كيا ريو 2012 أتوماتيك ولا نيسان صنى 2012 أتوماتيك

[SonaSteel]

سؤال بس
هي علشان العربية فضلت تنزل ورا بعض 10 سنين ومش بتكلم علي الصني ... عامة يعني
ده يعيبها في ايه ؟؟
وخاصة ان كل سنه ونسبة المبيعيات بتزيد كل سنه عن اللي قبليها
زي ما حضرتك بيهمك اكتر الكماليات والشكل .... ديه اذواق
انا يهمني الانتشار و التوكيل وسهولة الصيانة وانتشار قطع الغيار ... حتي لو العربية مفياش الا دريكسيون
سؤال بجد نفسي اساله عن السيراتو والالنترا والار بي والريو
ايه الكماليات اللي قصدك عليها ؟ ... بجد والله ..... يقولك الكوري كله كماليات زي ايه يعني ؟
انا اول مره افكر فيها لما قريت كلمتك
لو قصدك تكييف تاتش و مالتي فانكشن ... ديه مش كماليات ... ما هي موجوده في الصني بس تكييف بكر وريموت للكاسيت .... انا قصدي ايه الحاجة اللي بتفرق في الموديلات ديه ...
الف شكر وجزاك الله خيرا

[CryptonX]

سؤال بس
هي علشان العربية فضلت تنزل ورا بعض 10 سنين ومش بتكلم علي الصني ... عامة يعني
ده يعيبها في ايه ؟؟
وخاصة ان كل سنه ونسبة المبيعيات بتزيد كل سنه عن اللي قبليها
زي ما حضرتك بيهمك اكتر الكماليات والشكل .... ديه اذواق
انا يهمني الانتشار و التوكيل وسهولة الصيانة وانتشار قطع الغيار ... حتي لو العربية مفياش الا دريكسيون
سؤال بجد نفسي اساله عن السيراتو والالنترا والار بي والريو
ايه الكماليات اللي قصدك عليها ؟ ... بجد والله ..... يقولك الكوري كله كماليات زي ايه يعني ؟
انا اول مره افكر فيها لما قريت كلمتك
لو قصدك تكييف تاتش و مالتي فانكشن ... ديه مش كماليات ... ما هي موجوده في الصني بس تكييف بكر وريموت للكاسيت .... انا قصدي ايه الحاجة اللي بتفرق في الموديلات ديه ...
الف شكر وجزاك الله خيرا

ماهي ذي محضرتك قلت .. اذواق :)

انا بالنسبة لي الصني شكلها كلاسيكي و قديم جدا و من موديلات التسعينيات كمان ! ده شكلا ..
كماليات ووسائل زيادة ؟ عامة مش في موديل معين :
بدون ترتيب للاهمية :
- دركسيون متعدد الوظائف
- ABS/EBD
- Airbags
- جنوط 16 - 17 اصلي
-كاسيت اصلي بفتحة AUX و USB
- تكييف Climate Control
- تخكم الكتروني في زاوية اضائة اللكشاف الامامي
- فتحة سقف
- بلوتوث
- حساسات ركن اصلية مع شاشة توضيح في التابلوه
- فتيس اوتوماتيك 6 سرعات في بعض الموديلات
- تحكم كهربائي في وضع الكراسي في بعض الموديلات

ده غير طبعا المحركات الجديدة و التكنولوجيا المتقدمة بها من توفير بنزين وخلافه .. (مشكلة استهلاك البنزين في الصني مثلا) ...

دول شوية حاجات كدة موحودين في السيارات الصيني و الكوري ... مش حخش على الاوروبي :)

و زي ماقولت .. لو الموضوع قطع غيار رخصية و سعر رخيص .. يبقى الانوس بقى والشاهين ايام ماكانت موجودة تكسب :)

---------

ولو السيارة مش مشكلة انها تعد 10 - 15 سنة تتصنع امال هما بيعملوا موديل جديد ليه ؟ علشان يصلحوا اي عيوب ظهرت في الموديل السابق بالاضافة الى شكل عصري و امكانيات و تكنولجيا عصرية .

والا كان كلنا زمانا ماسكين موبايلات الي لسة فيها ANTENA :) و نغمات Polyphonic ولا ايه يا باشا ؟ :)

[EMO_ELNEMS]

ياجماعة مين اللي rb ضيقة و فئة أقمن الصني
rb وسع معقول بس مش عارف زي الصني ولا أقل حد يكون ركب الأتنين يقولنا

[Ahmed Nasser]

الار بى فئة اقل من الصنى طبعا
زى ماقال sarawe511

[Hosam_Optrawy]

الار بى فئة اقل من الصنى طبعا
زى ماقال sarawe511

المفروض فعلا انها فئه اقل من الصنى والصنى اكبر فى الطول الاجمالى

لكن تعالى شوف باقى الابعاد

العرض الاجمالى الاكسنت اعرض بنص سم والعرض بين العجلتين الاماميتين الاكسنت اعرض ب 1.5 سم وبين العجلتين الخلفيتين اعرض ب 4 سم

قاعدة العجلات فى صالح الاكسنت بفارق 3.5 سم

الارتفاع الاكسنت ب 1.5 سم

يعنى فى كذا حاجه فى صالح الاكسنت من حيث المساحه

والعربيتين نفس نظام التعليق وفتيس اوتوماتيك 4 سرعات والموتور فى صالح الاكسنت 124 حصان

الاكسنت محتاجه كاوتش عريض وتبقى تمام

[SonaSteel]

ماهي ذي محضرتك قلت .. اذواق :)

انا بالنسبة لي الصني شكلها كلاسيكي و قديم جدا و من موديلات التسعينيات كمان ! ده شكلا ..
كماليات ووسائل زيادة ؟ عامة مش في موديل معين :
بدون ترتيب للاهمية :
- دركسيون متعدد الوظائف
- ABS/EBD
- Airbags
- جنوط 16 - 17 اصلي
-كاسيت اصلي بفتحة AUX و USB
- تكييف Climate Control
- تخكم الكتروني في زاوية اضائة اللكشاف الامامي
- فتحة سقف
- بلوتوث
- حساسات ركن اصلية مع شاشة توضيح في التابلوه
- فتيس اوتوماتيك 6 سرعات في بعض الموديلات
- تحكم كهربائي في وضع الكراسي في بعض الموديلات

ده غير طبعا المحركات الجديدة و التكنولوجيا المتقدمة بها من توفير بنزين وخلافه .. (مشكلة استهلاك البنزين في الصني مثلا) ...

دول شوية حاجات كدة موحودين في السيارات الصيني و الكوري ... مش حخش على الاوروبي :)

و زي ماقولت .. لو الموضوع قطع غيار رخصية و سعر رخيص .. يبقى الانوس بقى والشاهين ايام ماكانت موجودة تكسب :)

---------

ولو السيارة مش مشكلة انها تعد 10 - 15 سنة تتصنع امال هما بيعملوا موديل جديد ليه ؟ علشان يصلحوا اي عيوب ظهرت في الموديل السابق بالاضافة الى شكل عصري و امكانيات و تكنولجيا عصرية .

والا كان كلنا زمانا ماسكين موبايلات الي لسة فيها ANTENA :) و نغمات Polyphonic ولا ايه يا باشا ؟ :)

جزاك الله خيرا ...في حاجات فعلا مكنتش عارفها
وفي حاجات اصلا لو اتحططت في الصني مش هاتبقي بالسعر ده خالص ... علي الاقل المانيوال هاتبقي ب100 الف والاوتو هاتبقي في سعر التيدا اول فئة
انا مثلا شاري الصني 86000 كان ممكن اجيب ايه في نفس الفئة ديه وفيها
ABS/EBD
- Airbags
-كاسيت اصلي بفتحة AUX و USB
- حساسات ركن اصلية مع شاشة توضيح في التابلوه (انا مركبه)
في حين انك لو هاتجيب الريو او الrb ,'وطبعا الالنترا والسيراتو ومش بتكلم علي الخليجي .... شوف هاتبقي بكام
ومفيش 3/4 الكماليات اللي انت قولتها الا في الهاي لاين ولا الفولي لودد بس خدت قصاد كده انتشار واعادة بيع وتوكيل ماشاء الله عليه ورخص قطع غيار وانتشارها سواء اصلي او تقليد .. بس تكون موجوده .
وطبعا المواتير الجديدة والموفرة في البنزين (علي حسب كلامك ) مع انها مش بتفرق كتير عن اي عربية 1600 اللي لاحظته من المواضيع اللي في كل قسم
بس برده انا مش بقارن ديه بديه ... انا بشوف اللي ان محتاجه وممكن اوفر اكتر من 30 ولا 40 ولا حتي 50 الف جنيه في حاجات موجوده او مش محتاجها قصاد حاجة تاني انا بختاجها جدا و تكون قريبة ليا زي سهولة الصيانة وان الميكانيكة اتعودوا عليها
فهمت وجهة نظري ؟
اصل احنا في مصر .... ولو علياا كنت جيبت السيتروين ولا البيجو ولا حتي فيات بكمية كماليات ممكن ابات في العربية مروحش بيتنا ...... بس هيطلع عيني واشحت علشان اصينها
ان شاء الله ربنا يكرمنا ونبقي دولة محترمة ونركب العربيات اللي بتنزل بالكماليات بتاعتها من غير جشع التوكيلات .... بشعار فضيها اكتر هاتبيع اكتر
انا مش شايف عربية تستاهل حقها تحت ال100 الف الا
الصني والجين تو ....... دول العربيتين اللي تدفع فيهم فلوس وانت واخد حقك وفوقيه 100000 بوسه
بس الجين تو برده توكيلها وقطع غيارها متعبين برده بس قصاد كده شكل وثبات واعتمادية
غير لما عربية تاني لا كماليات ولا امان واغلي منهم .
يارب يكون وصلك وجهة نظري
واسف علي الاطاالة :))))

[Abdm]

شكرا لكل الآعضاء اللى شاركوا بأرائهم وخبراتهم وردودهم المفيدة والقيمة على الموضوع وما نتحرمش منكم أبدا .

وجزاكم الله خيرا

[szaalouk]

نيسان صني و ياسلام لو تجيب من الآخر و تجيبها سوبر صالون

تحياتي

[د.اشرف هنداوى]

الريو 2012 قدامها لسة 6 شهور - صح ؟

فعلا تحت ال 100 الف الصني و الجين 2 هما اللي محترمين علي الأقل لتوافر عوامل الأمان زي الايرباجز و فرامل abs /ebd و الثبات

بالتوفيق

[Dr.Mostafa Anwar]

إركب على كيفك وسيبك من كلام الناس

شوف انت مرتاح لإيه يا ريس ودوس :)

[Mohamed Elwan]

الار بى فئة اقل من الصنى طبعا
زى ماقال sarawe511

يا جماعة انتوا ليه بتوزنوا العربيات بالكيلو ؟ يعنى العربية الاكبر حجما تبقى فئة اعلى ؟

[CryptonX]

يا جماعة انتوا ليه بتوزنوا العربيات بالكيلو ؟ يعنى العربية الاكبر حجما تبقى فئة اعلى ؟

هي بتتقاس كدة عالميا مش احنا الي بنقسيها :)

الفئات احجام ... mini - super mini - sub compact - compact - small family sedan - medium sedan - sedan
ماعدا السيارات ال PREMIUM ( bmw - mercedes - etc... (