ايه افضل عربية فى حدود ال 130 الف جنيه

[Land_Cruiser]

فلوانس اتوماتيك اول فئه بس لو تقدر تزود شويه هات تانى فئه او استنى شارك ٢٠١٢ اللى ١٦٠٠ سى سى

[eslamsubaru]

نصيحة لو ناوى تغير من الانسر ( اليابانى) لحاجة احسن طبعا تكون يابانى ... عندك 2 اوبشن يا السوبارة امبريزا يا الهوندا سيفيك... لو عايز عربية اعتمادية و ثبات يبقى السوبارو ... لو عايز الفخامة و اداء يبقى الهوندا.... السوبارو عايزه جرأه شوية علشان لو ناوى تبيع بعد كده انما لو مش ناوى و ده اللى هيحصل لو ركبتها يبقى توكل على الله و مش هتندم..

[hanyyacot]

نصيحة لو ناوى تغير من الانسر ( اليابانى) لحاجة احسن طبعا تكون يابانى ... عندك 2 اوبشن يا السوبارة امبريزا يا الهوندا سيفيك... لو عايز عربية اعتمادية و ثبات يبقى السوبارو ... لو عايز الفخامة و اداء يبقى الهوندا.... السوبارو عايزه جرأه شوية علشان لو ناوى تبيع بعد كده انما لو مش ناوى و ده اللى هيحصل لو ركبتها يبقى توكل على الله و مش هتندم..


شكرا يا فندم على ردك , بس الحقيقة ان انا ماعرفش اى حاجة عن السوبارو , كمان ماحدش ضامن انه ممكن يبيع فى اى وقت ف عشان كده مش عايز لو اضطريت ابيع انى اخسر كتير اوى فى العربية , طبعا السيفيك عربية هايلة وانا متيم بيها , بس بالنسبالى ليها مشكلتين , اول واحدة ان سعرها حوالى 160 الف وانا اخرى اخرى 135 , تانى مشكلة انها واطية جدا واى مطب هاتحك فيه واحتمال تريح عليه كمان , وانت عارف طبعا شوارعنا المحترمة ومطباتنا , انا لو عايش فى بلد طرقها نضيفة هاجيب السيفيك وانا مغمض , بس على رأى واحد صحبى " ماينفعش تشترى كوتشى نايك اصلى وتنزل تمشى بيه فى الطين " . عموما شكرا يا فندم على النصيحة

[el_nahal2004]

فكر فى الياريس بجد
عربية مفهاش غلطة انا لو مكانك مش هتردد
كفاية ان هية تويوتا
مع نسيبى و
1300 اتوماتيك سحبها حلو جدا انا سوقتها بنفسى مابالك ال 1500
واسعة من جوة اوى الايحاء من برة ان هية ضيقة من جوة
نصيحة اخرج اخرج من يابانى متركبش غير يابانى

واقرا الموضوع ده

http://www.nilemotors.net/Nile/263826-a.html

[ahm8716]

مازدا 3 بيزلاين او فلوونس اوتوماتيك اول فئه

او لانسر شارك بس استنى 2012

الافضل ان تختار من هذه الاختيارات لأنها عربيات ذات كفاءه و ممكن تضيف بيجو 308

[castiron]

طالما انك كنت مستريح في المتسوبيشي خليك في الشارك وده هيريحك كتير علشان هتكون عارف التوكيل واماكن قطع الغيار لا قدر الله وعارف كل خبايا المتسوبيشي ومن اين تؤكل الكتف بدل ما تجيب عربية حلوة اه بس متعرفش عنها اي حاجة وتبدا تدور وهتاخد واقت علشان تعرف خبايها اللي تعرفه احسن من اللي متعرفوش حتي لو كان احسن