محتاج رأيكم في العربية اللي هجيبها

[bgy]

السلام عليكم ورحمة الله وبركاته

وكل سنة وانتوا طيبين

انا دي اول مشاركة ليا في المنتدي وكنت عايز اخد رأيكم في الموضوع ده

انا ان شاء الله ناوي اجيب عربية وكنت ناوي اجيب

سيراتو كوبيه 2011 هاي لاين - cerato koup 2011

رغم اني عارف مشاكل العفشة

لكن المشكلة بقي ان الطريق اللي انا همشيه يوميا رايح وجي حوالي 170 كيلو

هعدي علي الاوتوستراد والدائري ومصر السويس

فانا عايز اعرف هل العربية هتبقي مناسبة من ناحية انها هتستحمل ولا ايه

وبالنسبة للبنزين انا عارف انها بتسحب بنزين كتير نسبيا

فلو العربية دي مش كفائة تنصحوني بايه وياريت تبقي قريبة من نفس سعر

الكوبيه اللي هو في الوكيل دلوقتي 142 الف ومش عارف الخليجي بكام !!

مع العلم اني قريت عن كل مشاكل ومميزات الكوبيه وشايف انها الافضل

وعجباني جدااااااا

ولكن لا خاب من استشار

وشكرا ليكوا مقدما

[abokoko]

ما دام عاجبك الكوبيه
فكر فى الهونداى فلوستير
عربيه 3 باب وشكل جميل وملفت للنظر والعربيه من هونداى اخت الكيا
بس هتكون احدث واكثر جاذبيه والسعر فى نفس الحدود

المشكلة الوحيده ان السيراتو منتشره عنها ( السيدان ) مش الكوبيه

[bgy]

ما دام عاجبك الكوبيه
فكر فى الهونداى فلوستير
عربيه 3 باب وشكل جميل وملفت للنظر والعربيه من هونداى اخت الكيا
بس هتكون احدث واكثر جاذبيه والسعر فى نفس الحدود

المشكلة الوحيده ان السيراتو منتشره عنها ( السيدان ) مش الكوبيه

الف شكر يا abokoko علي ردك لكن انا مش عايز بدائل غير لو الكوبيه مش هتستحمل

وموضوع الانتشار ده مش فارق اوي يعني

[yasserelsayad]

هى من ناحية هتستحمل فا هتستحمل عادى بس اهم حاجة انت تكون بتهتم بالعربية يعنى صيانات فى معادها وفى التوكيل او اى مركز خدمة محترم بس اهم حاجة الكشف الدورى عن العربية كل 10 الف كيلو وان شاء الله مش هيقبلك اى مشكلة

[bgy]

هى من ناحية هتستحمل فا هتستحمل عادى بس اهم حاجة انت تكون بتهتم بالعربية يعنى صيانات فى معادها وفى التوكيل او اى مركز خدمة محترم بس اهم حاجة الكشف الدورى عن العربية كل 10 الف كيلو وان شاء الله مش هيقبلك اى مشكلة

الف شكر يا ياسر وان شاء الله هتبقي ليا شوية استفسارات كمان بس بعد لما اخلص من الحوار ده

[mody3on]

لا لو العربية عاجباك ومش عايز بدائل العربية جميلة جدا خصوصا لو مش هتحتاج الصالون اوي
لو عايز كوبيه يبقى هات السيراتو كوبيه لانها عربية اثبتت نجاحها في مصر وشكلها جميل وهي هي السيراتو اكيد هتستحمل معاك عادي جدا

[Hosam_Optrawy]

هى من ناحية هتستحمل فا هتستحمل عادى بس اهم حاجة انت تكون بتهتم بالعربية يعنى صيانات فى معادها وفى التوكيل او اى مركز خدمة محترم بس اهم حاجة الكشف الدورى عن العربية كل 10 الف كيلو وان شاء الله مش هيقبلك اى مشكلة

+1

[bgy]

mody3on و Hosam_Optrawy الف شكر علي ردكوا وان شاء الله هبقي اعمل

موضوع في قسم كيا عشان استفسر عن شوية حاجات تانية

شكرا لكل اللي ردوا

[ashouhdy]

متستحملش لية ! لو حابب شكل الكوبية يبقى اتكل ع الله .... شوفت المازدا3

[ابو ليلى]

وعليكم السلام ورحمة الله وبركاته

العربية تستحمل طبعا طول ما الطريق كويس مفيهوش تكسير او مطبات كتير
الكوبيه فى حد ذاته ركوبة حلوة ده غير الكماليات اللى فيها

رائى وعن تجربة... العربية دى محتاجة معاملة خاصة من الاخر عربية بنت ناس
مش بتاعة بهدلة لو هتقسى عليها يبقى لا....و شوف حاجه تانية
والاخر صلى صلاة استخارة واللى فيها الخير اكيد يقدمه ربنا .

[bgy]

متستحملش لية ! لو حابب شكل الكوبية يبقى اتكل ع الله .... شوفت المازدا3

اه ياباشا شوفتها وكانت عجباني جدا جدا بس الهاتش باك وكنت ناوي اقارن بينها وبين الكوبيه بس
الهاتش باك طلعت مش موجودة هنا

[bgy]

وعليكم السلام ورحمة الله وبركاته

العربية تستحمل طبعا طول ما الطريق كويس مفيهوش تكسير او مطبات كتير
الكوبيه فى حد ذاته ركوبة حلوة ده غير الكماليات اللى فيها

رائى وعن تجربة... العربية دى محتاجة معاملة خاصة من الاخر عربية بنت ناس
مش بتاعة بهدلة لو هتقسى عليها يبقى لا....و شوف حاجه تانية
والاخر صلى صلاة استخارة واللى فيها الخير اكيد يقدمه ربنا .

الف شكر يا ابوليلي .. وان شاء الله اللي فيه الخير يقدمه ربنا