أجيب عربية أوتوماتيك ولا مانيوال ؟

[lenasam]

انا بالنسبة لى افضل الاوتوماتيك

[lordlato]

طب يا جماعة و اللى عايز عربية أوتو جديد بس فى حدود 72 أو 73 ألف بكتيرها عشان هقسط تنصحوه بأيه ؟؟ طبعا السعر ده فيه شوية عربيات ماتستهلش سعرها بس كل الفكرة إنها أوتو بس ما باليد حيلة....و هل فى كسر زيرو قسط ؟؟؟

[bismillah99]

لوجان أوتوماتيك

ماذا عن اللوجان أوتوماتيك؟

سيارة رومانى مجمعة فى المغرب. هل يعتمد على الأوتوماتيك بها؟.

[Bently]

نصيحة ليك بجد ...لحد 100 الف مفيش اتوماتيك يتركب عشان كلهم الاتوماتيك بتاعهم بدائى فبيقلل السحب اوى
خليك فى المانويل

[rasmy28]

ماذا عن اللوجان أوتوماتيك؟

سيارة رومانى مجمعة فى المغرب. هل يعتمد على الأوتوماتيك بها؟.

اولا فتيس لوجان اوتماتيك بيجى متصنع هو والماتور والشاسيه من مصنع رينوا فى فرنسا
وهو مجرب
فى الرينوا لوجان mcv و ميجان ولا يوجد به اى مشاكل

لدرجة ان الوكيل حدد صيانته بعد 300 كيلو بناء على ثقتهم فيه

واعتقد ان فى الثقه الاوربى تاتى فى المرتبه الاولى قبل الكورى وان كان هناك من يثق في االاوربى عن اليابانى
وخصوصا ان شركة رينوا التى تصنع الماتور والفتيس ده عمرها 100 سنه فى عالم السيارات

وهو فتيس متطور الوحيد فى فئته السعريه الستيب ترونك (مانول + اوتماتيك ) واول فتيس استيب ترونك فى سيارت تكسر حاجز 110 الف

والوجان العربيه الوحيده البتنزل بفئه سعريه اقل من بره يعنى العربيه الوحيده الشتريها من مصر ارخص مجبها من السعوديه واجمركها لانها مخفضه فى الجمارك من 61 % ل 21%

وده يجعل سعرها لو اضيف عليها الجمرك زي اى عربيه تانيه 100 الف وبكده تخرج من مقولة لو عربيه اقل من 100 الف متركبهاش اوتماتيك "برغم تحفظى على الكلمه دى لان عربيات كتير من الفوق ميه ان لم يكن اغلبهم مبالغ فى سعرهم "
ده غير انى زي مقولت ان الماتور الهو 110 حصان 16 صاب 2 كامه الموجود فيها هو والفتيس ستيب ترونك موجود فى الميجان فهو فتيس وماتور عربيه تمنها 150 الف فى سياره 79 الف

هو طبعا العربيه جديده وكله مترقب لها لكن كل القولته ده يخليه نسب نجاحه كعربيه اوتماتيك افضل من عربيات كتير وجيعلنا نتفائل بيها لحين ثبوت العكس

واخيرا
انا معه الاوتماتيك قلبا وقالبا لما تركبه تحس ان مش ممكن تقبل تركب مانول تانى وخصوصا فى الزحمه الفظيعه الصبحت فيها البلد
والاستيب ترونك يعطيك الاتنبن

تحياتى
محمد رسمي

[felfel2010]

اوتو بدون نقاش

[alzelafy]

هاتلك لانسر بومه مستعمله اوتوماتيك احسن من الكورى الماتيوال او الاوتوماتيك الزيرو و هتكون بسعر كويس او زيرو 1300 كامله اوتو هتكون قريبه بردو و حاجتها مغرقه الدنيا عشان تركب و تنسى حتى لو جبتها الفتيس بايظ هتروح الحرفيين تقف ساعتين تجيب فتيس جديد و تركبو و تمشى

[rasmy28]

طب يا جماعة و اللى عايز عربية أوتو جديد بس فى حدود 72 أو 73 ألف بكتيرها عشان هقسط تنصحوه بأيه ؟؟ طبعا السعر ده فيه شوية عربيات ماتستهلش سعرها بس كل الفكرة إنها أوتو بس ما باليد حيلة....و هل فى كسر زيرو قسط ؟؟؟

الاجابه سهل ومنطقيه لوجان ب 79 الف او بروتن ساجا ب 75 الف شوف مين فيهم امكانياته وشكله يعجبك وتوكل على الله

[bismillah99]

لوجان - أوتوماتيك

اولا فتيس لوجان اوتماتيك بيجى متصنع هو والماتور والشاسيه من مصنع رينوا فى فرنسا
وهو مجرب
فى الرينوا لوجان mcv و ميجان ولا يوجد به اى مشاكل

لدرجة ان الوكيل حدد صيانته بعد 300 كيلو بناء على ثقتهم فيه

واعتقد ان فى الثقه الاوربى تاتى فى المرتبه الاولى قبل الكورى وان كان هناك من يثق في االاوربى عن اليابانى
وخصوصا ان شركة رينوا التى تصنع الماتور والفتيس ده عمرها 100 سنه فى عالم السيارات

وهو فتيس متطور الوحيد فى فئته السعريه الستيب ترونك (مانول + اوتماتيك ) واول فتيس استيب ترونك فى سيارت تكسر حاجز 110 الف

والوجان العربيه الوحيده البتنزل بفئه سعريه اقل من بره يعنى العربيه الوحيده الشتريها من مصر ارخص مجبها من السعوديه واجمركها لانها مخفضه فى الجمارك من 61 % ل 21%

وده يجعل سعرها لو اضيف عليها الجمرك زي اى عربيه تانيه 100 الف وبكده تخرج من مقولة لو عربيه اقل من 100 الف متركبهاش اوتماتيك "برغم تحفظى على الكلمه دى لان عربيات كتير من الفوق ميه ان لم يكن اغلبهم مبالغ فى سعرهم "
ده غير انى زي مقولت ان الماتور الهو 110 حصان 16 صاب 2 كامه الموجود فيها هو والفتيس ستيب ترونك موجود فى الميجان فهو فتيس وماتور عربيه تمنها 150 الف فى سياره 79 الف

هو طبعا العربيه جديده وكله مترقب لها لكن كل القولته ده يخليه نسب نجاحه كعربيه اوتماتيك افضل من عربيات كتير وجيعلنا نتفائل بيها لحين ثبوت العكس

واخيرا
انا معه الاوتماتيك قلبا وقالبا لما تركبه تحس ان مش ممكن تقبل تركب مانول تانى وخصوصا فى الزحمه الفظيعه الصبحت فيها البلد
والاستيب ترونك يعطيك الاتنبن

تحياتى
محمد رسمي

شكرا جزيلا للأستاذ محمد رسمى و الأستاذ بنتلى
استفدت كثيرا و فعلا معظم الآراء على المنتدى هنا و غيره ترشح اللوجان أوتوماتيك و انا متوقع زيادة سعرها

آسف على إنى تأخرت فى توجيه الشكر لكم لكنى كنت أفحص إيميلى فلاأجد رسالة تفيد الرد إلى أن تنبهت أنى لم أطلب خاصية التبليغ الفورى

ظلمت أعضاء المنتدى وفكرت إن ماحدش رد