اوبترا اتوماتيك ولا جين تو سبورت

[meerothe1st]

يا جماعة أنا معايا فى حدود 95000 و محتار ما بين الأوبترا أوتوماتيك و البروتون جين تو سبورت باكيدج أرجو من ملاك كلى السيارتين الرد وتوضيح مقارنة ما بين السيارتين ولكم جزيل الشكر

==========

تم تغيير العنوان لعدم وضوح محتوى الرسالة منه
ويرجى مراعاة ذلك
وشكرا

الادرة 3

[hfarouk]

الاوبترا افضل بدون تفكير كتير أول هى الاكثر انتشارا ثانيا التوكيل محترم جدا بخلاف وكيل بروتون (عز العرب ) ثالثا سهلة فى البيع بخلاف البروتون ليها زبون مخصوص رابعا قطع الغيار متوفرة بره التوكيل وارخص من قطع غيار البروتون

[karimalaa]

البروتون عربية شبابي و محترمة جدا و الأوبترا تعتبر من السيارات الفارهة ومميزات الجين 2 التي تفوق الاوبترا هي:1-اير باجز,2-سنسور خلفي للركن,3-فرامل Abs+ebd.
الأوبترا موتورها يستحمل والعفشة تستحمل و عربية شيك أوي و العزل والتقفيل ممتاز و واسعة جدا و سحبها أكتر من رائع بس ده مايمنعش ان الجين 2 عربية رياضية. والصراحة أنا معرفش تفاصيل دقيقة عن الجين 2 بس لو محتاج تفاصيل الاوبترا انا تحت أمرك.

[meerothe1st]

شكرا جدا يا جماعة على الرد
العربية دى هتكون أساسا بتاعة مراتى وأنا عندى عربيتى الحمد لله
وأنا شايف ان حجم البروتون طبعا أصغر من حجم الجين تو فها ده هيكون أحسن لها ولا ايه
سؤال اخر ايه اخبار ثبات الأوبترا لأن أنا أعرف ان ثبات البروتون ممتاز

[karimalaa]

ثبات الأوبترا ممتاز جدا بردو حتى 150كم/س محدش جرب اكتر من كدة بس مدام سيدة هي اللي حتسوقها يبقى جين 2 عشان صغيرة و مش حتتعبها في الركن +انها فيها باركينج سنسور.

[aif]

الاوبترا سيارة ممتازة ...
لكن حجمها كبير بالنسبة للسيدات ... السيدات محتاجين سيارة اصغر عشان يعرفو يسيطرو عليها بسهولة ....
واعتقد ان الجين رياضية ... مش عارف ده برضه مش بيبقي مناسب لفئة كبيرة من السيدات .....
رأيي الشخصي انك تفكر في عربية قوية وصغيرة الحجم ... زي السيريون مثلا
لكن لو العربية لسيادتك .... كنت رشحت الاوبترا كسيارة عائلية ممتازة .... والجين تو كسيارة شبابية ... وانت تشوف انت محتاج مواصفات اي واحدة فيهم ...
ربنا يوفقك في الاختيار
بالمناسبة انا لا افضل الاتوماتك في الكوري والماليزي عموما ....