داستر كارينز تريوس

[nomercy22]

اسمحلى اختلف معاك.. هى مش أحسن من الداستر ولا حاجة..؟؟!!!

الداستر لو 4*4 كاملة هتبقى أفضل من الأثنين كشاسيه وعفشة (وtech نيسان فى الدفع الرباعى)
- رأيى: سيبك من التيريوس, أقلهم فـ الموتور والوسع.. واللى يشوف عفشتها المسخرة مش هينطق كلمة 4*4 دى خااااااااااالص!!
وكمااااان موتور 1500 مع فتيس أوتو 4 سرعات.. قديمة أووووووى!

- داستر وكارينز:
موتور 1600 وفتيس مانيوال 6 سرعات للرينو.. مقابل موتور 1600 وفتيس أوتو للكيا
للعلم فقط: الفتيس الـ6 مانيوال من نيسان برضه, وبيركب على موديلات سبورت من رينو (زى clio rs وميجان tce)

أنا شايف أن الداستر تتفوق فى السواقة (موتور وفتيس وعفشة).. والكارينز أفضل فى قطع الغيار واعادة البيع!! احسم اختياراتك يا باشا انت عايز أيه؟؟!!!

حاسس اني ميال لداستر

[ashouhdy]

عفشة الداستر اية علاقتها بالكارينز !! الكارينز ناعمة بطريقة عجيبة و عائلية
الداستر عربية فقيرة كماليات وفقيرة جدا فى التابلوة وتصميم قديم جدا من جوة بكر وبلاستيك ردئ !

وبعدين الداستر المفروض عربية صحراء ومانيوال مش مدنية !!

[Formulator]

عفشة الداستر اية علاقتها بالكارينز !!

+1
فعلا.. هى مالهاش علاقة بالكارينز:
عفشة الداستر الـ4*4 أجمد بكتيييييييير من عفشة الكارينز ..!! أداء, ثبات فـ الطرق النظيفة.. و نعومة وراحة فـ الطرق المكسرة..؟!!

خد بالك أنا بتكلم على الداستر الـ4x4 اللى جربتها (كانت بـ حوالى 140 ألف تقريبا), وطبعا أنت عارف الخطوة اللى جاية :
آدى عفشة الداستر.. هسيب الصور تبين التعقيد والحرفية بتاع النيسان:


ركز يا شهدى فـ الـindependent والملتى-لينك اللى بجد, شايف عمود الكردان واصل للـDifferential ازاى.. على فكرة switchable يعنى ممكن تسوقها 4x2

وآدى عفشة الروندو.. بس شيل البارات البيضاء بتاع Ultra-Racing


طبعا مش محتاج أقول انها متواضعة فنيا, بالمقارنة بالعفشات الملتى-لينك حتى.. مش بالـ4WD بقى..!!

الداستر عربية فقيرة كماليات وفقيرة جدا فى التابلوة وتصميم قديم جدا من جوة بكر وبلاستيك ردئ !

الى حد كبير.. قد تكون محق فـ دى: قعدة الكارينز من جوا أفخم, والكماليات أكثر.. بس ماتنساش ان الـmaterial برضه بلاستيك (مش الكانترا وكاربون فيبر يعنى)..!!

لكن برضه الداستر full option كان فيها كل اللى يحتاجة السواق.. كله كهرباء, ملتى-فنكشن, تعديل وضعية, trip...etc, عادى يعنى.. مش أزمة ان مفيهاش bluetooth..
ياراجل كفاية زرار تغيير نظام الدفع.. Auto ولا Lock ولا 4x2.. حسب الطريق!

وبعدين الداستر المفروض عربية صحراء ومانيوال مش مدنية !!

مفيش الكلام ده, off-road ولا city.. الداستر شغاااااااااال عادى جدو..!!! والمانيوال للسواقين, ولا أيه؟؟!

فى النهاية.. عايز أقول اننا بنقارن MPV بعربية Crossover أو Compact SUV.. الكارينز قوتها فـ الكماليات والصيانة واعادة البيع, والداستر فـ أمكانيات الشاسيه والعفشة والفتيس الـ6-مانيوال short-shift (ميقدرهاش غير السواقين)..!

بالتوفيق isA لصاحب الموضوع فى الأختيار.

[ashouhdy]

ياباشا ماهى كلها حرفية اهو و دراعات كتير و حركات! بعدين سيبك من كل الصور .. المهم الاحساس الفعلى بالراحة و النعومة وانت راكب .... ودة مستحيل الداستر تكسب فية
العربية دى مسمينها برة sleeper من كتر نعومتها و هدؤها غير فرق المساحة الشاع من جوة و الفتيس الستيب ترونيك ! لو جوة المدينة فى رايي الكارينز تكتسح لو offroad برة المدينة اكيد الداستر .... لأن فى مشاويرنا العادية و طرقنا مش محتاج عفشة 4*4 فر حاجة !

[togo]

انا برشح الداستر شكلها وامكانيات اقوى بكتييييييييييير

[beeronasr]

مافيش مقارنة بين سحب الداستر و الكارينز...الداستر اقوى بكتير و اعادة سعر البيع دة ح يختفى بعد انتشار الداستر الواعد جدا