مساعدة ضرورى

[mishoooonline]

بعت عربيتى بعد عشرة

وجلوقتى محتار اجيب اي "405 بيجو - تمبرا فيات - هيونداي اكسل/اكسنت"
انا معايا تقريبا 35000ج
المهم بعد بحث ومشاورات تم استبعاد الهيونداي دلوقتى حيرتى بين ال 405 و التمبرا

ارجو مساعدتكم فى الاختيار ياتري 405 ولا تمبرا ولو تمبرا ايطالي ولا مصري
طبعا مع المقارنة بينن السيارتين من حيث:
1-توافر قطع الغيار / مدي الاعتمادية "بتعمر ولا كل شوية هنغير"/من حيث السعر
2-استهلاك البنزين "يفضل 80"
بمشي بالعربية كتير يمككن متوسط 3000 كم فى الشهر
3-الاداء والتسارع وقوة المتور والهدوء
4- المميزات والعيوب


بس كده شكراااااااااااااااااااااا
ههههههههههههههههه

[szaalouk]

شوف يا سيدي
اولا كل سنه و حضرتك طيب بمناسبه عيد الأضحي
البيجو قطع غيارها ارخص و متوفره عن التمبرا و يمكن ده العامل الرئيسي في الرغبه في البيجو 405 في السوق المصري .
ثباتها طبعا محترم جدا و سحبها تحفه ( بس كل اللي انا قلته بناءا علي عربيه تكون حالتها نظيفه )
انا بصراحه تجربتي مع البيجو 405 كانت من الزيرو من سنه 1994 و لمده 7 سنوات و كانت اقل ما يقال عنها انها عربيه تحفه و اوسع صالون في فئتها و ثباتها جبار يعني انا جبت بيها كتير 160 و لحد 180 كم .
التمبرا مع واحد صحبي و بيقول عليها سحبها رائع شرط ان ايده فيها علي طول بس العيب ان قطع الغيار غاليه حبتين .
العربيتين حايقبلوا منك بنزين 80 المهم تظبط الكهرباء و التقسيمه علشان تتوافق معاه .

طبعا المشاوير الكتير مش مشكله خالص بس يفضل طوالي لأن الوقوف كتير و في اشارات و ياسلام كمان في الصيف و انت محمل علي التكييف بيقتل العربيه سواء البيجو او الفيات .

تحياتي .

[tarekmomo]

لانوس 1 موديل 98

[benmatar]

السلام عليكم
ربنـــا يوفق حضرتك في اختيار أنسب وأفضل شئ ليك، بس أنصح حضرتك وعن تجارب وليس تجربة بالأسد الفرنسي (بيجـــــو) طبعا ومش تحيز بيجو 405 هتحل معادلة صعبة بين ركوبك لعربية أوروبي وقطع غيار محترمة وسعرها مناسب وقوة المحرك وبرستيج معقول، عالية عن الأرض وثابتة (كنت بجيب بيها 170 وثبات معقول) وعلى فكرة تجيب أكثر لو الموتور تمام، تكيفها كويس جدا برضه لو مظبوط، المهم تختار حالة جيدة جدا، والصيانات تكون عند متخصص بيجو أفضل شئ وبالتالي مش هتفكر تغيرها، وماشاء الله صالونها واسع والشنطة تشيل والاستبن من تحت ودي حاجة نادرة وممتازة إن الاستبن مش في قلب الشنطة. الأمر إن معدل استهلاك الوقود ممكن يزيد شوية لو مشاويرك داخل الزحام والاشارات بس على الطريق تمام التمام. منها فرنساوي لغاية 1994 ومنها مصري بعد 1994 ولغاية 2004، معظمها 1600 والقليل 2000سي سي. الفرنساوي فعلا كفاءة والمصري برضه كويس وأنصحك بالبحث عن الحالة وليس الموديل أو السنة، وبالتوفيق