ايهما افضل النترا2011 سيراتو 2012 اكسنت 2012 ام نيسان صني

[mohamednabieh]

السلام عليكم

بعد اذنكم انا عندي لانوس 2005 وكنت عايز اغيرها واجيب حاجة جديدة ... فقدامي النترا 2011 لان 2012 اغلي كتير وكمان الكيا سيراتو بس لما لفيت وسالت عرفت ان اللي نازل دلوقتي 2012كله خليجي والاصلي مش هيتوفر غير بعد فترة ..وكمان الهيونداي اكسنت الجديدة او النيسان صني الجديدة

بصراحة انا محتار جدا هما تقريبا كلهم في نفس الرينج بتاع الاسعار ماعدا الصني اقل في السعر ودي ميزة بس اسمع انها كويسة برضه
انا ميال اني اجيب النترا بس خايف انها علشان موديل 2011 فهتكون مركونة من سنة
فقلت اخد رايكم ..ومن فضلكم جاوبني لاني محتاج اشتري العربية اليومين دول
وشكرا لكم

[arateb]

انا في نفس حيرتك ديه يا باشا بقالي شهور و بعد بحث هقولك وجهه نظري المتواضعه في الموضوع ده:

كيا سيراتو احسنهم في الاوبشن بس العفشه ناشفه و التوكيل مش قد كده (لسه منعرفش بعد السبع م خد الصيانه الدنيا هتبقي عامله ازاي)

النترا 2011 عربيه ممتازه بس عيبها انها غبور اسوء توكيل في التاريخ الانساني عن تجربه لان معايا اكسنت و شوفت الويل معاهم و كمان عشان هي شكل قديم بعد شويه سعرها هينزل جامد(انا سامع ان هينزل عليها تخفيضات عشان يخلصوا من اللي عندهم) بس هي بشهاده صحابي و في المنتدي الجميل ده عربيه ممتازه و متجربه

الاكسنت ار اب انا بستبعدها عشان هي ااقل الموجودين في المقارنه من حيث كل شيء(برضه من وجهه نظري)

نيجي بقي للصني عربيه ممتاااااازه في كل شيء كفايه انها ياباني و الهاي لاين سوبر صالون ممتازه و توكيل مفيش بعد كده و كنت رايح اشتر اهه و لكن .......التقفيل المصري وحش-الضفيره فيها مشاكل-استهلاك البنزين عالي تنين -الصالون ضيق بالمقارنه بالانترا و السيراتو

و بعد طول تفكير قلت اصبر شويه و احوش لاني مش بجيب عربيه كل يوم لان الفئه الاعلي شويه هي اللي فيها بقي العربيات الحلوه هيبقي ساعتها تشيل الكوري من دماغك و تفكر في 3 عربيات احسن من بعض تقفيل ممتاز و لا مشاكل و التوكيل محترم الي حد كبير

نيسان تيدا -لانسر 1600-رينو فلونس

اتمني اكون افدتك و ده طبعا راي شخصي

[mohamednabieh]

انا في نفس حيرتك ديه يا باشا بقالي شهور و بعد بحث هقولك وجهه نظري المتواضعه في الموضوع ده:

كيا سيراتو احسنهم في الاوبشن بس العفشه ناشفه و التوكيل مش قد كده (لسه منعرفش بعد السبع م خد الصيانه الدنيا هتبقي عامله ازاي)

النترا 2011 عربيه ممتازه بس عيبها انها غبور اسوء توكيل في التاريخ الانساني عن تجربه لان معايا اكسنت و شوفت الويل معاهم و كمان عشان هي شكل قديم بعد شويه سعرها هينزل جامد(انا سامع ان هينزل عليها تخفيضات عشان يخلصوا من اللي عندهم) بس هي بشهاده صحابي و في المنتدي الجميل ده عربيه ممتازه و متجربه

الاكسنت ار اب انا بستبعدها عشان هي ااقل الموجودين في المقارنه من حيث كل شيء(برضه من وجهه نظري)

نيجي بقي للصني عربيه ممتاااااازه في كل شيء كفايه انها ياباني و الهاي لاين سوبر صالون ممتازه و توكيل مفيش بعد كده و كنت رايح اشتر اهه و لكن .......التقفيل المصري وحش-الضفيره فيها مشاكل-استهلاك البنزين عالي تنين -الصالون ضيق بالمقارنه بالانترا و السيراتو

و بعد طول تفكير قلت اصبر شويه و احوش لاني مش بجيب عربيه كل يوم لان الفئه الاعلي شويه هي اللي فيها بقي العربيات الحلوه هيبقي ساعتها تشيل الكوري من دماغك و تفكر في 3 عربيات احسن من بعض تقفيل ممتاز و لا مشاكل و التوكيل محترم الي حد كبير

نيسان تيدا -لانسر 1600-رينو فلونس

اتمني اكون افدتك و ده طبعا راي شخصي

متشكر لك يا باشا علي افادتك ربنا يكرمك ...وان شاءالله ربنا يوفقك ويوفقني للي فيه الخير

[adel1212]

نيسان صنى هاى لاين
بجد العربية دى مش وخده حقها.......اركبها و شوف الوسع الداخلى لو يناسب ظروفك يبقى الاختيار الاول
لو مش مناسبة يبقى الالنترا او السيراتو الاختيار التالى
ونصيحة من واحد معاه العربيتين النيسان عربية محترمة جدا جدا جدا
تحياتى

[Sehsss]

صني

[mody3on]

انا افضل الاكسنت عشان شكلها جميل واوبشنها حلو ومحدش بيشتكي منها .. وبعدها الالنترا معايا العربية دي وبجد حلوة جدا وممتعة جدا في سواقتها وثباتها حلو واوبشن جميل واعادة بيع حلوة .. انا الصني تقفيل مصري معلش يعني حد يدفع 110 الف في شكل قديم وتقفيل مصري برضه .. لو نيسان يبقى تيدا ياباني غير كده بلاش

[Ahmed Nasser]

سيراتو 2012

[Abdm]

أكيد النيسان أفضلهم لكن لو حضرتك حطيت النيسان تيدا معاهم أكيد هى اللى تكسب خاصة وأنها نفس رنج ثمنهم مش اعلى بل ممكن أقل لو جبت التيدا بيسك ب 110 ألف وعليها عروض .
والله الموفق والمستعان

[mody3on]

على فكرة السيراتو اغلى من الالنترا والصني ( اللي في سعرهم ينافسهم الاكسنت rb )
انما لو قارنت بين التلاتة دول بغض النظر عن السعر الالنترا تكسب اكيد

[mohamednabieh]

بجد متشكر جدا جدا ليكم كلكم ربنا يبارك فيكم
انا الحمد لله توكلت علي الله النهاردة وحجزت الصني ..تقريبا كل الناس شكروا فيها وكمان سعرها حلو بالنسبة لي وبالنسبة لامكانيتها من حيث الموتور والمتانة هي ممكن تكون اقل في الشكل من الالنترا والكيا وكمان تقيلة شوية بس حاسس ان ثابتها علي الطريق افضل وصاجها احسن
ان شاء الله لما استلمها واجربها تكون عند حسن ظني وانقلكم رايي فيها عن تجربة
وشكرا لاهتمامكم جميعا

[Sehsss]

انا افضل الاكسنت عشان شكلها جميل واوبشنها حلو ومحدش بيشتكي منها .. وبعدها الالنترا معايا العربية دي وبجد حلوة جدا وممتعة جدا في سواقتها وثباتها حلو واوبشن جميل واعادة بيع حلوة .. انا الصني تقفيل مصري معلش يعني حد يدفع 110 الف في شكل قديم وتقفيل مصري برضه .. لو نيسان يبقى تيدا ياباني غير كده بلاش

اللي ما يعرفش يقول عدس، أقولك على حاجة، انصحه بالتيجو أحسن من الاثنين

[ahmednaif79]

ربنا يوففك ويعطيك خيرها ويكفيك شرها

[mody3on]

اللي ما يعرفش يقول عدس، أقولك على حاجة، انصحه بالتيجو أحسن من الاثنين

حد يلغي عضويتي من المنتدى ده يا جدعان

[Youssef.Awad]

نيسان صنى هاى لاين
بجد العربية دى مش وخده حقها.......اركبها و شوف الوسع الداخلى لو يناسب ظروفك يبقى الاختيار الاول
لو مش مناسبة يبقى الالنترا او السيراتو الاختيار التالى
ونصيحة من واحد معاه العربيتين النيسان عربية محترمة جدا جدا جدا
تحياتى

[devil_storm]

انا شايف السيراتو افضلهم بشكل عام
اما من ناحية السعر فالصنى حلوة جدا مقابل سعرها بالذات لو واحد مش فارقة معاة الوسع و الف مبروك مقدما