الفلوس قلت ومحتار اكتر!!!!؟؟

[Silenty]

اناكنت عملت موضوع بقارن فية بين التمبرا والاكسيل والجولف 2 والابيزا
عشان كان معايا فى حدود 28 الف
حاليا المبلغ قل وبقى معايا فى حدود 24-25 الف
ومش لاقى قدامى غير اختيارين
1- ريجاتا
2- اونو
الريجاتا ممكن بالمبلغ دة اجيبها مكيفة ونضيفة بس للاسف موديل قديم تمانينات وشكلها قديم شوية برضو وبصراحة اللى قافلنى منها الدركسيون اللى لازق فى التابلوة دة من غير رقبة

اما الاونو انا كنت ناوى عليها الاول بس شيلتها من اختياراتى اما الفلوس زادت بس للاسف اهى قلت تانى :( ......هى شكلها لذيذ وصالونها الى حد ما اشيك من الريجاتا وموديل اعلى حوالى 10 سنين عن الريجاتا
بس للاسف 1000 سى سى بس ومن غير اى كماليات دة فى حدود السعر اللى معايا

يعنى بالمختصر
عربية موديل قديم 1500 سى سى مكيفة ولا عربية موديل احدث حوالى 10 سنين 1000 سى سى فاضية ؟؟؟!! وللعلم كدة كدة هاقلبها ان شاء الله خلال سنة او سنة نص بالكتير واجيب حاجة احسن شوية ----يعنى يهمنى سعر اعادة البيع و فى نفس الوقت مش عايز عربية تخنقنى خلال السنة دى

[crayvor]

من الآخر طالما حاتقلبها بعد سنة يبقي اضغط علي نفسك شوية وخليك ف الأونو.. علي الأقل سعرها ثابت ومطلوبة.

[egyptiandiver]

خليك ف الأونو

[Dr'AhmZZong]

موضوع سنة ده حسم الموضوع .. خليك في الاونو

[Sehsss]

وأنا كمان "أونو"

[heshamzaky]

الريجاتا عربية حلوة بس حا تلاقيها مبهدلة و تكيفها اكيد مش حا يبقى شغال زى ما انت متخيل حا يحتاج صيانة و دة حا يكلفك
الانو عربية حلوة بس حجما صغيرة شوية و فرق السعر مش كبير زى ما انت متخيل خصوصا لو الانو حالتها كويسة بس فاضية مفيهاش أى كماليات


اصبر شوية او ممكن تجيب تمبرا 1400 سى سى بتبقى فى حدود من 27 الى 30 على حسب حالتها و كماليتاتها

[M.FOUAD]

25 الف ممكن يجيبولك اكسيل هاتشباك 1300 او سويفت او كيا برايد العصفورة

[lad]

اونو ان شاء الله