مازدا 3 زيرو ولا سيفيك 2009

[yalahwy2010]

هتعبكم معايا يا رجالة
بما ان الكورى كدة اتلغى من دماغى تماما ........والفرق الفظيع بين خامات اليابانى والكورى.....لصالح اليابانى طبعا........فا انا قررت ان شاء الله أحسم الموقف بين المازدا 3 زيرو......والسيفيك 2009
ويا ريت المقارنة تكون من ناحية راحة الركوبة .......عشان انا بسافر كتير
وقطع الغيار.....ومش عايز أقول التوكيل لأنى عارف ان الهوندا أحسن من غبور
وأدعولى ربنا يكرمنى فى اختيار موفق
وشكرا

[IronHead]

قطع غيار المازدا اغلى من الهوندا (تخيل)
السيفيك اريح واوسع من المازدا 3 خصوصا الكنبة اللى ورا, بس المازدا فى الصالون من قدام وسعه كويس, فا لو هتركب معاك ناس كتير ورا, المازدا مش هتريحهم
طبعا تسارع الهوندا احسن من المازدا والثبات احسن بفرق طفيف, العفشة فى العربيتين multi-link فهايلة
انا افضل المازدا زيرو وبذات لو هتجيب الهاى لاين, كمالياتها حلوة قوى. لما تكون راكب عربية زيرو احساس تانى وخصوصا ان الفروقات مبين العربيتين بسيطة جدا لصالح السيفيك. فالموضوع مش مستاهل تضحى بزيرو قصاد مستعمل
وربنا يوفقك

[szaalouk]

المازدا عربيه محترمه و لا غبار عليها لكن هوندا عربيه ليها طعم تاني خالص
انا لو باشتري من اول وجديد برضه حاختار السيفيك .

تحياتي .

[yalahwy2010]

الحاجة اللى عاجبانى فى المازدا انها هتبقى زيرو.......وفى نفس الوقت هيبقى سعرها بيزك ب 129000.........السيفيك عربية تحفة طبعا بس المشكلة ان الميزانية 130000 ......فا مضطر أجيب مستعمل.........والنقطة التانية ان السيفيك هتنزل الشكل الجديد السنة دى ......المازدا لسة قدامها 3 سنين كمان
بس سؤالى بقى ......لأيه المازدا ما انتشرتش.....هى ايه اللى مخللى الناس مش عايزين يشتروها؟؟؟؟؟!!!!!!!

[mody3on]

طب ما تجيب نيسان تيدا ! عربية ياباني وهاتشباك وواسعة وحلوة ومنتشرة وزيرو
وبلاش الكوري ايه رايك في شيفروليه كروز ؟

[yalahwy2010]

الكروز ضيقة من قدام أوى اوى اوى وبطريقة بايخة........
المازدا الشكل الجديد بدأت أحبها .,........ومن تشكير الناس فيها شكلى ان شاء الله هجيبها
ربنا يسهل

[Ayman_A1]

انت عارف رأيى طبعاً .. دة كان اقتراحى عليك لما كنت بتقارن بين الالنترا والسيفيك
المازدا 3 طبعا .. أنا معايا 2011 وكنت بقارن بينها وبين المانى مستعمل (جولف وجيتا)
شوف بقى أولا: الزيرو فعلاً له طعم تانى، مهما كان انت ماتعرفش اللى كان سايق العربية قبلك كان عامل فيها ايه.
ثانياً: مع احترامى للسيفيك بس الشكل الخارجى بتاعها بقى قديم أوى ومقارنة بالمازدا انا باعتبره شكل كلاسيكى وكمان خلاص نازل شكل جديد، يعنى كام شهر وحتغير اسمها فى البطاقة لـ old shape.. :)
أنا شايف ان المازدا 3 best value for money

[yalahwy2010]

انت عارف رأيى طبعاً .. دة كان اقتراحى عليك لما كنت بتقارن بين الالنترا والسيفيك
المازدا 3 طبعا .. أنا معايا 2011 وكنت بقارن بينها وبين المانى مستعمل (جولف وجيتا)
شوف بقى أولا: الزيرو فعلاً له طعم تانى، مهما كان انت ماتعرفش اللى كان سايق العربية قبلك كان عامل فيها ايه.
ثانياً: مع احترامى للسيفيك بس الشكل الخارجى بتاعها بقى قديم أوى ومقارنة بالمازدا انا باعتبره شكل كلاسيكى وكمان خلاص نازل شكل جديد، يعنى كام شهر وحتغير اسمها فى البطاقة لـ old shape.. :)
أنا شايف ان المازدا 3 best value for money

الله ينور عليك........رأيك طمنى جدا والله
انا ان شاء الله نويت وتوكلت على الله على المازدا 3.........يا مسهل
وألف شكر لردك

[Ayman_A1]

الله ينور عليك........رأيك طمنى جدا والله
انا ان شاء الله نويت وتوكلت على الله على المازدا 3.........يا مسهل
وألف شكر لردك

لاشكر على واجب..
ربنا يباركلك فيها مقدماً... وماتنساش الاستخارة بردوا

[Mahmode]

سيفيك وانت مغمض.

[Mahmode]

مازدا 3 يعني عيش بقى في أسعار قطع الغيار. فانوس الشبورة الواحد بـ 2200 جنية. والفانوس الزينون الواحد بـ 4000جنيه. وكنبة ضيقة بشكل مستفز.

[Ahmed Nasser]

قطع غيار المازدا اغلى من الهوندا (تخيل)
السيفيك اريح واوسع من المازدا 3 خصوصا الكنبة اللى ورا, بس المازدا فى الصالون من قدام وسعه كويس, فا لو هتركب معاك ناس كتير ورا, المازدا مش هتريحهم
طبعا تسارع الهوندا احسن من المازدا والثبات احسن بفرق طفيف, العفشة فى العربيتين multi-link فهايلة
انا افضل المازدا زيرو وبذات لو هتجيب الهاى لاين, كمالياتها حلوة قوى. لما تكون راكب عربية زيرو احساس تانى وخصوصا ان الفروقات مبين العربيتين بسيطة جدا لصالح السيفيك. فالموضوع مش مستاهل تضحى بزيرو قصاد مستعمل
وربنا يوفقك

+1

[yalahwy2010]

الفلوس هى اللى بتحكم يا جماعة
كل حاجة بحسابها
انا ما بقولش السفيك احسن من المازدا.......بس المازدا هجيبها زيرو.......
والزيرو زيرو...........وتمنها ب 128 ألف........والله يا بلاش
عليها أوفر منزلين فى تمنها أكتر من 6000 جنيه
ويابانى ...وانا مش محتاج الكنبة من ورا تكون واسعة....انا عندى بنت صغيرة بس
وبالنسبة لقطع الغيار......الفانوس ده الزينون.....انا هجيب البيزك ان شاء الله
والسيفيك برضه قطع غيارها غالية..............المهم انها تكون معمره

[Ayman_A1]

مازدا 3 يعني عيش بقى في أسعار قطع الغيار. فانوس الشبورة الواحد بـ 2200 جنية. والفانوس الزينون الواحد بـ 4000جنيه. وكنبة ضيقة بشكل مستفز.

مش عارف حضرتك جبت الأسعار دى منين!!!
هو الزينون غالى فعلاً بـ 3500 جنيه بس انت بتتكلم فى زينون يعنى ماكينات اصلى .. شوف سعر الزينون الماركات المحترمة الأصلى بكام
الفانوس العادى بـ 2500 وعلى فكرة الفوانيس دى عدسات
أنما الفوجات اللى بـ 2200 دى مش منطقية خالص، يعنى لما يكون سعر الباب كامل فى التوكيل 2000 جنيه وبردوا دة نفس سعر الكابوت، والرفرف ب 800 جنيه... ماعتقدش ان دة ممكن يكون سعر الفوجات.

[Mahmode]

مش عارف حضرتك جبت الأسعار دى منين!!!
هو الزينون غالى فعلاً بـ 3500 جنيه بس انت بتتكلم فى زينون يعنى ماكينات اصلى .. شوف سعر الزينون الماركات المحترمة الأصلى بكام
الفانوس العادى بـ 2500 وعلى فكرة الفوانيس دى عدسات
أنما الفوجات اللى بـ 2200 دى مش منطقية خالص، يعنى لما يكون سعر الباب كامل فى التوكيل 2000 جنيه وبردوا دة نفس سعر الكابوت، والرفرف ب 800 جنيه... ماعتقدش ان دة ممكن يكون سعر الفوجات.

أنا جبت الأسعار دي من سمارت كار في المعادي. وهية اللي خلتني أصرف نظر عن المازدا. أسعار قطع غيارها آخر استهبال. والناس في قسم المازدا كانو لمو نفسهم وبعتو شكوة لمازدا اليابان بس معرفش الموضوع وصل لأيه. عموما كل واحد بيحسبها من ناحيته. أنا عن نفسي عاوز عربية هاي لاين فأسعار الفوانيس دي خلتني أصرف نظر. إنما البيزك كدا كدا ما فيهاش فوانيس شبورة ولا زينون.