ايهما أفضل ؟؟

[zalat]

ايهما افضل من حيث الأداء والثبات على السرعات العالية , وارجو الإجابة عن تجربة منكم وجزاكم الله خيرا

الانسر 2006 اتوماتيك ام الاوبل استرا 2006 اتوماتيك ؟؟

[M.Alaa92]

الاوبل و الانسر عربيتين لا غبار عليهم الاهم هو الحاااااالة
وراى الشخصى يميل للانسر و خصوصا لو سام (sam)

[apoadel_vip]

اعتقد الانسر تكسب وخاصة لو سوبر اكشن

[النوبي]

يعني ياجماعه انتوا بتقولوا ان الانسر افضل من الاوبل الالماني
؟؟؟؟؟؟؟؟؟؟؟؟؟؟؟؟؟؟؟؟؟
يمكن

[fdroubi]

يعني ياجماعه انتوا بتقولوا ان الانسر افضل من الاوبل الالماني
؟؟؟؟؟؟؟؟؟؟؟؟؟؟؟؟؟؟؟؟؟
يمكن

يا جماعة انا معايا استرا2003 اول يد وماشية معايا في 230 الف كم. زهقت من شكلها فقلت أغير، من ضمن العربيات اللي عملت لها تست درايف كانت واحدة لانسر بومة ماشية 11 الف كم. سقتها وشحـتـفـتـها لمدة ساعة وكانت بتاعت واحد صاحبي. الخلاصة ان القرار بتاعي كان اني مستحيل أضحي (بفتح الضاد وتشديد الحاء) بالألماني القديمة اللي عندي وأستبدلها بلانسر بومة زيرو... لدرجة انني يومها روحت وتاني يوم نزلت عملت الصيانة مع أحسن غسلة بعد ما كنت مقرر اني أبيعها ووفر فلوس الصيانة للترخيص الجديد.

لكن الحق يقال ان الأوروبي بصفة عمة مالوش سعر اعادة بيع يعني الخسارة كبيرة مقارنة بإعادة بيع الياباني واللانسر بالذات اللي ماسك نفسه.

وأخيرا لو انت عمرك ما ركبت الماني فمش حتعرف او تفهم الفرق وكلها شهرين تلاتة حتتعود على اللانسر وتقول مافيش ركوبة انضف من كده.

بالتوفيق

[benmatar]

السلام عليكم
بالطبع الأوروبي يهتم بمعاملات الأمان والثبات والاتزان عن أي تصنيع آخر، ومما لا شك فيه أن الألماني أعلى توصيف أوروبي يليه السويدي في معدلات أمان السيارات وبالأخص في السرعات العالية، وهذا أمر ملاحظ علما بأن أوبل مرتفعة عن سطح الأرض أكثر من ميتسوبيشي وفي نفس الوقت أكثر إتزان في الدورانات والسرعات العالية.

[Ahmed Nasser]

الالمانى طبعاااااااااااا

[MOK3336]

انا و الله بحب الألمانى جدا ده كفاية في اي ماتش كورة يقولك علي الفريق الماكينات الألمانية :)

[M.Alaa92]

يعني ياجماعه انتوا بتقولوا ان الانسر افضل من الاوبل الالماني
؟؟؟؟؟؟؟؟؟؟؟؟؟؟؟؟؟؟؟؟؟
يمكن

للاسف ف مصر اليابانى يكسب
اعادة البيع اعلى
قطع الغيار متوافرة و اسعارها حنينة مقابل الالمانى ( الاصلى)
اى واحد بيفهم فيها
عربية اثبتت كفاءة ع كذا جيل للانسر
و العربية تتروق ( تعديل خفيف لو شاب ) و مناسبة برضو للدكاترة :)
واسعة برضو مش ضيقة
انما الالمانى طبعا ك تقفيل و وسائل امان اعلى من الانسر العادية مش ال سام :)

[szaalouk]

شوف انا راكب لانسر من 2005 و قبلها كان عندي اوبل فكترا 2000 سي سي اوتوماتيك و قبلها 1600 مانيوال .
الأوبل عربيات تحس انك قاعد جوه قطار و خصوصا لو علي طريق السفر لا تشعر بالطريق مطلقا
طبعا صاج حدث ولا حرج ، وسع مقبول و ثبات رهيب علي الطريق .
عيوبها كثره زياراتها للصيانه و ارتفاع تكاليف صيانتها .
اللانسر ناعمه جدا ، مريحه في السفر ، انا شخصيا باقدر اوصل ل 180 كم / ساعه بس مش اكتر من ربع ساعه مثلا لكن لو طريق زي الغردقه ممكن افضل ماشي شويه علي 160-170 و العربيه مش متضايقه
طبعا عزل الصوت فيها مش زي الأوبل اقل شويه ولا ثباتها زي الأوبل لكن مقبول بصوره جيده يعني
مش ماشيه تلعب معاك علي الطريق .
أهم حاجه في الياباني عموما :
التبريد..... يعني عمرك في عز الصيف و التكييف شغال و مركون علي كوبري اكتوبر بالساعه و تشتكي من سخونه المحرك ( الأوبل ياما عملتها معايا ) .
تكاليف التشغيل أفضل بكتير من الأوبل .
سعر اعاده البيع طبعا اللانسر تكتسح بفارق رهيب .

تحياتي