ما هى افضل سيارة فى اعادة البيع؟

[أحمد محمد]

بالنسبة للسيارات المعروضة في هذا الموضوع تحديدًا...

أفضل سيارة في إعادة البيع من ناحية قيمة المال:
1- سكودا أوكتافيا
2- رينو فلونس
3- تويوتا كورولا
4- سكودا رومستر
5- بيجو 2008

أفضل سيارة في إعادة البيع من ناحية سرعة البيع:
1- تويوتا كورولا
2- ميتسوبيشي لانسر
3- سكودا أوكتافيا
4- هيونداي إلانترا
5- أوبل أسترا

أفضل سيارة في إعادة البيع من ناحية قيمة المال وسرعة البيع معًا:
1- تويوتا كورولا
2- سكودا أوكتافيا
3- ميتسوبيشي لانسر
4- هيونداي إلانترا
5- أوبل أسترا

الإجابة على سؤالك: أفضل سيارة في إعادة البيع هي تويوتا كورولا.

هذا، والله أعلم.

[gamal_sharaf]

هيونداى
سعر قطع الغيار رخيصة
سهولة الصيانة فى اى مركز خدمة او ورشة ميكانيكى
الطلب عليها عالى
وسعر إعادة البيع مش بيخسر كتيير

[Mohamed Desoky]

للاسف الفيرنا اسرع سيارة فى اعادة البيع رغم انها ورقة وخبتطها وحشه جدا وقطع غيار يمكن رخيصة وغير معمرة لكن السوق المصرى هو اللى رفعها للسما ء علشان قطع غيارها عند البقال ومن وجهة نظرى عربية موتور بس والباقى ورق وشكرا

[ياسر شقو]

وايه رأيكم في عربية كيا كارينز اتوماتيك موديل 2015
سعرها كام الان

[AlGhareeb]

تويوتا طبعا

[Harhara]

اتوقع راحت عليها وقريباً هتكون زي التيريوس والفيتارا >> ذكريات من الماضي

[ياسر شقو]

أيه رأيكم في الكيا كارينز اتوماتيك

[tasaka]

أيه رأيكم في الكيا كارينز اتوماتيك

اخى معاه كارينز 2015 اعلى فئه .. ماشيه لغايه الان 17 الف كم

موش مزعلاه فى حاجه .. الا البلالين علشان الجنط ال 17 .. غير الكاوتش مرتين او ثلاثه لغايه دلوقتى .. اخر مره جاب ميشلان و ربنا يسهل و ميبوظوش

انا ركبتها كام مره .. العفشه كويسه فى المطبات .. السحب كويس .. بس بصفه عامه انا لا احب ال suv

التكييف ثلاجه و زياده عن اللزوم بطريقه متعبه .. بس فيه عيب فى اعلى فئه و هو السقف البانوراما موش بيعزل الحراره كويس ( من وجهه نظرى ) .. فتلاقى العربيه ثلاجه بس من تحت .. لكن منظقه الرأس عليها بعض الدفئ من السقف البانوراما ( حتى لو قفلت الباب القماش بتاع السقف )

الثبات على السرعات العاليه ممتاز ( ده انطباع اخى ) .. العربيه محمله عائله كامله 5 افراد + كميه كبيره من الشنط .. و هو حب يجربها وصل 160 ثبات نام و محبش يزود عن كده علشان الاسره .. الانطباع عنده انها ثابته جدا