إعـــــــلان

Collapse

.

,
See more
See less

فيفوريت 94 ولا اونو 49 برضو

Collapse
X
 
  • Filter
  • الوقت
  • Show
Clear All
new posts

  • فيفوريت 94 ولا اونو 49 برضو

    السلام عليكم ورحمة الله وبركاتة

    دلوقتى انا نويت ان شاء الله انى اجيب اونو تسعينات وكنت ناوى اخليها معايا فترة ستوك على ماتجيلى فلوس وبعد كدة اعدل فيها موتور بونتو 1100 او 1240 زى ما اعضاء المنتدى المحترمين نصحونى بية
    لانى بصراحة بحب الجرى شوية وشايف ان الاونوالاستوك ال 1000 سى سى حتبقى خنيقة شوية.


    المهم النهاردة لاقيت بالصدفة عربية سكودا فيفوريت مو94 حالتها العامة ممكن نقول جيد جدا سمكرة ودوكو وصالون وجنوط سبور ودة اللى شدنى ليها

    والموتور على كلام صاحبها حالتة 90 % لسة ماجربتوش انا اتصلت بية بس
    وعلى كلامة برضو فابريكة جوة طبعا
    المهم المطلوب 20000 واكيد حيبقى فى كلام تانى ساعة الشراء ممكن تنزل الف او الف ونص كمان
    المهم يا جماعة دورت على النت على مميزات وعيوب العربية دى او اسعار قطع غيارها للاسف المعلومات قليلة اوى عنها بس المعلومة اللى بتتكرر دايما ان ناس تقول فيها مشكلة سخونة وناس تقول لا عادى بس انت اهتم بالصيانة بتاعتها !!!

    المهم حد عندة فكرة عن الفيفوريت دى
    يعنى اعطالها المشهورة اية و اسعار قطع غيارها؟؟ عفشتها ناعمة ولا ناشفة قوية ولا بتبوظ كل شوية يعنى مميزات وعيوب العربية دى اية من الاخر

    ؟؟! وياترى هى افضل ولا استنى شوية واجيب اونو

  • #2
    السلام عليكم
    طبعا أحب أنصح حضرتك وعن تجربة بعائلة سكودا، بالنسبة للفيفوريت مش مختلفة كتير عن الفيليشيا، هي عربية أوروبي ولو قارنتها بمثيلاتها من الكوري أو غيره هتلاقي متانة صاج أعلى، ثبات في السرعات أكتر، معدلات استهلاك وقود مناسبة، قطع غيار معمرة، معدل التسارع أو السحب مش قوي، السرعات القصوى 130-160ك/س. المهم تنتقي حالة جيدة وتراعي الصيانات عند فني سكودا شاطر مش أي حد. ممكن تعتبرها خدمة شاقة بالنسبة لقريناتها أو نفس الفئة. أرجو أكون قدمت إفادة ولو بسيطة.
    وبالتوفيق
    [CENTER][SIZE=3]ألا كل شئ ماخلا الله باطل وكل نعيم لا محالة زائل [/SIZE][/CENTER]

    Comment


    • #3
      المشاركة الأصلية كتبت بواسطة benmatar مشاهدة المشاركة
      السلام عليكم
      طبعا أحب أنصح حضرتك وعن تجربة بعائلة سكودا، بالنسبة للفيفوريت مش مختلفة كتير عن الفيليشيا، هي عربية أوروبي ولو قارنتها بمثيلاتها من الكوري أو غيره هتلاقي متانة صاج أعلى، ثبات في السرعات أكتر، معدلات استهلاك وقود مناسبة، قطع غيار معمرة، معدل التسارع أو السحب مش قوي، السرعات القصوى 130-160ك/س. المهم تنتقي حالة جيدة وتراعي الصيانات عند فني سكودا شاطر مش أي حد. ممكن تعتبرها خدمة شاقة بالنسبة لقريناتها أو نفس الفئة. أرجو أكون قدمت إفادة ولو بسيطة.
      وبالتوفيق
      مشكور يا باشا على الرد
      بس انا برضو لسة محتار هيا فيها عيب تصنيع بيخليها تسخن ولا اية موضوع السخونةاللى الناس بتتكلم فية دة ؟؟!

      Comment


      • #4
        عن تجربة لو بتجرى يبقة الاونو... ولو قطع غيار يبقة الاونو ...ولو شكل يبقة الاونو...ولو اعادة بيع يبقة الاونو...ولو الاونو يبقة الاونو ههههههههههههه

        الاونو اشيك
        عيوبها اقل
        مشاكلها اقل
        موتورها 1000 بس العادى اننا بنجيب بية 120 و140 ماشاء الله
        وممكن تعدل بالموتور الى عايزة وطبعا يبقى الموتور الاعظم 1400 تربو
        قطع غيارها حاجات فى العبيط كدا
        مع جنوط عريضة سنه ثبات بيكون ممتاز دا على جنوط 13 مش 14 لانى مش جربت 14 بصراحة....
        الصاج الاونو الايطالى الى اخر موديل منها 94 قوى وجامد,,,انما الفيفوريت صاجها جامد طبعا
        الاونو الحلو هتلاقى بادء سعر من 23 او 24 لما فوق مش اقل من كدا الا لو رشة جوا ..ودا مش مشكلة لعلمك كتير بيرش جوا ومفهوش حاجة او حادثة عادية المهم تكشف على العربية.....وتتاكد انه الدونجل سليم لو راشة من وراه ومن قدام تشوف الزوايا والمقصات ....
        التكييف فى الاونو معقول يعنى فى الهاى واى انما فى المدينه من جواه افتح الشباك وتعامل مع الناس احسنلك هههههههههههه
        ومشاكل الحرارة فيها شبة معدومه على عكس الفيفوريت او الفيليشيا بصفة عامه

        Comment


        • #5
          الردود السابقه افادت ووفت واحب اضيف حاجه لو حضرتك لوحدك او معاك حمل خفيف يبقى الانو لان صالونها صغير وتقريبا مفيش شنطه لكن لو حضرتك عفواً طويل شويه او معاك حمل يبقى الفيفوريت اعتقد ان صالونها اكبر واوسع والعربيه تستحمل
          لا اله الا الله سيدنا محمد رسول الله

          Comment


          • #6
            السلام عليكم
            موضوع السخونية ده له حلول كتير وممكن ينتهي لو اتعمل صح ودروة التبريد سليمة مش هتسخن وده عن تجربة، أنا شخصيا جربت الفيليشيا والأوكتافيا وأعرف حد عنده فيفوريت، وبجد عائلة سكودا ممتازة، ومفيش عربية في الدنيا كاملة من مجاميعه، بس اختار حاجة حالتها تمام وحافظ على الصيانة عند متخصص سكودا وهي هتريحك.
            [CENTER][SIZE=3]ألا كل شئ ماخلا الله باطل وكل نعيم لا محالة زائل [/SIZE][/CENTER]

            Comment


            • #7
              بص يا باشا انا معايا فيفوريت
              اقدر اقولك انها عربية متازة بمعنى الكلمة
              اولا موضوع السخونية ده انا عالجته بكل بساطة
              كل اللى عليك انك تركب مروحة كمان جنب الاصلية قدام الريدياتير ودى مش هتكلفك اى حاجة
              لانك هتركب اى مروحة مش هتفرق غير فى المساحة
              يعنى مروحة صغيرة شوية
              بالنسبة للموتور فى اكتر من 5 ميكانيكية قالولى الموتور بتاعك خفيف ومش هيكمل شهر
              والكلام ده كان من سنة ونص ولسة ماشية والحمد لله زى الفل وبتجيب 110 مستريح ولغاية 130 لو رايقة
              يعنى مثلا على طرق السفر انا ببقى ماشى 120 طول السكة مستريح جدا
              وده مه العلم انى بحط بنزين 80 وبسافر كل اسبوع حوالى 1000 كيلو
              بالنسبة للسيور مش هتحس ب اى مشكلة لانك مش هتقابل اى سير غير سير الدينامو والتانى جنزير
              بالنسبة للصاج احب اقولك انك هتركب دبابة
              بالنسبة للعفشة انا مقابلتنيش اى مشكلة فى عفشة العربية من يوم ما جبتها ولا عمرى جبت سيرتها اصلا
              كل مشكلتك ان شكل التابلوه مش ولا بد وبالنسبالى انا ركبت تابلوه فليشيا مكلفنى 400 بالتركيب
              قطع غيارها لا تعتبر مشكله نهائيا خصوصا انك مش هتغير حاجة غير كل فين وفين
              مشاكلها اللى ممكن تقابلك :
              الكهرباء الخاصة بهذه السيارة مقرفة حبتين ودى اعتقد انها مشكلة تخصنى انا بس لانى غاوى لعب فى الكهربا
              قاعدة الكربراتير بتبوظ كل سنة ودى تمنها 50 جنيه
              بالنسبة لموضوع الصيانة اعتقد ان اى حد عايز يحافظ على عربيته بيغيرلها فلاتر وبوجيهات واللذى منه بصفة دورية
              وفى مشط كده بتاع الاسبراتير الالكترونى ده بيبوظ فورا لو جت عليه مية
              المشكلة الوحيدة فعلا فى العربية دى هى ان الشكمان ضعيف وبيتبهدل من المطبات الشديدة
              واعتقد والله ان كل اللى بقوله ده ناتج عن استعمالى الشخصى يعنى مش وارد انك تتعرضله
              ارجو انى اكون ساعدتك :)

              Comment

              Working...
              X