ارجو المساعدة....كورولا ولا فلوانس وجزاكم الله خيرا

[elreshy]

السلام عليكم ورحمة الله وبركاته
اتمنى ان يكون الجميع بخير
ارجو مساعدتكم فى اختيار الكورولا ام الفلوانس والاتنين اوتوماتك
انا اعمل حاليا فى السعودية واريد شراء سيارة هذه الايام ومحتار بينهم
سعر الكورولا هنا 62500 ريال والفلوانس 56000 ريال
والاتنين الفئة الوسطى يعنى من غير فتحة سقف فى الفلوانس ومن غير باركينج سنسور وفوج لايت فى الكورولا بس طبعا الفلوانس تتفرق على الكورولا فى الاوبشن الكتير
وهل هناك فرق فى جمارك اليابانى عن الاوروبى
الف شكر وجزاكم الله خيرا

[IronHead]

اعتراضى الوحيد على الكرولا انها غاليه ومافيهاش اى كمالات غير العاديه, انت ممكن بسعر الكورولا تجيب الفلونس الهاى لاين وعيش فى الكماليات, بس طبعا سعر اعاده البيع للكورولا يظل احسن وان كانت الفلونس ماسكه سعرها عن باقة الرنو لانتشارها السريع فى مصر
الجمارك واحده لو هتجيب ال 1600 هتبقى نفس النسبة لانى اظن ان الفلونس مايتطبقش عليها التخفيض الجمركى للعربيات الاوروبى لانها متجمعه فى تركيا وتركيا مش اتحاد اوروبى

[horas3000]

طالما حضرتك في السعوديه يبقي لازم تعرف ان الفلوينس اللي عندك غير اللي بتنزل مصر
الفلوينس في الخليج بتكون كوري مش تركي و فيها مواصفات مختلفه زي الريداتير و التكيف عشان تتوافق مع الحراره
طبعا الكرولا هي كمان بتكون تايلاندي و للاسف بيعتمدوا علي سمعتها و سعر اعاده بيعها فمبهتموش بالمواصفات

خلاصه الكلام الفلوينس كمواصفات و فخامه و حتي اسلوب سواقه احسن من الكورولا
بس لو في نيتك بيع العربيه لاحقا و حتي لو بعد مده طويله بقي الكرولا

[ramykimo]

el corola is better...following

[Dr'AhmZZong]

طالما حضرتك في السعوديه يبقي لازم تعرف ان الفلوينس اللي عندك غير اللي بتنزل مصر
الفلوينس في الخليج بتكون كوري مش تركي و فيها مواصفات مختلفه زي الريداتير و التكيف عشان تتوافق مع الحراره
طبعا الكرولا هي كمان بتكون تايلاندي و للاسف بيعتمدوا علي سمعتها و سعر اعاده بيعها فمبهتموش بالمواصفات

خلاصه الكلام الفلوينس كمواصفات و فخامه و حتي اسلوب سواقه احسن من الكورولا
بس لو في نيتك بيع العربيه لاحقا و حتي لو بعد مده طويله بقي الكرولا

[Hosam_Optrawy]

فى السعوديه او الخليج عموما

بلاش رينو - بيجو - سيتروين - فيات

خليك فى الكورولا او شوف غيرها

[shrief123]

السلام عليكم دي مقارنة سريعة بين الفلوينس الخليجي (الكوري) و المصري (التركي)
أنا كنت في حيرة من 4 شهور انا مقيم في الرياض و امتلكت فبل كدة النترا و كورولا و الصراحة الفلوينس حاجة تانيا خالص مبدئيا الفلوينس اللي في السعودية مختلفة شوية عن اللي في مصر و انا كلمت التوكيل في مصر 3 مرات و قاللولي بيعملولها صيانة عادي جدا و كلمت حتى المهندسين المسئولين عن الصيانة هناك قالولي طالما كاتلوج الصيانة مختوم من وكيل رينو اللي في السعودية يبقى حيعملولها صيانة عادي جدا و دا نفس الكلام اللي قالهولي الوكيل هنا.

نيجي بقى للنقاط اللي المهمة:

أولا: الاختلافات في الكامليات في مصر للفئة الكاملة اكتر من اللي في السعودية زي مثبت السرعة و الستائر و هي الفكرة ان مش واحدة احسن من التانية بس هي في مواصفات مهمة للخليج جدا و ممكن مثلا مصر و أوروبا ما يحتجوهاش و في نفس الوقت لو نزلو كل الكامليات اللي في مصر في بتاعت الخليج هاتعدي في السعر جامد لانهم صارفين على حاجات تانية.
نيجي للمقارنة الفئة الكاملة:
1- المتور بتاعها مختلف عن بتاعة مصر حاطين فيها موتور التيدا و دا طبعا لان الرينو اشترت جزء كبير جدا من شركة نيسان و كمان كل شركة سامسونج الكورية لصناعة السيارات, طبعا الموتور ده أقوى شوية من اللي بتنزل في مصر هو اللي بينزل في مصر ماتور الميجان معدل, بس بتاع التيدا بيدي عزم اعلى شوية بس مش كتير عن بتاع مصر يعني بتاع 7 حصان زيادة و ده طبعا مهم في الخليج عشان التكييف هما حاطين فيها هنا بردو تاكييف التيدا و ده تكيف ممتاز جدا و مناسب اكتر لدول الخليج اللي بيوصل فيها درجات الحرارة زي مانتا عارف ل 50 درجة في بعض الاحيان زي مانتا عارف و الصراحة التكيف بتاعها ممتاز فعلا يعني في نفس مستوى الكورولا و الالنترا مش ضعيف زي بقيت الاوروبي.
2- الفتيس هنا 6 سرعات CVT ممتاز جدا في سحب العربية متحسش بالنقلات خالص بس بردو السحب بتاعها على الاول ضعيف شوية و الفتيس ده أحسن من بتاع مصر في حاجتين الاول انو 6 سرعات و بتاع مصر 4 سرعات و ال6 سرعات CVT أفضل في السحب و توفير البنزين و سلاسة النقل ما بين السرعات.
3- العزل الحراري في بتاعة السعودية بيكون اعلى شوية وده لازم للمواصفات الخليجية وبتالئي مكتوب على شاسية السيارة ان السيارة مطابقة للمواصفات الخليجي.
4- مقدمة السيارة مختلفة شوية عن بتاعة مصر و ده لي اسبابه لو فارنت ما بينهم حاتلاقي ان مخارج التهوية للنسخة الخليجي اكتر و ده طبعا بردو علشان يزودو التهوية للمتور مع العلم ان المقدمة في النسخة اللي في مصر شكلو أحلى.
5- النسخة المصري فيها اوبشن مفيد جدا اللي هو مثبت السرعة و ده مش موحود في ال 1600 اللي هنا و ده بردو لي اسبابة التسويقية انو منزلينو في النسخة ال2000 cc بس طبعا في النقطة دي بردو النسخة المصؤي تتفوق.
6- النسخة ال فل هنا بينزلو فيها نظام bose للكاسيت و ده حسب ما سمعت أنو أفضل نظام في العالم مع صابهوفر و كده طبعا النقطة دي مفرقتش ماعيا أوي بس هي في الاخر نقطة مقارنة.
7- النسخة الخليجي بينزلو فيها جنط 17 و 6 ايرباجز مش عارف بقى في مصر بردو بتنزل كده بردو و لا أقل.
8- النسخة اللي هنا الفل بتنزل بفرش بيج و تابلوه اسود في بيج و ده برده عشان الحر النسخة اللي في مصر أظنه بينزل أسود وفي نقطة تفوق في مصر بردو انهم بينزلو الفرش الجلد في ال فل هنا مافيش فرش جلد الا في ال 2000 cc ودي بردو نقطة تسويقية.
9- اللي في مصر فيها أنوار زينزن هنا مافهاش فا النسخة المصري متفوقة بردو في النقطة دي لانهم هنا بينزلوها بس في ال فئة ال 2000 cc .
10- النسخة الخليجية بتتصنع في كوريا و المصري في تركيا التقفيل تقريبا واحد و هو ال صراحة عالي الجودة فعلا.
11- في مشكلة قراية عدادا البنزين في مصر و دي مش موجودة هنا تقريبا علشان نوعية البنزين مع العلم اني بحط بنزين 91 و ممكن تكون اختلاف طلمبات البنزين لان اللي هنا بردو الطلمبة نيسان.

بس دي أهم نقاط الاختلاف طبعا زي ما انا اولتلك في الاول هوا مافيش واحدة أحسن من التانية هي الفكرة بس في متطلبات كل منطقة يعني الخليج محتاج متور أقوى مع تكييف أفضل و عزل أفضل لكن منطقة مصر و أوروبا بيحتاج أكتر للكامليات و النسخة الخليجية بردو بتتسوق في أمريكي الجنوبية للحر الشديد هناك بردو غير كده تقريبا كل الاوبشنز اللي باقبة واحدة في الاتنين و لو جمعو كل حاجة في نسخة واحدة اتصور ان السعر هايعدي جامد و مش خاتنافس أوي في السوق زائد انهم عايزين بردو يسوقو لفئة ال 2000 cc فلازم يحطوا فيها اوبشونز ازيد شوية.

ثانيا: المقارنة للعربيات الصراحة لو كانت الجيتا لسة موجودة هنا 1600 كنت جبتها الوحيدة اللي كنت حاسس انها أفضل من حيث الفئة السعرية مع الامكانيات بس خلاص بطلوا ينزلوها هنا 1600كان فرق السعر 7000 ريال فقط بس الوكيل رينو بردو أفضل هنا و في مصر.

انا كان معيا كورولا و مشكلتها كامليات قليلة جدا ده ماكنش فيها حتى ABS و مش ستابل خالص على طرق السفر زي مكة و الخبرو كدة و مع الاسف اتقلبت بيها مرة اول ما جيت و ماكنتش سرعة عالية اوي كنت على 140 وكانت لسة زيرو موديل 2007 بس الحمد لله طلعت منها سليم و ستر ربنا ان ماكنش حد معيا في العربية الحمد لله في طريق مكة الغريب ان الايرباجز ما فتحتش أما الانترا 2011 الشيب القدبم فهي عربية ممتازت و استيبل اكتر من الكورولا الصراحة مع العلم انا بسافر كتير بالعربية للخبر و مكة و المدينة بس مشكلتها زي كل الكوري عوامل الامان قليلة و خامات ضعيفة الجودة و بتمل من العربية بعد شوية.

نيجي بقى للحجات اللي كانت بتتقارن جامد جدا مع الفلوينس البيجو 3008 عربية ممتازة فعلا جامدة جدا بس في 3 مشاكل بالنسبالي عربية كبيرة متنفاعش في شوارع مصر ثانيا كانت أغلى بي 20 الف عن الفلوينس ثالثا الوكيل في مصر و السعودية مش أوي الصراحة المقارنة بتكون للفئة الفل طبعا

ثانيا السيراتو كانت بردو منافس قوي لغاية اما عاملت تست درايف للفلوينس حاجة تانية خالص غير الكوري بتحس انك مستمتع و انت راكب السيارة غير طبعا ان عوامل الامان اعلى بكتير في الاوروبي عامة من حيث الفرال و التصفيح و تقل السيارة و الايرباجز.

ثالثا المازدا 3 عربية اكتر من ممتازة بردو بس مشكلتها معيا ضيقة جدة من ورا و الشنطة ديقة جدا يعني لو عائلة زي حالاتي حتبقى صعبة شوية و الوكيل في مصر مش اوي بردو.

أخيرا الفانتزيا روحت شفتها عربية جامدة جدا كانت اكتر واحدة بتنافس مع الفلوينس بس فرق السعر ما بين التنين الفل كان كبير أوي تقريبا 30 ألف.

أخيرا رأيي لو انت عائلة و معاك تجيب الفانتزيا هاتها مع العلم في الاوبشنز مش فرق كبير عن الفلوينس بس أفضل في وسع الشنطة و فيها GPS وسعرها بيمسك شوية عن الرينو و تقفيلها افضل شوية بس الفلوينس أوسع من جوه و متورها أقوى و الوكيل رينو أفضل في مصر و السعودية.

الفلوينس عربية ممتازة بجد و حتحبها بس لازم تصينها دائما في التوكيل وهما فعلا فاهمين كل حاجة فيها سواء هنا أو في مصر وجرب تست درايف ليها في التوكيل و بعد قرر.

أرجو اني أكون اعطيت افادة كاملة لكل اللي بيسأل عن الفلوينس الخليجي و لو حد عنده استفسار ارجوكم تفضلوا و ممكن برضو الناس اللي اشتريت في الخليج يفيدونا عن تجربتهم للسيارة و بالذات لو حد جاب النسخة الخليجي في مصر و وداها الصيانة في التوكيل هناك.

المقارنات اللي انا عاملتها و تقييمي للسيارات دي وجهة نظر ممكن تختلف من واحد للتاني و ده تقييم مبسط جدا للعربيتين أرجو اني اكون افتدكم و السلام عليكم

[Amr ElShimy]

فى السعوديه او الخليج عموما

بلاش رينو - بيجو - سيتروين - فيات

خليك فى الكورولا او شوف غيرها

[Land_Cruiser]

الخلاصه لو حضرتك عايز تجيبها تركبها فى السعوديه بس و مش هتنزلها مصر يبقى خلليك فى الكرولا لانها هى اللى ماشيه هناك او شوف حاجه تانيه منتشره هناك زيها و ده هيبقى اسهل لك علشان الصيانه و سعر اعاده البيع هناك اما لو هتنزلها و تركبها فى مصر فى هذه الحاله ممكن تفكر فى الفلونس علشان كمالياتها كتيره و عربيه كويسه و ممكن تجيبها من عندك او من مصر و الكرولا هنا غاليه بدون مبرر و كماليتها قليله جداً . يعنى اذا كنت فى روما فاصنع كما يصنع الرومان :) و بالتوفيق

[Mahmode]

الكورولا عملية أكتر. الفلوينس راحة ورفاهية أكتر.

[boody_hb]

لو مش عايز حاجه غير الاتنين دول متقراش الرد بتاعي وبالتوفيق في اي اختيار

اولا ربنا يباركلك في اختيارك
لو انت مستقر في السعوديه ومش ناوي تنزل قريب لا انصحك بشراء سياره وفي بالك انك تنزل بيها لما تستقيل وتنزل مصر نهائي عشان انت كده بتضيع على نفسك فرصة ركوب عربيه حلوه عشان لما تيجي تنزل مصر تنزلها معاك
اولا العربيات الاوروبي كل سنه جمركها بينزل 10% يعني بعد خمس سنين من الان الجمرك هايكون 40%من قيمته الحاليه لان السنه الحاليه تعتبر رقم 2 في الاتفاقيه
وده هاينزل سعر العربيات في مصر بشكل عام
دول الخليج فيها ميزة العربيات الحلوه ذات السعر المنخفض التيما مكسيما افالون اوريون مثلا يعني فحرام تكون مقيم هناك وتشتري عربيه عشان هنا
هناك ليها عربيات ولما تيجي هنا بيع الي هناك وهات هنا جديد
ولو عايز عربيه لهنا (مصر يعني)
انا انصحك ب نيسان بلوبيرد سيلفي - عربيتي- اكتر من ممتازه مقارنة بغيرها من العربيات في نفس المستوى

[elreshy]

الف الف شكر وجزاكم الله خيرا جميعا على المشاركة وابداء الاراء وانا والله سعيد جدا جدا جدا بالاراء دى وكدة تقريبا الرؤية وضحت لى وبالذات من الاخ اللى عمل مقارنة بين المصرى والخليجى
ولو فى اى اراء اخرى او مقترحات اكون شاكر
وربنا يوفق الجميع للاختيار الصحيح ويبارك للكل فى عربيته
معلش انا مش عارف ارد على كل واحد بعينه عشان انا مش محترف فى الموضوع ده عشان كده رديت رد مجمل لجميع الناس
وان شاء الله حقولكم الاخبار لاحقا

[elreshy]

السلام عليكم دي مقارنة سريعة بين الفلوينس الخليجي (الكوري) و المصري (التركي)
أنا كنت في حيرة من 4 شهور انا مقيم في الرياض و امتلكت فبل كدة النترا و كورولا و الصراحة الفلوينس حاجة تانيا خالص مبدئيا الفلوينس اللي في السعودية مختلفة شوية عن اللي في مصر و انا كلمت التوكيل في مصر 3 مرات و قاللولي بيعملولها صيانة عادي جدا و كلمت حتى المهندسين المسئولين عن الصيانة هناك قالولي طالما كاتلوج الصيانة مختوم من وكيل رينو اللي في السعودية يبقى حيعملولها صيانة عادي جدا و دا نفس الكلام اللي قالهولي الوكيل هنا.

نيجي بقى للنقاط اللي المهمة:

أولا: الاختلافات في الكامليات في مصر للفئة الكاملة اكتر من اللي في السعودية زي مثبت السرعة و الستائر و هي الفكرة ان مش واحدة احسن من التانية بس هي في مواصفات مهمة للخليج جدا و ممكن مثلا مصر و أوروبا ما يحتجوهاش و في نفس الوقت لو نزلو كل الكامليات اللي في مصر في بتاعت الخليج هاتعدي في السعر جامد لانهم صارفين على حاجات تانية.
نيجي للمقارنة الفئة الكاملة:
1- المتور بتاعها مختلف عن بتاعة مصر حاطين فيها موتور التيدا و دا طبعا لان الرينو اشترت جزء كبير جدا من شركة نيسان و كمان كل شركة سامسونج الكورية لصناعة السيارات, طبعا الموتور ده أقوى شوية من اللي بتنزل في مصر هو اللي بينزل في مصر ماتور الميجان معدل, بس بتاع التيدا بيدي عزم اعلى شوية بس مش كتير عن بتاع مصر يعني بتاع 7 حصان زيادة و ده طبعا مهم في الخليج عشان التكييف هما حاطين فيها هنا بردو تاكييف التيدا و ده تكيف ممتاز جدا و مناسب اكتر لدول الخليج اللي بيوصل فيها درجات الحرارة زي مانتا عارف ل 50 درجة في بعض الاحيان زي مانتا عارف و الصراحة التكيف بتاعها ممتاز فعلا يعني في نفس مستوى الكورولا و الالنترا مش ضعيف زي بقيت الاوروبي.
2- الفتيس هنا 6 سرعات cvt ممتاز جدا في سحب العربية متحسش بالنقلات خالص بس بردو السحب بتاعها على الاول ضعيف شوية و الفتيس ده أحسن من بتاع مصر في حاجتين الاول انو 6 سرعات و بتاع مصر 4 سرعات و ال6 سرعات cvt أفضل في السحب و توفير البنزين و سلاسة النقل ما بين السرعات.
3- العزل الحراري في بتاعة السعودية بيكون اعلى شوية وده لازم للمواصفات الخليجية وبتالئي مكتوب على شاسية السيارة ان السيارة مطابقة للمواصفات الخليجي.
4- مقدمة السيارة مختلفة شوية عن بتاعة مصر و ده لي اسبابه لو فارنت ما بينهم حاتلاقي ان مخارج التهوية للنسخة الخليجي اكتر و ده طبعا بردو علشان يزودو التهوية للمتور مع العلم ان المقدمة في النسخة اللي في مصر شكلو أحلى.
5- النسخة المصري فيها اوبشن مفيد جدا اللي هو مثبت السرعة و ده مش موحود في ال 1600 اللي هنا و ده بردو لي اسبابة التسويقية انو منزلينو في النسخة ال2000 cc بس طبعا في النقطة دي بردو النسخة المصؤي تتفوق.
6- النسخة ال فل هنا بينزلو فيها نظام bose للكاسيت و ده حسب ما سمعت أنو أفضل نظام في العالم مع صابهوفر و كده طبعا النقطة دي مفرقتش ماعيا أوي بس هي في الاخر نقطة مقارنة.
7- النسخة الخليجي بينزلو فيها جنط 17 و 6 ايرباجز مش عارف بقى في مصر بردو بتنزل كده بردو و لا أقل.
8- النسخة اللي هنا الفل بتنزل بفرش بيج و تابلوه اسود في بيج و ده برده عشان الحر النسخة اللي في مصر أظنه بينزل أسود وفي نقطة تفوق في مصر بردو انهم بينزلو الفرش الجلد في ال فل هنا مافيش فرش جلد الا في ال 2000 cc ودي بردو نقطة تسويقية.
9- اللي في مصر فيها أنوار زينزن هنا مافهاش فا النسخة المصري متفوقة بردو في النقطة دي لانهم هنا بينزلوها بس في ال فئة ال 2000 cc .
10- النسخة الخليجية بتتصنع في كوريا و المصري في تركيا التقفيل تقريبا واحد و هو ال صراحة عالي الجودة فعلا.
11- في مشكلة قراية عدادا البنزين في مصر و دي مش موجودة هنا تقريبا علشان نوعية البنزين مع العلم اني بحط بنزين 91 و ممكن تكون اختلاف طلمبات البنزين لان اللي هنا بردو الطلمبة نيسان.

بس دي أهم نقاط الاختلاف طبعا زي ما انا اولتلك في الاول هوا مافيش واحدة أحسن من التانية هي الفكرة بس في متطلبات كل منطقة يعني الخليج محتاج متور أقوى مع تكييف أفضل و عزل أفضل لكن منطقة مصر و أوروبا بيحتاج أكتر للكامليات و النسخة الخليجية بردو بتتسوق في أمريكي الجنوبية للحر الشديد هناك بردو غير كده تقريبا كل الاوبشنز اللي باقبة واحدة في الاتنين و لو جمعو كل حاجة في نسخة واحدة اتصور ان السعر هايعدي جامد و مش خاتنافس أوي في السوق زائد انهم عايزين بردو يسوقو لفئة ال 2000 cc فلازم يحطوا فيها اوبشونز ازيد شوية.

ثانيا: المقارنة للعربيات الصراحة لو كانت الجيتا لسة موجودة هنا 1600 كنت جبتها الوحيدة اللي كنت حاسس انها أفضل من حيث الفئة السعرية مع الامكانيات بس خلاص بطلوا ينزلوها هنا 1600كان فرق السعر 7000 ريال فقط بس الوكيل رينو بردو أفضل هنا و في مصر.

انا كان معيا كورولا و مشكلتها كامليات قليلة جدا ده ماكنش فيها حتى abs و مش ستابل خالص على طرق السفر زي مكة و الخبرو كدة و مع الاسف اتقلبت بيها مرة اول ما جيت و ماكنتش سرعة عالية اوي كنت على 140 وكانت لسة زيرو موديل 2007 بس الحمد لله طلعت منها سليم و ستر ربنا ان ماكنش حد معيا في العربية الحمد لله في طريق مكة الغريب ان الايرباجز ما فتحتش أما الانترا 2011 الشيب القدبم فهي عربية ممتازت و استيبل اكتر من الكورولا الصراحة مع العلم انا بسافر كتير بالعربية للخبر و مكة و المدينة بس مشكلتها زي كل الكوري عوامل الامان قليلة و خامات ضعيفة الجودة و بتمل من العربية بعد شوية.

نيجي بقى للحجات اللي كانت بتتقارن جامد جدا مع الفلوينس البيجو 3008 عربية ممتازة فعلا جامدة جدا بس في 3 مشاكل بالنسبالي عربية كبيرة متنفاعش في شوارع مصر ثانيا كانت أغلى بي 20 الف عن الفلوينس ثالثا الوكيل في مصر و السعودية مش أوي الصراحة المقارنة بتكون للفئة الفل طبعا

ثانيا السيراتو كانت بردو منافس قوي لغاية اما عاملت تست درايف للفلوينس حاجة تانية خالص غير الكوري بتحس انك مستمتع و انت راكب السيارة غير طبعا ان عوامل الامان اعلى بكتير في الاوروبي عامة من حيث الفرال و التصفيح و تقل السيارة و الايرباجز.

ثالثا المازدا 3 عربية اكتر من ممتازة بردو بس مشكلتها معيا ضيقة جدة من ورا و الشنطة ديقة جدا يعني لو عائلة زي حالاتي حتبقى صعبة شوية و الوكيل في مصر مش اوي بردو.

أخيرا الفانتزيا روحت شفتها عربية جامدة جدا كانت اكتر واحدة بتنافس مع الفلوينس بس فرق السعر ما بين التنين الفل كان كبير أوي تقريبا 30 ألف.

أخيرا رأيي لو انت عائلة و معاك تجيب الفانتزيا هاتها مع العلم في الاوبشنز مش فرق كبير عن الفلوينس بس أفضل في وسع الشنطة و فيها gps وسعرها بيمسك شوية عن الرينو و تقفيلها افضل شوية بس الفلوينس أوسع من جوه و متورها أقوى و الوكيل رينو أفضل في مصر و السعودية.

الفلوينس عربية ممتازة بجد و حتحبها بس لازم تصينها دائما في التوكيل وهما فعلا فاهمين كل حاجة فيها سواء هنا أو في مصر وجرب تست درايف ليها في التوكيل و بعد قرر.

أرجو اني أكون اعطيت افادة كاملة لكل اللي بيسأل عن الفلوينس الخليجي و لو حد عنده استفسار ارجوكم تفضلوا و ممكن برضو الناس اللي اشتريت في الخليج يفيدونا عن تجربتهم للسيارة و بالذات لو حد جاب النسخة الخليجي في مصر و وداها الصيانة في التوكيل هناك.

المقارنات اللي انا عاملتها و تقييمي للسيارات دي وجهة نظر ممكن تختلف من واحد للتاني و ده تقييم مبسط جدا للعربيتين أرجو اني اكون افتدكم و السلام عليكم

الف شكر على الرد التفصيلى ده وفى كمان استفسار صغير
انا ان شاء الله ناوى اشترى الفئه الوسط مش الهاى لاين فهل فى مصر بردة فى 3 فئات زى السعودية وهل ايضا الفئة الوسط هنا فى المملكة فيها نفس موتور التيدا عشان النقطة دى مهمة قوى ولا موتور التيدا فى الفئة العليا فقط

[zocor742]

فى السعودية يا تيوتا يا اما نيسان لو فى نيتك اعادة البيع بعد فترة

[i_Am_Legend]

فلوانس افضل 1000 مرة...الكورولا شكلها مستفز اساسا....