سؤال

[eng_hbadr]

عاوز أشتري عربيه أتوماتيك في حدود75000 وموش عارف أيه المناسب من حيث قطع الغيار والبنزين فقط أنا معايا الانترا2004 بس عاوز اغيرعلشان كراسيها موش مريحه وخاصتا أنا ظهري يؤلمني فعاوز كرسي مرييح والله الموفق وأنا مهندس مدني بمشي كتير بالسياره ولاكن بسرعه قليله حتى على الطرق السريعه الخلاصه (لانسر ولا جن2 ولا أبترا ولا يارس) ياريت الرد يكون من مجرب أو ذو خبره و10000 شكرا للجميع مقدما
ويارب تكووون
مصر كويسه على طووووووووووووووووووووووووووووووووووووووول يااااااااااااااااااااااااااااااااااارب بجد الجميع يخلي باله عليها

[crayvor]

أولا انت حاتغير الالنترا عشان الكرسي؟ وغير كدة مقتنع بيها؟ ولا ناوي تغير وخلاص ؟
لو لمجرد القعدة طب ما تغير الكرسي أساسا... روح اشتريلك كرسي محترم واتأكد من قعدته وركبه وشيل كرسي الفابريكة لما تيجي تبيع العربية تبقي تركبه تاني. والعربية اللي بعدهل لو برضه ماطلعش الكرسي حلو غيره بنفس الكرسي.

لو بقي ناوي تغير عشان التغيير.. حاتغير بمستعمل؟ عندك أوبترا وميجان2 ولانسر بومة وصني وحاجات تانية كتير المهم قولنا ايه اللي عاوزه ف العربية.

لو جديد يبقي نصيحة: خليك ف اللي معاك أنضف بمراحل. مافيش غير فيرنا (لو لسة بتنزل) واي 10 وبيكانتو وبروتون.

[Sehsss]

لو على مشكلة الكراسي بتتحل عند جينز كار بيزود سفنج ويظبط الدنيا

[Dr'AhmZZong]

لو على مشكلة الكراسي بتتحل عند جينز كار بيزود سفنج ويظبط الدنيا

ههههههههههه صح

[Sehsss]

ههههههههههه صح

طيب صح وعرفناها، بتضحك على إيه ؟؟؟

[benmatar]

السلام عليكم
75000 ما شاء الله مبلغ يجيب لحضرتك حاجة مستعملة حالة تمام. أنصح حضرتك بالتوجه للمدرسة الأوروبي.... يعني إيييييه؟ يعني لو هتركب أوروبي عندك متانة وكفاءة محركات وثبات على الطريق وتحمل عن المدرسة الشرقي (ياباني وكوري وصيني وماليزي) بصراحة عربيات هتريحك وعالية على الأرض وحضرتك غالبا بتدخل مواقع ومطبات والعادي أساسا إن شوراعنا حفر ومطبات. وكمان ركوبة أشيك من الشرقي كتير ومعدلات أمان أعلى، يعني ممكن تفكر في عائلة سكودا أوكتافيا يا سلام على a4 مثلا اقتصادية في الوقود موتور متين عالية على الأرض قطع غيار معقولة بالنسبة لكفائتها وبتعمر كتير عن الكوري وصالونها محترم بس الكنبة الخلفية ضيقة شوية بس الشنطة تشيل حوت. أو بيجو 406 عربية مفيش بعد كدة المهم تنقي حاجة استخدام راقي موتورها عنيف بمعنى الكلمة وثبات محترم جدا جدا وقطعة الغيار تركبها وتنساها بس البنزين بتاكله شويتين لو مشاويرك في وسط البلد كتير وفي السفر ممتازة. عندي صديق زي حضرتك مهندس مقاول كان راكب رينو كليو وحاليا ميجان بيدخل بيها مدقات ومريحاه برضه ممكن حضرتك تفكر فيها، وطبعا الجولف محترمة وكله كوم والبي إم الفئة التالتة منتصف التسعينات بجد هتريحك.... طبعا ناس كتير هتقول حرام عليك قطع الغيار والصيانات أقول لحضرتك لو راكب لانسر كريستالة 99 أوتوماتيك هتغير تيل الفرامل أبو 60ج أربع مرات في السنة ولو راكب بيجو406 هتغيره مرة واحدة وثمنه 200ج، أيهما أرخص (متنساش المصنعيات)، ولمعلوماتك تيل فرامل الأفيو 240ج أصلي من التوكيل ومع شديد الإحترام مبعترفش بيها كعربية من أساسه، أما تيل فرامل أوكتافيا a4 أصلي 300ج. يعني الفارق مش مهول وأكيد هيعمر أكتر بأربع مرات أو تلاتة. الكلام ده نصيحة لحضرتك لوجه الله وعن تجارب فعلية مش كلام ودردشة علما بإن متوسط استهلاكي السنوي 50 ألف كيلو أغلبه سفر وطرق مفتوحة وفعلا جربت العائلات دي بداية من الفيات27 توب (كانت حكاية) وحتى الأوكتافيا و406. المهم تنتقي الحالة وتكشف عليها عند فني متخصص في الماركة ذاتها وده لأي موديل أوروبي لازم تروح عند المتخصص بتاعه..... وبالتوفيق

[eng_hbadr]

10000 شكر ليكو
يعني لانسر ولا a4 بس أنا اعرف أن a4 غاليه عن الانسر بس أنا خايف من الاوكتافيا علشان غاليه الانسر على قدي والله أعلم أنتو أهل الخبره أنا كل الناس بتنصحني لانسر بيقولو حمالت أسيه جامد