مقارنه بين هوندا سيفيك( 2010 او 2009 )و اوكتافيا فانتزيا 2010

[honey2am]

لو سمحت ممكن تساعدونى فى الأختيار بين الهوندا2010 كسر زيروو اوكتافيا 2010 كسر زيرو

[szaalouk]

السلام عليكم
المقارنه دي اتقتلت علي المنتدي و دايما بنقول اذا كنت من هواه الكلاسيكيه و التابلوه الفخم و العربيه الواسعه جدا و شنطه واسعه جدا جدا جدا و صاج يفصل عربيتين يبقي الفانتازيا .
اما اذا كنت من هواه النعومه اليابانيه ( اعلي فئه يابانيه بين مثيلاتها ) و الركوبه السلسه جدا يعني كأن الموتور لا يبذل اي جهد سواء في المشي العادي او الرياضي و طبعا ارتفاع نسبيا قريب من الأرض يبقي تخلليك في الهوندا .
انا شخصيا قعدت في الحيره دي مده طويله و سوقت الفانتازيا و بنت عمها الجيتا لمدد طويله و سفريات لكن لما اشتريت ....... اشتريت هوندا .
مش عاوز اعدد في مميزات متعه ركوبها لأنك مش حاتحس بكده الا لما ربنا يكرمك و تشتريها
العربيه فعلا معجزه بكل المقاييس و موضوع الأرتفاع ممكن التحايل عليها بأنك تاخد المطب باقل سرعه ممكن تعديه بيها و بكده حتحافظ علي العربيه و حتي لو حكت فأنت ماشي بالراحه يعني ما تقلقش قوي
انا عارف ان الصوت بيوجع اللي سايق العربيه مش العربيه نفسها لكن بتعدي .
ربنا يكرمك و تركب الهوندا لأنها فعلا Car Of Dreams .

تحياتي .

[honey2am]

انا فعلا كنت محتارا جدا؛كانت عجبانى اافتازيا بس مش ليقا عليا ( انا بنت )؛؛؛يا ريت لو تعرف ثمن الهوندا 2009 او 2010 كسر زيرو (base line & high line )

[apoadel_vip]

انا فعلا كنت محتارا جدا؛كانت عجبانى اافتازيا بس مش ليقا عليا ( انا بنت )؛؛؛يا ريت لو تعرف ثمن الهوندا 2009 او 2010 كسر زيرو (base line & high line )

الهوندا واطيه قوي لذلك لو انت بتسوقي جديد ارشحلك الفانتازيا لانه عاليه عن الارض وجامده يعني اعتماديه اكتر من السيفيك شويه ده واضح من صاج العربيه القوي جدا في هذه الفئه من العربيات

[honey2am]

لا انا كان عندى فيات برافا,, و الحمد لله بسوق كويس,,

[apoadel_vip]

لا انا كان عندى فيات برافا,, و الحمد لله بسوق كويس,,

ممتاز كده تقدري تختاري الهوندا وكمان انها شبابيه شويه عن الفانتازيا وانا ملاحظ من كلامك انك مياله للهوندا اكتر من الفانتازيا...وعلى فكرة العربيتين ممتازين جدا يعني في النهايه سواء اي واحده فيهم هيكون اخيار جيد...و انا والدي معاه فانتازيا 2010 خليجي هاي لاين لو عايزه تعرفي اي حاجه عنها...انا تحت امرك

[szaalouk]

لا انا كان عندى فيات برافا,, و الحمد لله بسوق كويس,,

كده يبقي اتحسمت لصالح الهوندا...... انشاء الله عمرك ما حتندمي علي سواقه عربيه زي دي ابدا
موضوع الأرتفاع.... عن تجربه هي مش منخفضه لدرجه انها تحك في كل مطب يعني انت مش راكبه فيراري او بوجاتي مثلا بينها و بين الأرض 3 سم .
لكن الهوندا احساس تاني خالص .
بالنسبه للسعر انا شاريها عامله 17000 كم موديل 2009 و اخدتها ب 138000 جم بيزلاين lxi و ال vti ان وجدت ممكن تزيد حوالي 15 او 20 ألف جنيه زياده .
الرقم ده ناس كتير حاتقول عليه كتير و فيه زياده مش اقل من 5000 جم ان ما كانش اكتر و انا الحقيقه عملت موضوع في قسم هوندا استشير قبل ما اشتري
الموضوع شاهده اكتر من 80 مشاهده و 4 بس هما اللي ردوا عليا .
الخلاصه ان انا عارف ان انا دافع زياده شويه في مقابل الحاله لأنك مش سهل تلاقي عربيه نظيفه و صاحبها يفرط فيها بسهوله لازم تبقي عاليه شويتين .
اول حاجه طبعا لو حصل نصيب تاخدي معاد من التوكيل للكشف و الكشف الكامل عليه العربيه بياخد حوالي 4 ساعات و تكلفته 330 + 10% ضريبه = 363 جم .

ارجو اني اكون افدت حضرتك و نبارك لك علي العربيه قريب انشاء الله .

تحياتي

[honey2am]

انا بشكركم جدا, و ياريت لو حد وجد عربيه هوندا سيفيك 2009 او 2010 high line بعداد قليل مش اكتر من 30000 كم ,هاتكونو ساعدتونى

[Mahmode]

سيفيك 2009 - 2010 highline وكمان عداد قليل ده تقريبا مستحيل. صعب واحد يبيع Civic VTI بعداد قليل إلا في النادر. يوم متلاقي واحدة ماشية حاجة وأربعين ألف كم يبقى كويس. وهيا شاحة جدا.

[mody3on]

فانتازيا طبعا .. شياكة وفخامة وانتي مش محتاجة عربية رياضية .. وممكن ارشحلك تيدا هاتشباك زيرو او النترا 2012 زيرو او اكسنت rb زيرو .. انا شفت بنات كتير راكبينهم ولايقين عالبنات جدا .. والزيرو زيرو بلاش تدفعي فلوس كتير في مستعمل

[honey2am]

انا فعلا مش لاقيه vti الا واده بس و عمله 60000 كم :( انت ايه رايك؟؟؟؟؟؟؟؟
و لو حلوه اخلصها على كام؟؟؟؟؟؟؟؟

[Mahmode]

أنا دارس حركة البيع للسيفيك ال VTI عشان عاوز واحدة أنا كمان. أكيد اللي قصديك عليها السيفيك النبيتي اللي في شارع النزهة. لو هيه أنا شوفتها وحالتها مش كويسة ومطلوب فيها 140 ألف. أنا شايف على حالتها وال كم بتاعها آخرها 135. بالذات إنها مش أعلى فئة أم فرش جلد. هية راكبلها فرش جلد بس برة التوكيل.

وفيه واحدة ماشية 15 ألف بس صيانتها برة التوكيل وراشة جانبين وملعوب فيها (مثبت السرعة متشال من الطارة, مفيش VSA, متغيرلها جنوط. وراكبلها حبة إضافات ومطلوب 138ألف. موجودة على car100100.com

بالنسبة للسعر, بشكل عام سعرها من 140 - 150. بس لو حالة زيرو و كم قليل ودي نادرة جدا ولو وجدت حتبقى +150 لحد 170. أنا قدامي واحدة مستني صاحبها يخلص ويبيع ليا شهرين وهيا ماشيا حوالي 45ألف كم و طالب فيها 147.5 بس هيا حالة كويسة وأعلى فئة فا حاخلص فيها أول ما يجهز إن شاء الله.

التدوير على سيفيك 2009 VTI حالة كويسة وسعر معقول وكم معقول صعبة جدا أنا بقالي حوالي 4 شهور بادور بس إن شاء الله أخلص على أول نوفمبر.