أوبترا ولا نيو أكسنت؟ وفيه حاجة غيرهم؟

[crayvor]

السلام عليكم..
أنا كنت عاوز حاجة في حدود 50 ألف.. بس الفلوس زادت شوية فا قلت أعلي بالسعر حبتين. حاليا معايا 70 باكو ودا تقريبا أقصي حاجة أقدر أوصلها في الوقت الحالي.. العربية اللي فاتت معايا كانت لانوس فا مش منطقي اني أجيب أي حاجة تانية في نفس الشريحة.. من الآخر عاوز أطلع شوية.

المقارنة حاليا بين اتنين.. نيو أكسنت وأوبترا الاتنين استعمال جميع كماليات مانوال..
عاوز عرف مين فيهم أحسن.. أو بالأصح مين فيهم قيمتها فعلا في الفلوس اللي حاتدفع فيها؟ وهل الأوبترا تستاهل فعلا فرق السعر بينها وبين النيو أكسنت؟ وبعيدا عن اللانسر والصني (اللانسر زهقت منها والصني تجميع مصري) فيه حاجة تانية ممكن حد يرشحهالي؟

سؤال كمان.. أنا سمعت عن مشاكل كتير ووجع دماغ ف الاوبترا.. هل الكلام ده صح؟ أخويا جايب أفيو اوتو من رمضان اللي فات ماظهرش فيها أي مشكلة من اللي بيقولو عليهم فا بصراحة مابقيتش مصدق كل كلمة واحد يقولها علي الافيو والاوبترا بالذات.

[shaddadfalcon1]

انا نفس حوارك بالمللي وعايز اعرف عشان هبيع قريب اللانوس اللي معايا وهحاول اوصل المبلغ 70 برده

بس كنت بفكر كمان في الألنترا الشكل القديم اللي هو قبل النيو النترا علي طول بيتهيالي برده في نفس الرينج صح ولا ايه؟

انا عن نفسي مش حابب الأكسنت قوي وبحس ان الأوبترا احسن منها بس بحس برده ان الألنترا اشد منهم كلهم وشكلها جامد موت خصوصا الاسود فيها واي تعديلات فيها بتخليها تحفه

[mody3on]

لو عاوز رايي ممكن تطلع فئة كمان وتجيب النترا في حدود 75 الف جنيه

[medododo]

إبعد عن غبور ابعد عن منصور

[shaddadfalcon1]

احنا بنتكلم علي مستعمل وبالتالي ملناش دعوه بالتوكيل وبيتهيالي العربيات دي كلها الميكانيكه يفهمو فيها وقطع غيارها متوفره

بالنسبه للألنترا اسعارها ايه؟ يعني لو حاجه ماشيه 50 الف موديل 2008 مثلا او اعلي شويه تعمل كام؟ وهي سعرها الجديده كام اصلا ؟

[M.Alaa92]

ممكن تخش على اوكتافيا a4 او اوبل

[shaddadfalcon1]

ممكن تخش على اوكتافيا a4 او اوبل

موديلات ايه وحالتهم وسعرهم هيبقي عامل ازاي ؟ وقطع الغيار والأنتشار طبعا

[M.Alaa92]

الاوكتافيا من 99-2004

و الحالة ممتازة و قطع الغيار منتشرة ( ميكانيكيا موتور الاوكتافيا a4 و a5 واحد ) و كمان ال a4 كانت بتنزل لغاية 2009 تقريبا

[crayvor]

انا نفس حوارك بالمللي وعايز اعرف عشان هبيع قريب اللانوس اللي معايا وهحاول اوصل المبلغ 70 برده

بس كنت بفكر كمان في الألنترا الشكل القديم اللي هو قبل النيو النترا علي طول بيتهيالي برده في نفس الرينج صح ولا ايه؟

انا عن نفسي مش حابب الأكسنت قوي وبحس ان الأوبترا احسن منها بس بحس برده ان الألنترا اشد منهم كلهم وشكلها جامد موت خصوصا الاسود فيها واي تعديلات فيها بتخليها تحفه

مش عارف بس الالنترا مش عاجبني شكلها أوي.. حاسس كدة زي ما تكون ورق.. وبعدين أنا باركن العربية ف أماكن عجيبة والجراج عندي مش بنظام باكيات فا عربية من غير جرايد حايحصل فيها حاجات وحشة.

لو عاوز رايي ممكن تطلع فئة كمان وتجيب النترا في حدود 75 الف جنيه

مش حاسس ان فرق السعر حايديني فرق الامكانيات بصراحة.

إبعد عن غبور ابعد عن منصور

ماينفعش طبعا.. كل مرة ألف ألف وارجعلهم تاني..

ممكن تخش على اوكتافيا a4 او اوبل

الاوكتافيا ال a4 شكلها قدم أوي والتابلوه بتاعها تحس انه فاضي.. والأوبل مافيهوش حاجة ف النص.. يا اما فيكترا بي في الخمسينات أو فيكترا سي في نص التمانينات

[Dr'AhmZZong]

هاتلك صني ..

[devil_storm]

هات اوبترا افضل من النيو اكسنت و كمان واسعة و خامتها افضل و فئة اعلى و اشيك

[crayvor]

هاتلك صني ..

الصني مملة جدا والتابلوه بتاعها قديم...

هات اوبترا افضل من النيو اكسنت و كمان واسعة و خامتها افضل و فئة اعلى و اشيك

انا عارف ان الاوبترا أوسع وأشيك وكل حاجة... بس عاوز أعرف لييه الأجانب بوجه عام مفضلين الأكسنت عن الأوبترا؟ الاوبترا ف أمريكا اسمها Suzuki Forenza وحتلاقيها ف أي موقع آخده rating أقل من ال Hyundai Accent 2006-2011
الواحد بصراحة بدأ يتوغوش

[el_nahal2004]

النيو اكسنت 112 حصان البدى بتاعها اخف حاجت بسيطة من الاوبترا مع قوة الماتور مدية عزم جامد وسحب حالى
الاوبترا107 حصان اوسع من النيو اكسنت الشكل الخارجى انا افضل الاكسنت
من الداخل التابوله بتاع الاوبترا يكسب

انا برشح الاكسنت

[Sehsss]

مش عارف الصني مملة ازاي، وحد كان قال إنها مسلية، أركب حضرتك العربية وجربها كويس وانت تعرف احنا اختارناها من وسط عربيات كتير ليه !!!!!!!!!!!!!!!!!!!!!!!!!!!!!!!!!!!!!!!!!!!!!!!!

[Dr/ P.K.Sh]

اوبترا احسن