردت !

هو بيأثر على سحب العربية بس مش التأثير الكبير يعني حاجة مش ملحوظة بس يمكن تحسها لو مشغل التكييف والعربية محملة اوزان غير كدة مش هتحس بحاجة


4-الباور

الياريس باور كهرباء والانسر بور زيت وبالتالي فالباور في الياريس افضل

5-سعر قطع الغيار

الانسر طبعا بدون نقاش متوفرة وارخص وممكن تجبها من البقال لكن برضوا قطع غيار اليارس متوفرة لكن غالية شوية

6- الاعتماديه (الاعطال )

الاتنين الاعتمادية فيهم عشرة على عشرة وهتشتريهم وتنساهم

انا الحمد لله العربية بقالها معايا خمس سنين مافتركش اني وديتها لميكانيكي قبل كدة حتى صيانات التوكيل الدورية مكبر دماغي منها واخري اغير زيوت فقط لا غير

ده بالنسبة للنقاط اللى حضرتك سالت عنهم

لكن بإختصار لو هنتكلم على مميزات البومة فهي افضل من الياريس فالتالي

الثبات على السرعات وفي الملفات - الياريس ثابتها مش قد كدة

اسعار قطع الغيارا والصيانة - وده نتيجة لان البومة منتشرة انتشار فظيع فقطع الغيار منتشرة وارخص

والبومة زيرو ارخص من الياريس الاتوماتيك (البومة هتبقى في حدود 117 - 120 على حسب اخر مرة سالت عليها ومش عارف بصراحة دي انهي فئة - الياريس الاتوماتيك الكاملة عاملة 133 الف ! ! )

ولو هنتكلم على مميزات الياريس فهي افضل من البومة فالتالي

التكيف فرق كبير

العربية اعلى والعفشة انعم

الباور افضل من الانسر مع ان باور الانسر برضوا جميل

استهلاك البنزين - فرق كبير لان دي 1300 ودي 1600

اما باقي العوامل كاعتمادية وسحب وقوة ماتور هتلاقي الفرق بسيط

------------

انا انصح حضرتك لو ناوي تشتري زيرو وفضلت الياريس استنى الشكل الجديد عشان خلاص هينزل قريب اوي واسال عليه في التوكيل شوف هينزل امتى والاسعار المتوقعة والكلام ده

البومة جميلة بس بقت حاجة قديمة ومتعودين نشوفها كل يوم في الشارع وبشكل كبير ومش هتحس ان حضرتك اشتريت حاجة مميزة

شكر يا استاذ احمد بس انا ليه سؤال واحد هي اليارس الي بـ 133 الف دي 1300 بردو

[apoadel_vip]

انا مبحبش الياريس لسبب تافه بس ميضايقنى جدا, منظر العدادات اللى فى نصف التابلوه مستفززززز

فعلا انا معاك في النقطه دي

[apoadel_vip]

البومه من خلا ل تجربتها سنه لحد 50 الف كيلو والله ما عتبت التوكيل ولا مرة وقفت ولا قالت اي سحب حلو جدااااااااااا علم علي عربيتنا المرحومه الكورولا 1.6 مش اليارس 1.3 التكيف كان معقول لكن بتاع الاوبترا الي معانا حاليا علم علي تكيف اللانسر تكيف الاوبترا غبييييييييييييييييييييييييييييييييييييييييي والله بيجكد الواحد التاتير علي السحب في البومه مفيش اسعار فطع غيار البومه معقوله كاتيل وحجات من دي
البومه
1- اعطال مفيش
2- حاليا ستيب تورنك
3-نعومه
4-سحب
5-قطع غغيار متوفرة
6-الموديل الي كان معانا 2006

شكراا لحضرتك للتوضيح...بس حضرتك معظم الناس بتأكد ان قوة موتور التويوتا 1.6 اقوى من موتور الانسر 1.6

[Ahmod]

شكر يا استاذ احمد بس انا ليه سؤال واحد هي اليارس الي بـ 133 الف دي 1300 بردو

لاء دي ماتور 1500 بيطلع 105 حصان

بس 105 حصان على بودي خفيف زي الياريس يعني اوعدك انك هتفرتك اغلب العربيات ال 1600 اللى في السوق

[apoadel_vip]

لاء دي ماتور 1500 بيطلع 105 حصان

بس 105 حصان على بودي خفيف زي الياريس يعني اوعدك انك هتفرتك اغلب العربيات ال 1600 اللى في السوق

اولا مبروك الجنوط
ثانيا هو ماتور الياريس 1300 بيطلع كام حصان وياريت لو حضرتك تعرف التسارع يعني بتوصل 100 في كام ثانيه وتوب سبيد كام

[Ahmod]

اولا مبروك الجنوط
ثانيا هو ماتور الياريس 1300 بيطلع كام حصان وياريت لو حضرتك تعرف التسارع يعني بتوصل 100 في كام ثانيه وتوب سبيد كام

الله يبارك فيك يا باشا وصدقني فرقت معايا في الثبات في كتير اوي اوي اوي اوي يعني لو حضرتك ناوي على الياريس وخايف من الثبات جبها واديها جنط 16 مع كاوتش عريض وهتدعيلي

ماتور الياريس ال 1300 هو نفس ماتور الكورلا ال 1300 الشيب القديم

وده بيطلع 92 حصان و فيه ناس بتقول 88 حصان تقريبا الله واعلم الصح فين وفي جميع الاحول القوة دي على وزن خفيف زي الياريس بيدي اداء جميل اوي

غياراته الاول بيقفل معايا 55-60 التاني 95-100 التالت 150-160

اقصى سرعة جبتها انا شخصيا بالعربية على الصحراوي كانت 185 واعتقد ان الاتوماتيك ده التوب سبيد بتاعته اما المانويل بتقفل ال 200

التسارع من صفر ل 100 ماقدرتش احسبها بالظبط الصراحة لكن ان شاء الله همسك الاستوب واتش وهحسبها عشان ناس كتير سألتني عليها

[apoadel_vip]

الله يبارك فيك يا باشا وصدقني فرقت معايا في الثبات في كتير اوي اوي اوي اوي يعني لو حضرتك ناوي على الياريس وخايف من الثبات جبها واديها جنط 16 مع كاوتش عريض وهتدعيلي

ماتور الياريس ال 1300 هو نفس ماتور الكورلا ال 1300 الشيب القديم

وده بيطلع 92 حصان و فيه ناس بتقول 88 حصان تقريبا الله واعلم الصح فين وفي جميع الاحول القوة دي على وزن خفيف زي الياريس بيدي اداء جميل اوي

غياراته الاول بيقفل معايا 55-60 التاني 95-100 التالت 150-160

اقصى سرعة جبتها انا شخصيا بالعربية على الصحراوي كانت 185 واعتقد ان الاتوماتيك ده التوب سبيد بتاعته اما المانويل بتقفل ال 200

التسارع من صفر ل 100 ماقدرتش احسبها بالظبط الصراحة لكن ان شاء الله همسك الاستوب واتش وهحسبها عشان ناس كتير سألتني عليها

الف شكر على رد حضرتك واهتمامك

[Dawns_Mist]

ياريس 1300 :
نعومه و راحة الركاب أفضل
شكل خارجي مميز
توفير بنزين ممتاز
ارتفاع عن الأرض أفضل ( الارتفاع بالأرقام متتطابق مع البومه ذات الجنط 15 الأصلي ، لكن حوض الياريس ضيق أكتر و ده بيخلي العربية ماتحكش في المطبات أفضل )

لانسر 1600 :
موتور أقوى ( بمراحل )
ثبات أعلى ( بمراحل )
صالون أوسع
قطع غيار أرخص




بالنسبة للتكييف يا أفندم العربيتين زيرو مش هتحس بفرق كبير .. أي عربية زيرو حتى لو كانت صيني تكيفها هيكون فوق الممتاز ، لو هنتكلم مع العمر .. أنا بسوق أكتر من عربية ياريس موديل 2007 و 2009 بصراحة تكييف ممتاز .. و برضه لانسر بسوق 2005 - 2007 - 2009 برضه كله ممتاز جدا ماقدرش أقول واحد أحسن من التاني .. بالنسبة للتأثير على السحب مدام هتشتري عربية مش أوروبي يبقى التأثير على السحب هيبقى كبير فعلا أيا كان بقى ياريس أو لانسر أو كورولا أو شارك أو مازدا حتى السيفيك ... كلهم لما التكييف بيشتغل خصوصا وقت الظهر السحب هيقل بنسبة كبيرة.

بالنسبة للسحب لو عايز أرقام .. الياريس مانيوال من 0 إلى 100 كم في 13 ثانية مانيوال
لانسر في 10 ثواني أوتو .. و نقدر نقول 9 و أجزاء من الثانية كمان .. علشان كده بقولك فرق قوة الموتور فرق كبير ..
الأرقام دي نتيجة تجارب شخصية + تقييمات عالمية + فيديوهات كل الناس تقدر تشوفها :
lancer acceleration from 0 to 100 km/sec - YouTube
Mitsubishi Lancer 1.6L Vs. Kia Cerato 1.6L - YouTube
9 sec. 0 a 100 km/ h Lancer GLX - YouTube
Toyota Yaris Acceleration 1.3L - YouTube

Toyota Yaris 0-100 km/h Video
2009 Toyota Yaris - Consumer Guide Automotive

تقييم الياريس الجديدة 1500 على توب جير 11 من 20 .... و أغلب الحديث مازال يدور على الثبات ، التسارع ...
المشكلة بس مش عارف ألاقي تقييمات للانسر البومه لإن أغلب التقييمات على توب جير أو غيره كلها للشارك مش للبومه .. لكن عموما تقييمات البومة القديمة فيه منها مازال موجود على مواقع تانية غير توب جير .. العيوب كلها بتدور حولين صوت الموتور العالي ، العفشة ناشفة شوية و غالبا مش بتاخد أقل من 8 من 10 ...

لازم تحط في اعتبارك إن لانسر هي فئة تقارن بالكورولا على طول الخط في كل الإصدارات .. دي تناطح دي في كل دول العالم ... أما الياريس فهي فئة أقل من الكورولا ، و ده شيء متعارف عليه .. بالتالي كده انت بتظلم الياريس كعربية .. لكن طبعا اللي خلاك تقارن ده بده هو إن سعرهم زي بعض مش أكتر ..

تقيمي الشخصي للبومه 1600 تاخد 8 من 10 مقابل سعرها ... الياريس 1300 تاخد 6 من 10 مقابل سعرها .. الياريس 1500 تاخد 7 من 10 مقابل سعرها ...

و التقييم ده بناء على إن فيه عربيات تانية أرخص في السعر من البومه و الكفائة تقريبا واحده .. زي الجين تو
و فيه عربيات كتير جدا جدا سعرها أفضل من الياريس بكتير أيا كانت 1300 أو 1500 و أحسن منها .. زي الصني أو الجين تو أو البومه أو الهوندا سيتي أو التيدا .

كده الموضوع يرجع لحضرتك .. لو محتاج عربية داخل المدينة و شكلها أشيك و قعدتها مريحة و توفرلك بنزين .. ياريس .. لو محتاج عربية سفر يبقى اللانسر أفضل.