محتاج رأيكم و النصيحة لوجه الله تعالى

[sherifboo]

بسم الله الرحمن الرحيم

اناعايز اعرف رأيكم اجيب افيو 2012 ولا رينو سانديرو 2012 مع العلم ان الافيو في الشارع بالكووم و ده معناه صيانة سهلة و قطع غيار رخيصة و اعادة بيع سهلة مقارنة بالرينو و بالرغم من كدة ناس كتيير بشتكي مر الشكوى من الافيو اما الرينو السانديرو ناس شكرت فيها بس اللي هيجنني انها مش منتشرة خالص ........... افيدوني افادكم الله

[benmatar]

السلام عليكم
نصيحة لحضرتك بالرينو سانديرو... عربية أوروبي ثبات على الطريق، كفاءة محرك، صحيح مش منتشرة بس رينـــو عربية كفاءة وهتريح حضرتك ، بس عن تجارب الصيانات إما توكيل أو فني رينو متخصص وشاطر وده هيكون أفضل من التوكيل كمان. وده لو حضرتك مش هتبيع وعاوز تخلي العربية معاك، واستخير وربنا يوفقك.

[ahmed200051]

لا خليك في الافيو احسن

[sherifboo]

متشكر جدا على الردوود بس انا خايف من توكيل منصور و بردو الناس هنا في منتدانا الكريم بيشكورو في توكيل رينو ..... انا فعلا مش عارف اعمل ايه ... هل مشاكل الافيو ممكن تكون اتحلت في موديل 2012 و كمان لو في حد معاه السانديرو يقولي لو يعرف اسعار الصيانة مثلا و قطع الغيار و عايز رأيكم يا رجالة ,,,, مش معقولة المشاهدات دي و مفيش حد عندة أي معلومة

[Sehsss]

نصيحة عن تجربة، ابعد عن الأفيو وغنيلها

[hugan]

الافيو منتشره بمراحل ومراحل ومعني انتشارها الكل يعرف مزاياه
السانديرو لاتكاد تري في الشارع اللوجان طبعا انتشارها افضل بمراحل
لو مصمم المقارنه تكون بين الا فيو والسانديرو
تبقي الافيو افضل
لكن لو المقارنه تحولت بين الا فيو واللوجان تبقي اللوجان

[sherifboo]

بجد شكرا على المجهود و وقتكم يا رجالة انا شكلي كدة هنوي على الافيو مع اني قلقان برضه بس هي تكسب من ناحية الانتشار و العملية

[MNabeih]

انا ما شفتش حد جاب الافيو و شكر فيها.
اسأل عن السانديرو في قسم رينو و اسئل حد يملك العربية

[sherifboo]

المشكلة ان كل الرجالة بتقول رأيها من الناحية النظرية في السانديرو ......... نفسي اسمع اي تعليق من مستخدم واحد بس ليها سواء بالسلب او بالايجاب عنها .... و طبعا الشكر و التحية لي كل الرجالة الي ساعدتني

[Donzi]

طيب انت ليه حاصر الاختيار بين الافيو و السانديرو

ممكن اكسنت و ممكن كيا ريو و الاتنين حلوين

[MNabeih]

ربنا يكرمك للافضل,
بس عربية ناس كتير بتشتكي منها , تجيبها لية؟؟!!

[MNabeih]

طيب انت ليه حاصر الاختيار بين الافيو و السانديرو

ممكن اكسنت و ممكن كيا ريو و الاتنين حلوين

+1
هو دة.
و الاكسنت و الريو احسن من الافيو و اغلي سنة بسيطة

[sherifboo]

لو تقصدو النيواكسنت اعتقد ان مفييش منها 2012 كل اللي موجود rb و دي سعرها عالي عليا و اما الريو تقريبا مفيش منها 2012 لان الشكل الجديد المفروض هينزل اول السنة و دي حاجة تزعل انك تجييب حاجة زيرو عارف ان انتاجها وقف اصلا .... انا عارف اني حيرتكم معايا بس معتمد على الله ثم عليكم في النصيحة

[Hosam_Optrawy]

طب ليه مش لوجان

[SonaSteel]

اللوجان من الناحية العملية اظرف والبلاك لاين اللي نازل قطع السكة علي حاجات كتير
ووسائل امان وكمبيوتر رحلات وتوكيل محترم
------
الافيو انا مشوفتش حد بيشكر فيها و كل كماليتها الازاز القدام كهربا وورا بكر وديه الفول اوبشن اوتوماتيك
ادفع فيها 80 الف ليه بقي ان شاء الله
هاتكسر ال80 الف يبقي جين تو او صني مانيوال
تحت ال80 الف هات اللوجان البلاك لاين الكاملة
ومتنساش الاستخارة وربنا ييسرلك الخير