بولو 2001 ولاا كورسا من 1994 حتى 1997 ؟

[mina_opel]

انا معايا فى حدود من 35 الى 40 الف ونفسى اركب عربية المانى هاتش باك وسألت لقيت ان المبلغ اللى معايا ممكن اركب بية يا بولو ياكورسا وموش فارق معايا قوى التكييف المهم ان العربية ميكنش مشاكلها كثير ومتقرفنيش كل شوية عند الميكانيكى فايهما افضل من حيث السبات ومن حيث قطع الغيار ومن حيث السرعة ومن حيث الراحة فى القيادة
ملحوظة فى ناس بيقولولى ابعد عن العربيات ال 1000 سى سى اية رايكم

[mina_opel]

اية دة ياجماعة ولاا واحد رد عليا هوة السؤال صعب ولاا اية ؟؟؟ دة انتم خبراء فى هذا المنتدى حد يرشدنى انا عايز احدد هدفى علشان ابدء ادور على العربية

[Dr'AhmZZong]

polo عربية محترمة جدا .. و ليها ناسها و أظن احسن من الكورسا ..
و بالنسبة لموتور 1000 cc متقلقش مادام راكب الماني ....

[mina_opel]

ياعنى افهم من كدة ان البولو افضل من الكورسا 1997

[Sehsss]

ولا دي ولا دي الصراحة

[Dr'AhmZZong]

ياعنى افهم من كدة ان البولو افضل من الكورسا 1997

اختلاف الرأي لا يفسد للود قاضية ..
أنا شايف حاجة .. إنت شايف حاجة تانية .. إيه المشكلة
و كمان إنت شايف كام سنة فرق بينهم ....

[Sehsss]

اختلاف الرأي لا يفسد للود قاضية ..
أنا شايف حاجة .. إنت شايف حاجة تانية .. إيه المشكلة
و كمان إنت شايف كام سنة فرق بينهم ....

[mina_opel]

بس بيقولو ان الكورسا 1997 بتكون 1200 سى سى والبولو 2001 بتكون 1000 سى سى بس اية رايكم فى الكلام دة
انا قدامى واحدة بولو موديل 2001 بس طالب فيها 45 الف ثمنها كدة كويس ولاا غالية وماشية 130 الف كيلو

[kempel]

السلام عليكم بالنسبة للمقارنة اللى حضرتك عاملها نسيت فيها عربية مهمة وامكانياتها احسن فى رايى من الاتنين وهى فورد فييستا عربية موتورها قوى قطع غيار متوفرة كماليات كاملة سعر ارخص يعنى 2001 هتلاقيها فى حدود 33000 جنيه و99 هتلاقيها من 28000 الى 30000 جنيه بما انى ركبت التلاته البولو الفييستا اقواهم فى الموتور صناعة المانى او اسبانى وهى اكبر من الكورسا بس ماقستهاش على البولو كانت معايا واستمتعت بركوبها جداً هاتها ومش ها تندم وقطع غيارها متوفرة فى التوكيل اصلى وفى محلات الفورد وربنا يوفقك

[mina_opel]

فين الردود ياجماعة انا عجبانى الكورسا 1997 وثمنها مناسب قوى ياعنى بتعمل فى حدود 33 او 34 الف و1200 سى سى اية رايكم ولاا ازود شوية واجيب البولو 1000 سى سى مودسل 2001

[mina_opel]

انا لاقيت بولو 2001 كان بيتكلم فى 45 الف خذتها 43 الف جنية بالعافية بس عربية جميلة بصراحة عافشة تمام وماتور جبار بجد عربية محترمة جدا
بس انا عايز اعرف اغير فيها اية على حسب استخدامى ليها انا لسة جيبها انهاردة ومغيرتش اى حاجة خالص فيها فى ناس بتقولى اغير سير التقسية وفلتر البنزين وكدة انا موش عارف اغير اية اصل دى اول عربية ليا امتلكها وياريت لو تفيدونى بأسعار قطع الغيار اللى حغيرها وسير التقسيمة دة بيتغير كل قد اية وشكرا لاصدقاء المنتدى

[mina_opel]

فين الردود لاصحاب البولو الجامدين

[Amr_Azab]

المفروض طالما لسة شاري العربية تغير السيور والفلاتر والزيوت
دي اساسيات لازم تتغير لانك متعرفش اللي فيها بالهم قد ايه ؟!!
واختيارك تمام البولو افضل من الكورسا حتي لو كانت 1000 سي سي
انا معاية فابيا 1000 سي سي و10/10 طالما موتور الماني يبقي انسي