محتاااااار بين جين 2 و النترا 2010

[hulk86]

السلام عليكم ورحمه الله وبركاته

يا جماعه انا محتاااار جدا ودماغي خلاص هتجنن العربيتين دول مش عارف اختار ايه فيهم

جين2 2012ولا النترا 2010 والاتنين اوتوماتيك

انا الجين 2 عجباني جدااااااا جداااا

والالنترا مش عارف برضوا كويسه

..ياريت تساعدووووني ..

[eng.m7md.ali]

الالنترا عربية خفيفة على الطريق وصاج ضعيف وناعمة وموتور اقوى وعفشة ناعمة وثبات قليل وقطع غيار عادية واسعة من قدام وورا
الجين 2 عكس كل ده + عوامل امان abs ,ebd + 2 airbags
والاختار ليك

[dreslam]

هيا مش كده تبقى النترا مستعمله وجين 2 زيرو واللا انا مش واخد بالي؟

[Dr'AhmZZong]

الانترا ..

[hulk86]

لالا الألنترا جديده زيرو انا قصدي يعني الشكل القديم .. انا بصراحه سوقت الالنترا معجبتنيش قوي ولغايه دلوقتي الجين 2 حتى مركبتهاش ومش عارف برضوا محتااار ..

[hulk86]

وبرضوا الجين تو يمكن 90 في الميه بيشتكوا منها والالنترا خفيفه جداااا على الطريق مش عارف هتجننننننن

[el_nahal2004]

النترا تكسب بكل المقايس
ومش خفيفة اوى زى ما الناس بتتكلم

[Ghosts]

على فكرة أنا كنت من عشاق الجين 2 ....
بس لقيت فيها شوية سلبيات وهى :

1. سعر أعادة البيع مش زى العربيات الكورى ....
2. قطع الغيار غالية مش من السهل تلاقيها ودة بشهادة ملاكها يعنى مش هتبقى مرطرطة زى الكورى بردوا ....

عايزك تدخل على قسم الشكاوى فى بروتون وأنت هتشوف العجب ....

http://www.nilemotors.net/Nile/45257-a.html

اللى معاة عربية كورى أو يابانى فى بلدنا النهاردة هو الكسبان .....
أشترى عربية ليك وللسوق ....

[kondor]

و الله انا شايف تشتري العربية الى مرتاح ليها نفسيا حتفرق جامد لو طلعت حلوة هتكون مبسوط قوي و لو طلعت وحشة لا قدر الله مش حتكون زعلان قوي و ال2 انا شايف حلوين شوف ملاك كل عربية و لو تعرف تسوق ال2 و تجربهم يبقى احسن طبعا و بالتوفيق ان شاء الله

[Sehsss]

جين 2

[hulk86]

شكرااااا جدا جدا يا شباب .. والله بصراحه انا مايل للجين 2 ,, بس قلقااان جدا اما دخلت على موضوع شكاوي ملاك جين2 ,, فبصراحه قلقااان جدا يعني لو جبت جين2 ومطلعش فيها حاجه هبقى اسعد واحد في الدنيا ولو جبتها وطلع فيها حاجه مكن يحصلي حاجه ,, طيب يا جماعه لو دخلت النسيان صني في المقارنه ايه رئيكو مع اني مش مستريحلها برضوا .. بس برضوا ارائكو تهمني جدا .

[Sehsss]

بص ياباشا، أنا معايا صني 2011 مانيوال، العربية رائعة جدا (ثبات لحد 180 أو 190 رائع، تسارع خطير خاصة في المانيوال، موتور قوي جدا 118 حصان 16 صباب، صاج قوي، إيرباج، تكييف ممتاز زي كل الياباني، توكيل جيد جدا وقطع غيار متوفرة، سيارة معمرة، عفشة رياضية) لا يعيبها فقط إلا ضيق الكنبة الخلفة ولكن في المقابل شنطة رهيبة (460 لترا) ، وربنا يوفقك للخير

[hulk86]

بس موضوع ان النيسان فيها مشاكل انا قريتها

1-عزل غير جيد
2- كراسي بتزيق
3- كنبه بتهبط
4- دركسيون تقيل نسبيا
5- بعض المشاكل المتعلقة بالمساعدين والعفشة
6- صوت الموتور العالي مقارنة بمثيلاتها 1600 cc
7- ضيق الكنبه الخلفية
8- دواسة البنزين بطيئة الاستجابة فى التسارع
9- رعشة فى الفتيس

حتى النيسان برضوا .. طب وبعدين .

[eng.m7md.ali]

بس موضوع ان النيسان فيها مشاكل انا قريتها

1-عزل غير جيد الجين2 كدة بردو
2- كراسي بتزيق
3- كنبه بتهبط
4- دركسيون تقيل نسبيا الجين2 كدة بردوويمكن اتقل
5- بعض المشاكل المتعلقة بالمساعدين والعفشة عفشة الجين2 ناشفة
6- صوت الموتور العالي مقارنة بمثيلاتها 1600 cc الجين2 كدة بردو بس صوت ضخم
7- ضيق الكنبه الخلفية الجين2 كدة بردو
8- دواسة البنزين بطيئة الاستجابة فى التسارع
9- رعشة فى الفتيس

حتى النيسان برضوا .. طب وبعدين .

اسمحلي ارد بما اني مجرب ال2 هقولك

[hulk86]

يا الله طيب يجماعه اعمل ايه ودلوقتي قريت موضوع تاني بيقول رينو سكالا زي نيسان صني الخليجي وبيقولوا احسن من النيسان الصني 2012 اللى موجوده في مصر بمرااااحل وقطع غيارها زي الصني الخليجي بالظبط .. ايه بقى . حد عندوا معلومه عن السكالا دي كمان ..