بولو , ابيزا , و لا جوليت

[SYD]

متشكر جدا يا أستاذ محمد على تعبك معايا و تحياتي و شكري لكل الأعضاء الكرام إللي قدمو مساعدتهم

بس أنا أعرف ان الكليو قطع غيارها غالية جدا جدا و غير متوفرة و صيانتها صعبة و غير منتشرة و مش أي حد بيفهم فيها

بس أنا كده الدايرة و سعت عليا أوي و الأختيارات زادت و بقيت محتار
أنا قدامي عربية و عاوز أخد رأي حضراتكم فيها

http://www.nilemotors.net/nile/26375...post3874015575

الكليو كانت قطع غيارها غالية

النهاردة قطع غيارها متوفرة جديد واستيراد
صيانتها مش صعبة اوي وحضرتك ممكن تدخل علي قسم رينو تتأكد منهم وتعرف مين بيعمل صيانتها برة التوكيل

حضرتك العربيات المكتوبة مش لازم تشتريها كلها
ولكن انا كتبتلك احسن العربيات في حدود 40,000

بالنسبة للفيات بونتو 2003
اعتقد سعرها غالي وكمان مش محبوبة اوي عشان لو موتورها اتفتح مرة مش بيرجع زي الأول

انت احسن حاجة في حدود امكانياتك هي
1- ابيزا 2001
2- بولو 98
3- كليو 2003

العربيات دي قطع غيارها معمرة جدا جدا وموفرة جدا في البنزين ولو قطع غيارها اغلي شوية من الكوري فدة علي حساب العمر الأفتراضي

انا مثلا عندي التيل ب170 جنيه يعني اغلي حوالي 5 مرات من الدايو ولكن لحد اخر لحسة فيه مش بيصفر وكمان بيعيش يمكن 3 او 4 اضعاف عمر الكوري

ضيف علي كدة العزل
يعني لو قفلت الزجاج بتاع العربية لا يمكن تسمع اي صوت من الشارع وبتحس بهدوء غير عادي

ربنا يوفقك

والله المستعان
،
،

[crayvor]

انا مثلا عندي التيل ب170 جنيه يعني اغلي حوالي 5 مرات من الدايو ولكن لحد اخر لحسة فيه مش بيصفر وكمان بيعيش يمكن 3 او 4 اضعاف عمر الكوري

أنا عندي تعليق علي النقطة دي.. أنا ممكن أقعد باللانوس 50 ولا حتي 100 ألف كيلو من غير ما أغير تيل ولا حتي أحس ان فيه أي تغيير...




عشان في كل الحالات مافيش فرامل

ثم ان حضرتك ازاي بتقول الكلام دة وانت اسكندراني ؟؟؟؟؟
معروف ان اكبر نسبة بولو في مصر في اسكندرية ومنتشرة هناك اكتر من الأبيزا

ماهو من الملل من كتر ما شوفتها.. بس الابيزا مهما تشوفها فيها حاجة كدة تشدك ليها كل مرة.

يمكن تقصد تويوتا 98 العيون مع الميتسوبيشي الكريستالة - كدة انا معاك ان الناس حبت الكريستالة اكتر من العيون

لقطني يا نوصة

[himalking]

الحمد لله اشتريت العربية
بس للأسف الميكانيكي قالي ان الموتور خفيف و هيحتاج عمرة قريب
مش عارف كلامه صح و لا ايه بس ربنا يستر

و كمان الدريكسيون بيرعش جامد في ايدي لما بتحرك من السكون , فقالي انه كده محتاج دسك و اسطوانة
و قالي خليك ماشي عليها شوية لحد ما تجيب أخرها

مش عارف ليه حاسس ان في حاجة غلط

[crayvor]

الحمد لله اشتريت العربية
بس للأسف الميكانيكي قالي ان الموتور خفيف و هيحتاج عمرة قريب
مش عارف كلامه صح و لا ايه بس ربنا يستر

و كمان الدريكسيون بيرعش جامد في ايدي لما بتحرك من السكون , فقالي انه كده محتاج دسك و اسطوانة
و قالي خليك ماشي عليها شوية لحد ما تجيب أخرها

مش عارف ليه حاسس ان في حاجة غلط

حضرتك جبتها علي كام (سعر)؟
لو الموتور حالته مش حلوة انت كشفت ع العربية الأول قبل ما تشتريها؟ وأخدت العربية علي أساس ان الموتور وحش ولا اكتشفت الموضوع ده وانت سايق؟
كمان لو الموتور حالته مش حلوة يبقي سقط موتور ودخل دا ف دا وريح دماغك.

[himalking]

حضرتك جبتها علي كام (سعر)؟
لو الموتور حالته مش حلوة انت كشفت ع العربية الأول قبل ما تشتريها؟ وأخدت العربية علي أساس ان الموتور وحش ولا اكتشفت الموضوع ده وانت سايق؟
كمان لو الموتور حالته مش حلوة يبقي سقط موتور ودخل دا ف دا وريح دماغك.

أنا خدت العربية على 42.5 ألف جنيه
و كنت واخدها على أساس ان موتورها كويس و انها مش محتاجة أي مصاريف و كان معايا ميكانيكي بيكشف على العربية بس للأسف طلع اي كلام , قالي ان الموتور مية مية
و بعد ما اشتريت ابتديت ألاقي دخنة في الكبوت (من خرطوم الفايظ ) و سحب الموتور مش الطبيعي بتاع 1400 و كمان صوته بيعلى على rpm بالكتير 3 , فروحت أعمل السيرفيس و هناك أكتشفت الحقيقة المرة
و اللي زعلني أكتر اني أكتشف ان صاحب العربية عبارة عن مجموعة من التجار و طبعا مش محتاج أقول انهم كانو مزوقين البضاعة ,عموما الحمد لله

بالنسبة لتسقيط الموتور , أنا فعلا فكرت أعمل كده و سألت في عزبة شلبي على موتور 1400 قالي يعمل 5000 من غير الضفيرة و الكنترول
طبعا أنا استغليت السعر و قلت أستنى شوية

[crayvor]

أنا خدت العربية على 42.5 ألف جنيه
و كنت واخدها على أساس ان موتورها كويس و انها مش محتاجة أي مصاريف و كان معايا ميكانيكي بيكشف على العربية بس للأسف طلع اي كلام , قالي ان الموتور مية مية
و بعد ما اشتريت ابتديت ألاقي دخنة في الكبوت (من خرطوم الفايظ ) و سحب الموتور مش الطبيعي بتاع 1400 و كمان صوته بيعلى على rpm بالكتير 3 , فروحت أعمل السيرفيس و هناك أكتشفت الحقيقة المرة
و اللي زعلني أكتر اني أكتشف ان صاحب العربية عبارة عن مجموعة من التجار و طبعا مش محتاج أقول انهم كانو مزوقين البضاعة ,عموما الحمد لله

بالنسبة لتسقيط الموتور , أنا فعلا فكرت أعمل كده و سألت في عزبة شلبي على موتور 1400 قالي يعمل 5000 من غير الضفيرة و الكنترول
طبعا أنا استغليت السعر و قلت أستنى شوية

أنا آسف ف الكلمة بس حضرتك كنت "زبون سقع" بالنسبة لهم.
أنا قلتلك قبل كدة

الأسعار: ابيزا: النص التاني من العشرينات وممكن تدخل ف أول التلاتينات لو حالة كويسة جدا.

الابيزا 1400 وفابريقة برة وجوة علي أساس انها شاذة شوية آخرها 36 ألف مثلا.

واللي بيحط سعر عالي ف عربية مضروبة بيبقي علي أمل ان حد غشيم يشوف السعر عالي فا يقتنع ان حالتها كويسة وبعد ما يشتريها باسبوع يكتشف المصيبة.
تاخد بالك وتاخد معاك واحد بيفهم ف الحاجات دي عشان أولا ماتتخمش (أنا اخدت قفا كبير ف اللانوس رغم ان عندي خبرة شوية ف شرا كام عربية قبلها) وعشان هو بيعرف يتعامل ف موضوع السعر.

الكلام ده برضه أنا قلته. لو ماكنش عندك حد من دول (فيه منهم ناس معروفة تجيبلك العربية من أولها لآخرها وبياخد اللي فيه النصيب سواء باع أو مابعش. والناس دي مابتغشش لأن ف الحالتين بيع أو لأ بتاخد فلوسها فا بيخاف علي سمعته) فا عندك التوكيل أو محطة سيرفيس معروفة.

برضه مش حاقطم فيك أكتر من كدا. كل واحد لازم ياخد ضربة كدا ويعرف بعدها السوق ماشي ازاي. وعلي العموم ألف مبروك وان شاء الله العربية تطلع كويسة بعد تظبيط الموتور.

الأول هوا حضرتك شاريها من معرض ولا تاجر نص كم؟ لو معرض ممكن ترجعله العربية وبتحصل كتير اعمل مشكلة وهدده بمحضر ف القسم. الناس دي بتخاف بسرعة. عندنا م النوعية دي كتير ف سيدي بشر وميامي

لو باقي ع العربية ماتسألش واحد بس عن الموتور. شوف كام واحد. واسأله عن تبديل الموتور بواحد زيه من غير ما يغيرلك ضفيرة ولا وجع دماغ. كمان خلي معاك واحد فاهم لأن برضه البيع للزبون غير البيع لميكانيكي تاني هم عارفين كدا كويس.

[himalking]

أنا آسف ف الكلمة بس حضرتك كنت "زبون سقع" بالنسبة لهم.
أنا قلتلك قبل كدة

الابيزا 1400 وفابريقة برة وجوة علي أساس انها شاذة شوية آخرها 36 ألف مثلا.

مع احترامي ليك بس السعر ده مستحيل , عربية زي كده لا يمكن تقل عن 41 ألف , أنا شوفت عربيات بما فيه الكفاية و السعر ده غير موجود حاليا (إلا اذا كان فيها حاجة)

الكلام ده برضه أنا قلته. لو ماكنش عندك حد من دول (فيه منهم ناس معروفة تجيبلك العربية من أولها لآخرها وبياخد اللي فيه النصيب سواء باع أو مابعش. والناس دي مابتغشش لأن ف الحالتين بيع أو لأ بتاخد فلوسها فا بيخاف علي سمعته) فا عندك التوكيل أو محطة سيرفيس معروفة.

بالنسبة للراجل إللي شاف العربية و أنا بشتري ، أنا متأكد انه ما يقصدش يغشني لأنه معرفة أخويا , هو بس جهل أو عدم فهم منه لحالة العربية , و لو ان ده مش عذر لأنه المفروض راجل ميكانيكي.


برضه مش حاقطم فيك أكتر من كدا. كل واحد لازم ياخد ضربة كدا ويعرف بعدها السوق ماشي ازاي. وعلي العموم ألف مبروك وان شاء الله العربية تطلع كويسة بعد تظبيط الموتور.

مش ذنبي اني أعجبت بمظهر العربية الخارجي و اعتمدت على رأي شخص المفروض انه الخبير في الفنيات , و لا ذنبي سوء نية و غش البايع , عموما الحمد لله , هو الموضوع مش بعيد أوي , لو على الموتور أغيره كمان شويه , و عوضي على الله في فرق السعر

الأول هوا حضرتك شاريها من معرض ولا تاجر نص كم؟ لو معرض ممكن ترجعله العربية وبتحصل كتير اعمل مشكلة وهدده بمحضر ف القسم. الناس دي بتخاف بسرعة. عندنا م النوعية دي كتير ف سيدي بشر وميامي


الراجل ماذكرش خالص انه تاجر , ده حتى قالي انه عاوز يبيع العربية علشان يتجوز , أنا استنتجت بعد كده من كذا حاجة انه تاجر , بس الراجل اللي بص على العربية قالي مش مهم تاجر تاجر , المهم ان العربية حالتها كويسة

لو باقي ع العربية ماتسألش واحد بس عن الموتور. شوف كام واحد. واسأله عن تبديل الموتور بواحد زيه من غير ما يغيرلك ضفيرة ولا وجع دماغ. كمان خلي معاك واحد فاهم لأن برضه البيع للزبون غير البيع لميكانيكي تاني هم عارفين كدا كويس.

سؤال اخير , هو أنا لو جبت موتور جديد , أعمل ايه في الموتور القديم (بيتبدل , و لا بيتباع و لا أرميه؟؟)

[crayvor]

مع احترامي ليك بس السعر ده مستحيل , عربية زي كده لا يمكن تقل عن 41 ألف , أنا شوفت عربيات بما فيه الكفاية و السعر ده غير موجود حاليا (إلا اذا كان فيها حاجة)

دي ابيزا 2001.. معلش والله لسة شايفها ف بروفايلك أنا كنت باحسب ابيزا 94. في الحالة دي ألف مبروك تتربي ف عزك.

سؤال اخير , هو أنا لو جبت موتور جديد , أعمل ايه في الموتور القديم (بيتبدل , و لا بيتباع و لا أرميه؟؟)

دخل القديم ف الجديد من نفس اللي حاتشتري من عنده وفاصل في فرق السعر.
خد بالك لازم تغير رقم الموتور ف المرور بعد ما تسقط. (مش عارف بصراحة بتتعمل ازاي)

[himalking]

دي ابيزا 2001.. معلش والله لسة شايفها ف بروفايلك أنا كنت باحسب ابيزا 94. في الحالة دي ألف مبروك تتربي ف عزك.


دخل القديم ف الجديد من نفس اللي حاتشتري من عنده وفاصل في فرق السعر.
خد بالك لازم تغير رقم الموتور ف المرور بعد ما تسقط. (مش عارف بصراحة بتتعمل ازاي)

الله يبارك فيك يا باشا

طب أنا لو سقطت الموتور , ممكن أكمل على نفس الترخيص و بعدين أغير رقم الموتور في الترخيص الجديد؟
و لا أنا بغير رقم الموتور على نفس الرخصة (رخصتي فاضلها 3 شهور)

[crayvor]

الله يبارك فيك يا باشا

طب أنا لو سقطت الموتور , ممكن أكمل على نفس الترخيص و بعدين أغير رقم الموتور في الترخيص الجديد؟
و لا أنا بغير رقم الموتور على نفس الرخصة (رخصتي فاضلها 3 شهور)

كمل عادي وغير بعد 3 شهور.. رقم الموتور ماحدش بيبص عليه ولا ف كمين ولا ف نيلة. الكمين بيبص بس علي رقم العربية ولو عظمت معاه يبص علي الشاسيه بس مش الموتور.