هيونداى فيلوستر

[Dawns_Mist]

165 ألف جنيه .. عايز تجيب بيهم عربية كوري يا راجل !!!
مهما كان فيها من أوبشنز .. مهما قولتلي على التسارع و قوة الماتور ..
كل عربية ليها مقامها .. حتى الأوروبيين اللي بيشتروا الكوري و هما فرحاننين بيه .. بيكونوا عارفين و هما بيشتروا الكوري إنه كقيمة عربية مقابل الفلوس ، ماينفعش يتقارن بالأوروبي ، ولا حتى الياباني .. و بيعملوا زينا في مصر .. بيدوروا على الصيانة و قطع الغيار الأرخص و الاسهل و الشكل الجديد و هكذا ..فبيقع حالهم في الكوري و خلاص ..
نصيحة خليك مع العربيات صاحبة النفس الطويل .. و ماتتعبش حالك مع الشكل الجميل

[تامر.محمد]

سلام عليكم
حيث اني شايف اغلب الاخوة بيقولوا بلاش
و بعض الاخوة بيقولوا لك اختيارات تانية
فانا هاعمل زيهم و اقول لك فكر في الميجان3 :))))))

مافيهاش مشاكل الاعتمادية اللي في ميجان2 على ما سمعت من اعضاء قسم رينو و ممكن تتأكد بنفسك و كل اللي هاقوله هنا مبني على تجميع اقوال اعضاء قسم رينو
ثبات ممتاز
اوبشنز كتير جدا
توكيل محترم و من انضف التوكيلات اللي في مصر
شكل حلو من قدام (بصراحة عادي من ورا بس مش وحش)
مساحة داخلية اظن واسعة على ما سمعت
تقفيل و خامات داخلية كويسة جدا دول شفتهم بنفسي
العيب ان تسارعها اقل طبعا , ما سمعتش ان موتورها سحبه حد اشاد بيه زي الالنترا مثلا

ما سمعتش حد قال ان سعرها مش فيها - نسبيا طبعا لمصر - لكن بالتأكيد ممكن يكون لك رأي مختلف , و اتمنى اكون ساعدتك :)

ميجان 1.6 H/B A/T 2012 135000
ميجان 1.6 H/B F/O A/T 2012 145000
ميجان 1.6 H/B F/O A/T S/R 2012 155000

[Unendlich]

سيارة لا تستحق بالمرة : كعادة الكوري ..تقفيل رخيص في الخامات و شكل ثوري عشان يبيع زي الانتراكده , لكن مبالغ في السعر جدا و حتنهار في اعادة البيع جدا

المبلغ ده يركبك عربية بجد زي بي ام 320 2006 او 316 2008 فول اوبشن , اوكتافيا كسيارة عائلية .

طيب ممكن كده حضرتك تقولنا أسعار العربيات المذكورة و هي زيرو عشان نشوف كده مدى الإنهيار اللي حصلها في إعادة البيع ...
بالمناسبة أنا الفيلوستر مش عجباني بس أنا برد فقط على نقطة إعادة البيع اللي هيونداي معروفة بتفوقها فيها

[MB1986]

لا بصراحة كتير الا ازا كانت دخلت دماغك يبقى الغالى يرخصلك.
بس من وجهة نظرى المتواضعة من ناحية الجودة مقابل السعر لو .
الخمسينات=عربية صينى
من 70 الى 100 كورى
من 100الى 140 الف يابانى
اكثر من كدة المانى اكيييييييييييييييييد
طب لو انا مكانك اركب اية زيرو فى حدود ال165 الف؟؟؟؟؟؟؟؟؟؟؟
لو صالون نمرة واحد اوكتافيا فانتازيا خرافة واعادة بيع فلوسك فى جيبك
لو هاتش باك سيب من البرافو والليون الاوبل استرا ال2012 ملهاش حل وفى منها تربو توين معدى ال220 حصان يعنى يا باشا انتى راكب بورش.بص عليها واسال الناس اللى جابتها هتعرف انا رشحتلك اية.وكمان فى اقل شوية فى السعر وصناعة المانى باردو ومشاى حد بيركبها(فورد فيستا 2012)هما دول اللى ادفع فيهم فلوس وانا مبسوط مش هيونداى هاتش باك يا راجل اللى يدفع فيها كدة مع كامل احترامى للصناعة الكورى.

اوبل استرا التيربو 180 حصان و 1600 سى سى مين قالك 220 حصان؟؟؟

ثاتيا سعرها 212 ألف للتيربو

و العاديه بأكتر من 180 ألف

[Ahmod]

اوبل استرا التيربو 180 حصان و 1600 سى سى مين قالك 220 حصان؟؟؟

ثاتيا سعرها 212 ألف للتيربو

و العاديه بأكتر من 180 ألف

غالية اوي بصراحة

بس ركوبة حاجة تانية خالص

وحتى لو 180 حصان بس

معلش 180 حصان حاجة مش قليلة ده انت كدة تزعل البرافو والجولف التربو مرتاااااااااااح و تزعل الكوبر s وهتزعل عربيات تقيلة

بس بجد يا جماعة 212 الف كتير اوي احنا بنتكلم هنا على انهم حاجة عادية كدة لكن وقت لما تيجي هتحط 212 الف على التربيزة

ممكن سعتها تلاقيك سبت كل الحجات اللى احنا بنفكر فيها وعمالين نقول تربو وكام حصان ومش عارف ايه ورحت جايب باسات او جيتا حاجة تضمن فلوسك فيها

التفكير وقت الشراء الفعلي يفرق كتير اوي اوي اوي عن الكلام اللى احنا بنقوله هنا في المنتدى

[minicooper20]

غالية اوي بصراحة

بس ركوبة حاجة تانية خالص

وحتى لو 180 حصان بس

معلش 180 حصان حاجة مش قليلة ده انت كدة تزعل البرافو والجولف التربو مرتاااااااااااح و تزعل الكوبر s وهتزعل عربيات تقيلة

بس بجد يا جماعة 212 الف كتير اوي احنا بنتكلم هنا على انهم حاجة عادية كدة لكن وقت لما تيجي هتحط 212 الف على التربيزة

ممكن سعتها تلاقيك سبت كل الحجات اللى احنا بنفكر فيها وعمالين نقول تربو وكام حصان ومش عارف ايه ورحت جايب باسات او جيتا حاجة تضمن فلوسك فيها

التفكير وقت الشراء الفعلي يفرق كتير اوي اوي اوي عن الكلام اللى احنا بنقوله هنا في المنتدى

+11111111111111111111

[IronHead]

زود على 165 الف كمان 10 الاف وهات جولف وعيش

[tarekmomo]

شايف ان سعرها مبالغ فية