ممكن مقارنة بين الفلويستر وكيا كوبية

[Formulator]

ولازم برضه تحط فى الاعتبار موضوع السعر متقارنهاش بحاجات غاليه بفرق كبير , انت كدا كدا مش مقتنع بالموتور ولا الفتيس ولا العربيه ككل فعشان كدا شايفها ماتستاهلش :)

حبيبى, مش ده اللى بتكلم فيه..
هقول تانى كلام Yoko.. احنا بنتكلم فـ عربية "سبور"

أحد اكبر مبررات السعر العالى انه بيبيعهالك على انها عربية رياضية, و فـ حقيقة الأمر هى مش كده..؟؟!!!
ده اللى انا بتكلم فيه..

طيب انت ليه واثق ان العربيات اللى قولتها هاتنفخها سرعه وثبات وغيره , الفيلوستر تربو 265 نيوتن ولما عملوا مقارنه بينها وبين السيفيك Si والفولكس GTi والمينى كوبر S لقوا ان الفيلوستر تتفوق عليهم power-to-weight ratio , دا مش كلامى ولا كلام هيونداى دى مواقع امريكيه واوروبيه

عشان الـPower-to-weight Ratio مش كل حاجة فـ الأداء, خصوصا لما تتكلم على عربيات Hot-Hatch أو سبورت..؟؟!!!
لسه فيه مثلا (مثلا):
- الـStraight-Line Acceleration بتاع السيفيك Si أو الـType-R (فووووق) لما الـV-TEC يضرب على 6000rpm.. بيخلى فيه High-End Power مش موجودة فـ موتور الهيونداى..

- قدرة الجولف GTi على الـHigh-Speed Cornering يعنى لو دخلوا تراك مع بعض, الـGTi هتتفوق فـ الملفات بسرعات عالية, يدعمها الثبات وتصميم العفشة والـLSD... وكده.

- الـGo-Kart هاندلينج بتاع المينى كوبر S هيخليهم لو دخلوا طريق Twisty المينى هتسبق بكتيييييييير عشان قدراتها على الألتزام بالـRace-Line مثلا..

كل دى يا حسام حاجات كده فـ الـDetails بس مهمة فحت..
ياما عربيات Equivalent فـ المواصفات (أو احدهما أعلى فـ الهورسباور), والأقل فـ الـHP بتتفوق على التانية فـ الأختبارات والقدرات الرياضية..؟؟!!!

يعنى (هديلك أمثلة من نفس الفئة, Hot-Hatch):
- الجولف GTi بـ210 حصان فقط, بتعدى الفوكس ST والمازدا3 Speed, والميجان Cup (كلهم بـ250 حصان)..؟؟!!!
- المينى S بتتفوق على الكليو RS والـ207 RC والفابيا RS.. مع ان بعضهم قرب على 200 حصان, والمينى-كوبر 184 حصان بس..؟؟؟!!

مش لدرجة يمشى على جنب وبعدين انت برضه بتقارنها بعربيات SiR و GTi و 325 قصاد عربيه 130 حصان عزمها مش مكمل 160 نيوتن , كدا انت اللى مش Fair :)

أيوه بس عربيات قديمة يا حسام, عدى عليها 10-15 سنة.. ولسه بتجرى زى ما هى, لسببين:
عربيات أصلى, كانت متفوقة فـ وقتها.. و اتعملت مخصوص عشان كده (الجرى: عربيات جرى)..!!

بس يا formulator انت متحامل على الكورى

بص يا سيدى
انا قبل كدا قولتلك انا مثلا معايا 130 الف ومحتاج عربيه سيدان - زيرو - واسعه - مريحه - قليلة الاعطال - اقتصاديه - ثبات لحد 140 لانى مبحبش ازود اكتر من كدا - صيانتها سهله لان انا ماليش صبر على التوكيلات - قطع غيارها رخيصه ومتوفره - ومخسرش لما اجى ابيع
وكمان مشفارق معايا اجيبها خليجى لو فيه فرق سعر يستاهل

حلو أوى لحد كده..
كده أقدر اقولك هات عربية كورى, ولو انها مش best Value for Money.. بس فيها كل اللى انت محتاجه..!!

انت دخلتلى فى set up بتاع العربيه الكورى والاوربى وماشاء الله الشوارع مبدوره كورى والشكاوى قليلة ومااختش الاجابه اللى انا محتاجها ( اشترى عربيه نوعها ايه؟؟؟) ومازلت بردده اشترى ايه ب 130 الف جنيه
وعايز الاجابه من شقين (نوع العربيه - واسباب اختيارك ليها) وشكرا؟؟

مانا قولتلك..؟؟!!! هات سيراتو أو النترا...
انما هتتكلم فـ جرى وثبات وعربية رياضية, وتاخد غرز على 180.. وتضرب فرامل من على 200, وتخش الملفات على 160-170.. ساعتها الكلام هيختلف تماماااااااااااااااااا...؟؟؟!!

لااااااااااازم بقى ادخلك فـ التفاصيل دى, عفشتها أيه؟؟ ثباتها, موتورها وفتيسها استجابتهم عاملة ازااااااااى؟؟؟!!
لسبب بسيــــــــــــــــــــــــــــــــــــط جداااااااااااااااا:
- الغرض من العربية اختلف, انت هنا بتشترى عربية "سبورت"..

من الطبيعي ان مفيش مقارنة بين الأوربي والكوري وده كلنا من قديم الازل عارفينة
بس الفرق ان الأوروبي غالي والكوري بيحسسك انك عايش وراكب ومأضي الغرض
يعني هات نفس الفئة من الكوبية او الفلوستر في الاوربي شوف ثمنها كام والفرق اد ايه
وفي الاول وفي الآخر
أوروبي يباني امريكي كوري كله ماشي على هوا وعلى الطريق

نفس الكلام, أيه "الغرض"..؟؟!!!
عايز عربية شكل ومنظر.. دون أداء (لأنك مش هتحتاجه), هات اى واحدة فيهم..
انما تبقى راكب عربية مش بتاع أداء رياضى, أو متواضعة القدرات الرياضية.. وانت تفتكرها سبور, وتسوقها على انها عربية سبور, غلط جدااااااااااااا؟؟؟!!

عشان كده قولتلكم فـ الأول: شوف انت عايز أيه من العربية.. ماتحملهاش أكثر من قدراتها.
يا جدعان:
مش معنى ان موتور الألنترا أو الفيلوستر قوى, وبيجرى معاك لـ200 حتى, ان العربية ككل مؤهلة انها تمشى على السرعات دى...؟؟؟!!!!!!!!!
لسه فيه شاسيه وعفشة وهاندلينج وفرامل وثبات, ووو... etc

أتمنى تكون الـpoint وصلت, وسعدت أوى بالنقاش مع حسام (كـ العادة ههههههههه) ومعاكم..

[Hosam_Optrawy]

حبيبى, مش ده اللى بتكلم فيه..
هقول تانى كلام Yoko.. احنا بنتكلم فـ عربية "سبور"

أحد اكبر مبررات السعر العالى انه بيبيعهالك على انها عربية رياضية, و فـ حقيقة الأمر هى مش كده..؟؟!!!
ده اللى انا بتكلم فيه..

سعر عالى ازاى هو بيبعها بربع مليون ؟ دى تمنها 145 الف و 165 زى عربيات كتير يابانى وكورى وارخص كمان من بعض عربيات , وحتى لو غاليه هو اى عربيه غاليه هاتشباك او غيره لازم تبقى رياضيه , هى الجولف والليون ام 102 حصان وب 170 الف رياضيه ؟

عشان الـPower-to-weight Ratio مش كل حاجة فـ الأداء, خصوصا لما تتكلم على عربيات Hot-Hatch أو سبورت..؟؟!!!
لسه فيه مثلا (مثلا):
- الـStraight-Line Acceleration بتاع السيفيك Si أو الـType-R (فووووق) لما الـV-TEC يضرب على 6000rpm.. بيخلى فيه High-End Power مش موجودة فـ موتور الهيونداى..

- قدرة الجولف GTi على الـHigh-Speed Cornering يعنى لو دخلوا تراك مع بعض, الـGTi هتتفوق فـ الملفات بسرعات عالية, يدعمها الثبات وتصميم العفشة والـLSD... وكده.

- الـGo-Kart هاندلينج بتاع المينى كوبر S هيخليهم لو دخلوا طريق Twisty المينى هتسبق بكتيييييييير عشان قدراتها على الألتزام بالـRace-Line مثلا..

كل دى يا حسام حاجات كده فـ الـDetails بس مهمة فحت..
ياما عربيات Equivalent فـ المواصفات (أو احدهما أعلى فـ الهورسباور), والأقل فـ الـHP بتتفوق على التانية فـ الأختبارات والقدرات الرياضية..؟؟!!!

يعنى (هديلك أمثلة من نفس الفئة, Hot-Hatch):
- الجولف GTi بـ210 حصان فقط, بتعدى الفوكس ST والمازدا3 Speed, والميجان Cup (كلهم بـ250 حصان)..؟؟!!!
- المينى S بتتفوق على الكليو RS والـ207 RC والفابيا RS.. مع ان بعضهم قرب على 200 حصان, والمينى-كوبر 184 حصان بس..؟؟؟!!

دا كلام كبير ومقدرش ارد عليه عشان معنديش المعلومات الكافيه اللى اناقشك بيها :)

اللى اعرفه ارقام مواتير , عزم وهورس باور والتسارع 0 - 100 , بعد كدا اعرف وزن العربيه والايروداينمكس , ولو عايز اتعمق اكتر اعرف Power-to-weight Ratio اكتر من كدا ماتلاقيش

عموما هاحاول ارد على النقط بتاعتك

الـStraight-Line Acceleration اللى هو التسارع يعنى معرفش كام فى الفيلوستر ماعلنوش عنه لما اعرف هاقولك

الـHigh-Speed Cornering مختلفناش وابصم بالعشره لاى عفشه من العربيات التانيه الفيلوستر تعتبر اقلهم مع ان المفروض التربو عدلوا فى عفشتها بس معرفش ايه هى تفاصيل التعديل

الـGo-Kart ممكن ولو اننا مجربناش عشان نعرف

والأمثله اللى ذكرته اكيد ليها اسباب تانيه غير الهورس باور , يعنى عزم او وزن او كدا , لكن عربيه تبقى بالراقام احسن من عربيه فى كل حاجه والاضعف تسبقها , يبقى فى حاجه غلط :)

أيوه بس عربيات قديمة يا حسام, عدى عليها 10-15 سنة.. ولسه بتجرى زى ما هى, لسببين:
عربيات أصلى, كانت متفوقة فـ وقتها.. و اتعملت مخصوص عشان كده (الجرى: عربيات جرى)..!!

تمام بس هما فين دلوقتى فى الاجيال الجديده ؟ جايز الكورى متأخر بس اهو ابتدى وبدأ كويس مش وحش

أتمنى تكون الـpoint وصلت, وسعدت أوى بالنقاش مع حسام (كـ العادة ههههههههه) ومعاكم..

حبيبى :)

[haithamameen]

مانا قولتلك..؟؟!!! هات سيراتو أو النترا...
انما هتتكلم فـ جرى وثبات وعربية رياضية, وتاخد غرز على 180.. وتضرب فرامل من على 200, وتخش الملفات على 160-170.. ساعتها الكلام هيختلف تماماااااااااااااااااا...؟؟؟!!

لااااااااااازم بقى ادخلك فـ التفاصيل دى, عفشتها أيه؟؟ ثباتها, موتورها وفتيسها استجابتهم عاملة ازااااااااى؟؟؟!!
لسبب بسيــــــــــــــــــــــــــــــــــــط جداااااااااااااااا:
- الغرض من العربية اختلف, انت هنا بتشترى عربية "سبورت"..


نفس الكلام, أيه "الغرض"..؟؟!!!
عايز عربية شكل ومنظر.. دون أداء (لأنك مش هتحتاجه), هات اى واحدة فيهم..
انما تبقى راكب عربية مش بتاع أداء رياضى, أو متواضعة القدرات الرياضية.. وانت تفتكرها سبور, وتسوقها على انها عربية سبور, غلط جدااااااااااااا؟؟؟!!

عشان كده قولتلكم فـ الأول: شوف انت عايز أيه من العربية.. ماتحملهاش أكثر من قدراتها.
يا جدعان:
مش معنى ان موتور الألنترا أو الفيلوستر قوى, وبيجرى معاك لـ200 حتى, ان العربية ككل مؤهلة انها تمشى على السرعات دى...؟؟؟!!!!!!!!!
لسه فيه شاسيه وعفشة وهاندلينج وفرامل وثبات, ووو... etc

أتمنى تكون الـpoint وصلت, وسعدت أوى بالنقاش مع حسام (كـ العادة ههههههههه) ومعاكم..


[/QUOTE]

قمت النقاش المحترم واحب اقول حاجه لحضرتك يا formulator ان والدى معاه باسات خليجى هاى لاين 2008 FSI وبسم الله ماشاء الله كل حاجه فيها معموله بفن وبضمييييير

طبعا ركبت نفس فئة العربيه فى توكيل المصريه فرق الخامات شاسع انا حاسس انى راكب عربيه تانيه
وركبت الليون نفس الكلام البيبان خامات بلاستيك اسود شكله يخلى الواحد يتقبض وبرده ركبت جراند بونتو نفس الكلام وركبت الايفو لقيت الخامات محترمه لاكن ضيقه جدا جدا وكمان موتور ضعيف وانا عايز حاجه اتوماتيك عادى وطبعا قطع الغيار والصيانة واعادة البيع وما ادراك

بعكس دا كله لاما ركبت الالنترا والاكسنت RB والسيراتو كوبيه قلبى انشرح من الوسع والخامات الداخليه والالنترا الجديده والRB حسنو الصاج والخامات الداخليه جامد معتش ورق زى الموديلات القديمه

بالنسبه للسرعات العاليه والملفات على 170 والفرامل على 200 والغرز على 180 هو فيه طرق فى مصر تستحمل الكلام دوت الواحد يافندم عايز عربيه دبابه بتاعة عمو منصور ولا جرار عشان يقدر يتعايش مع الطرق الجميلة بتاعتنا ولما تجيب حته شيروكو الوهميه وبعدين تلاقى موتوسيكل حكلك الاكصدام وميكروباص دخل فيك من ورا ولا النقر والجبال قصدى المطبات ساعتها الواحد ممكن يتشل فيها اكيد العربيات الفارهة مشعمليه فى مصر نهائيا الا للناس اللى مشتعبانه فى الفلوس والله المستعان

رجاء بجد انت تعتبر رقم واحد فى دماغ العربيات وانا وكل اعضاء المنتدى بلا استثناء بيستمتعوا بردودك فمتحرمناش منها وطبعا حسام باشا دا رمز الاحترام والعقل الرزين

ربنا يكتر من امثالكوا لان بجد الواحد بيشوف ردود على الفيس او على مواقع تانيه سيئه جدا وربنا يهدى