لوجان ولا تيجو

[aboyassin]

لوجان ولا تيجو

[said.d.y]

انا رأى الشخصى وعن تجربة ، طبعاً التيجو طالما فرق السعر ممكن تدبيرة.
الامكانيات وابعاد السيارة والاستيل وعوامل الامان والثبات والحجم والارتفاع ومقاسات الكاوتش والاوبشن كلها فى صالح التيجو.
الحاجة الوحيدة ال فى صالح اللوجن ان مكتوب عليها رينو (على مبدأ الصيت ولا الغنى)
هذا والله اعلم

[hugan]

لو مكانك تيجو
لكن استني 5 دقائق تلاقي حد طلع يقولك ازاي تقارن اللوجان الاوروبي بالتيجو الصيني

[Dr'AhmZZong]

لوجان عربية اعتمادية ابعد عن الصيني وغنيله

[Sehsss]

طبعا اللوجان، عربية محترمة جدا مرتفعة عن الأرض، موتور قوي مع العلم إنه 8 صمام بس 1600 ، ثبات جيد، وسع داخلي رهيب، شنطة واسعة جدا 510 لتر، مساحة خلفية رائعة، إيرباج، كمبيوتر رحلات، واخدة 3 نجوم في اختبارات السلامة الأوروبية، آر بي إم، ودا تقرير منقووووول عنها
المحرك والاداء
الموتور 1600CC بقدرة 95 حصان
يستطيع ان ينطلق من الصفر الى 100 كم فى 11.5 ثانية
السرعة القصوى 175 كم فى الساعة

الا ان اهم ما يميز محركاتها انها صممت بشكل يتلائم مع نوعيات الوقود الغير جيدة والمتوفرة فى البلاد الفقيرة التى تنوى الشركة توزيعها فيها حيث يعمل على نسب انضغاط منخفضة اقل من 10

كما ان المحرك مطابق لموصفات البيئة الاوربية Euro 4

مواصفات الامان



3 نجوم من خمسة للامان الركاب فى المقصورة الامامية
نجمة واحدة من خمسة للمشاة
3 نجوم لامان الاطفال فى الخلفية

وربنا يوفقك للخير، تحياتي

[hossam198200]

انا رأى الشخصى وعن تجربة ، طبعاً التيجو طالما فرق السعر ممكن تدبيرة.
الامكانيات وابعاد السيارة والاستيل وعوامل الامان والثبات والحجم والارتفاع ومقاسات الكاوتش والاوبشن كلها فى صالح التيجو.
الحاجة الوحيدة ال فى صالح اللوجن ان مكتوب عليها رينو (على مبدأ الصيت ولا الغنى)
هذا والله اعلم

الله ينور عليك
مشكلتنا فى مصر عندنا عفريت اسمه الصينى
بس الى جرب غير الى سمع برضو
على العموم لوجان عربية محترمة برضو بس التيجو حتحس انك اخدت اوبشنز قدام الى دفعته

[S O P H O S]

لوجان

[mody3on]

مع حبي للتيجو بس اللوجان اعتمادية وكويسة جدا ومشاكلها قليلة , بس هات الاوتوماتيك عشان موتورها اقوى بكتير