مقارنه صعبه بين النترا 2005 والسيراتو 2005

[iso_loma]

السلام عليكم
انا دورت كتير وشوف اللى الناس كتباه عن العربيتين دول النترا 2005 والسيراتو 2005 والكل اجمع انهم من احسن العربيات اللى نزلو فى الكورى و فيه ناس بتقول ان العربيتين واحد بس انا شايف شويه اختلافات بسيطه زى
انا شكل الالنترا احلى من شكل السيراتو الخارجى لكن شكل تبلوه السيراتو احلى كتير من شكل تبلوه الالنترا كمان سحب السيراتو اعلى شويه حيث ان السيراتو موتورها 121 حصان اما الالنترا 112 لكن الحاجه اللى مش عارفها هل الالنترا فيه abs زى السيراتو وكل موديلتها ولا لأ

[أبو_يوسف]

السيراتو الموديل دا مفيهوش abs ولا الالنترا على ما أعتقد..

[iso_loma]

لا السيراتو الاتوماتيك فيها abs

[motoxp]

انا عن تجربة الالنترا ممتازة بس شرط الحالة

وعلى فكرة الاتنين مفيهمش ايه بى اس

[elfashn]

المقارنه فعلا صعبه والعربيتين من احلى الموجود فى السوق من الكورى وان كان يحسب للهيونداى توفر قطع الغيار مع رخص تمنها بالمقارنه بالكيا بالآضافه لسهوله اعاده البيع فى الهيونداى. اما الشكل فدى اذواق . واهم حاجه فى المقارنه الحاله.

[Dr'AhmZZong]

الانترا .. عشان اللي عربية ده ناس كتير قوي ندمت إنها مجبتهاش

[el_nahal2004]

العربيتين افضل بصراحة افضل ماانتجه هيونداى وكيا
يشترط فعلا الحالة
بس لو الاتنين حالتهم حلوة
انا افضل الهيوانداى
قطع الغيار متواجدة وهتفضل متواجدة وارخص
الكيا متضمنش بعد كام سنة ايه الى يحصل

[amr_2010]

الالنترا الشكل ده عربية بجد

[M.ABDEEN]

السيراتو من 2005 ل 2007 الموتور من 105 ل 107 حصان من بعد 2007 ل 2009 الشكل القديم 121 حصان ومن 2009 الشكل الجديد وانت طالع بيكون 124 حصان

عموما العربيتن زي الفل لكن السيراتو في الثبات والصاج افضل شوية لكن الالنترا في توافر قطع الغيار واعادة البيع افضل وغير كده العربيتين زي بعض تقريبا

[AHMEDCAR]

احب اقولك حاجه الاتنين نفس الماتور السيراتو من بعد 2007 نزل عليها ماتور جديد

[AutoTycoon]

السيراتو شكل القديم في فئة كانت بتنزل ب abs.. اعلى فئة و دي نادرة اعتقد

[أبو_يوسف]

بالنسبة لي شكل السيراتو افضل من برا ومن جوا
بس من عيوبها الشنطة الصغيرة
وقطع غيارها متوفرة منها الاصلي ومنها الكوري ومنها الصيني