رينو فيلونس ولا تويوتا كرولا ولا ماذدا 3

[shadow84]

ياريت تيفيدوني انا عايز عربيه , سحب , اسعار و توافر قطع غيار ثبات , اداء , رفاهية , كماليات ومش هتفرق في الشكل انا عارف ان فيه فرق في اسعارهم بس مش هو ده الفارق بالنسبالي

[M.Alaa92]

الفلواانس ثم المازدا

[ahmedsql]

سحب و ثبات = مازدا
اسعار و توافر قطع غيار = كرولا
ثبات و أداء و رافهية و كماليات = فلونس طبعا

[shadow84]

بس في ناس كتير بتشكر في الكورولا الجنوب افريقي الجديده من حيث السحب والثبات والكماليات وطبعا معروف عن الكرولا توافر قطع الغيار باقل سعر عن الباقيين

[shadow84]

يا جماعه ياريت تيفيدوني لاني فعلا محتار ومش عارف اجيب ايه فيهم

[M.Alaa92]

بس في ناس كتير بتشكر في الكورولا الجنوب افريقي الجديده من حيث السحب والثبات والكماليات وطبعا معروف عن الكرولا توافر قطع الغيار باقل سعر عن الباقيين

موديل السنة دى و تقريبا اللى فاتت يابانى بالكااامل

لان الجنوب افريقى محدش كان عارف يتعامل معاااه فطلعت سمعة ان فتيس العربية فيه عيب
ف التوكيل بقى يجيب من الياباان مباشرة

[mody3on]

تويوتا كورولا .. خليك في المضمون

[shadow84]

هي المشكله الوحيده الي في التيوتا انها تفتقر الي المكانيات الموجوده في الفلوانس زي مثبت السرعه والمالتي فانكشن

[Hosam_Optrawy]

ياريت تيفيدوني انا عايز عربيه , سحب , اسعار و توافر قطع غيار ثبات , اداء , رفاهية , كماليات ومش هتفرق في الشكل انا عارف ان فيه فرق في اسعارهم بس مش هو ده الفارق بالنسبالي

مفيش واحده فيهم فيها كل متطلباتك لازم تتنازل عن حاجه

يعنى السحب الكورولا اقواهم 122 حصان ثم المازدا ثم الفلوونس

اسعار وتوافر قطع غيار مش متأكد بالظبط بس الكورولا موجوده من 2008 اكيد حاجتها منتشره اكتر من المازدا والفلوونس

ثبات واداء فى المازدا والفلوونس

والكماليات والرفاهيه زى ما انت قولت

هي المشكله الوحيده الي في التيوتا انها تفتقر الي المكانيات الموجوده في الفلوانس زي مثبت السرعه والمالتي فانكشن

بالتوفيق

[Formulator]

هاتكلم على الأداء فقط,
- الكورولا: كـ موتور أقوى من الأثنين فـ السحب.. لكن ثبات وهاندلينج وأماااااااااان... أقل بكتييييييير
- المازدا3 والفلوينس: متقاربين فـ الموتور, الثبات.. والمازدا3 تتفوق قليلا فى الهاندلينج عشان شاسيه الفورد فوكس, والعفشة الـMulti-Link
مقابل عفشة Torsion-Beam للفلوينس.. لكن جاااااااااااامدة فـ الثبات والراحة..!!

رأيى: المازدا3 الأختيار الأول, ثم الفلوينس... وأخير الكورولا

[minicooper20]

mazda 3 الاختيار الاول

[ahmedsadek82]

ياريت تيفيدوني انا عايز عربيه , سحب , اسعار و توافر قطع غيار ثبات , اداء , رفاهية , كماليات ومش هتفرق في الشكل انا عارف ان فيه فرق في اسعارهم بس مش هو ده الفارق بالنسبالي

الثبات: 1)مازدا لأنها عفشة ملتي لنك خلفية و ده بيفرق جامد في الثبات , اما الفلونس والكرولا فعفشتهم توشن بيم
2) كماليات و فخامة : مازدا هايلاين تحفة و الفلونس برده الهاي جامدة , الكرولا قليلة شوية و شكلها قديم
3) توافر القطع : كرولا ,فلونس , نازدا اما الاسعار فأرخصهم الفلونس

لو عايز تمسك العصاية من النص هات الفلونس فيها كل حاجة

[shadow84]

بصراحه انا معجب جدا بالفلوانس من حيث الشكل والامكانيات و ملاكها من الاعضاء الي بيشكرو فيها وبيقولو انها احسن عربيه في لبفئه السعريه بتاعتها لكن خايف من قطع الغيار وسعر اعاده البيع وكمان في منتدي رينو عرفت ان في بعض العيوب في العربيه زي عداد البنزين ساعات مش بيكتب القراءه الصحيحه للتانك والناتشه الي في الغيار مابين الاول والتاني