أوبل كورسا و تيوتا إكو

[ibnrawaha]

السلام عليكم و رحمة الله و بركاته

الله يكرمكم يا شباب عايز أقارن بين التيوتا إكو 2003 أو 2000 سيدان و بين الأوبل كورسا 2004 سيدان من حيث سعر قطع الغيار و مدي توفرها و إستهلاك البنزين و العفشة

و ياريت إللي عندو معلومات زيادة علي العربيتين ما يبخلش عليا

و جزاكم الله خيراً

[ibnrawaha]

مفيييييييييييييش رد :(

[Dr'AhmZZong]

متابع ..

[crayvor]

حضرتك بتقارن ايه بايه؟؟؟ مش عارف!!!
تعالي كدة علي نفسك شوية وبص علي أي شارع.. عد عدد عربيات الكورسا وعدد عربيات الايكو وانت حاتحسم الموقف..
تيوتا ايكو ماعنديش عنها أي تقييم سواء حلوة وحشة عالية واطية عفشة ناعمة رياضية.. الله أعلم.. دا نتيجة لأن مافيش حد بيكتب عنها حاجة.. أشك ان فيه أساسا 500 عربية ايكو علي بعض عندي ف اسكندرية.
الكورسا.. مش اتكلم.. حاسيب علامة اوبل تتكلم . تلاقي ناس بتشتكي بتقولك الموتور علي 3 قواعد ودا بيعمل ويسوي.. مين اللي قال لحضرتك تاخد مطبات شوارعنا الحبيبة علي سرعة 150 أو أكتر معتمد علي ان العفشة حلوة ومش حاطط في باله ان القواعد برضه بيتحمل عليها الضغط ده. غير كدة بصراحة ماسمعتش عن عيوب تانية.. ممكن يطلعلك واحد من تت الأرض يقولك "دي مدوخاني السبع دوخات".. اسأله اذا كان بيصلحها عند التوكيل ولا عم عبده الفكهاني!! ماهو ضريبة انك تجيب أوروبي انك لازم تروح لحد بيفهم مش أي بلية.. كدة ولا اييه؟؟

توكل علي اللع وشوف الكورسا.. ماهو لو كانت فيها عيوب كبيرة ماكنتش حاتشوف مئات الألوف اللي جايبينها دول. كمان سوقها ماشي وكويس ف المستعمل وقت ما تقول حابيع تلاقي زبونها ان شاء الله.

أسعار قطع الغيار:

http://www.nilemotors.net/Nile/28634-1600cc.html

أغلبها طبيعي مش شايفه حتي واصل لمستوي سعر الياباني. كمان دي أسعار قديمة حتلاقيها رخصت عن كدة ان شاء الله.

[engaass]

الكورسا منتشرة اكتر وده هبسهل صيانتها

[mkb1312]

السلام عليكم و رحة الله
عموما انا معايا الكورسا 2005 العربية مريحة جدا علي الطريق ـ ثبات و اتزان حتي في اصعب الملفات و علي سرعات عالية بالاضافة ان العربية شنطتها و اسعة و مريحة من الداخل .
و يوجد فيها كماليات منها مرايات كهرباء و فتح الشنطة من الداخل و قفل الابواب عند التحرك بالعربية تلقائي عند سرعة 30 كم ووحدة رفع للزجاج و مفتاح بالريموت لقفل و فتح الابواب
اما بالنسبة لاسعار قطع الغيار فئنها في المتناول مثال
تيل فرامل امامي ريمسا الماني 185 جم
تيل فرامل خلفي 175 جم
سير كاتينة 65 جم شداد سير الكاتينة 85 جم
قواعد الموتور الثلاثة 1000 جم
بلية شداد سير الموتور ( دينامو ـ موتور ) 500 جم
بلية عجل امامي عدد 2 بلية 450 جم
عدد 2 مساعد امامي الماني اصلي 600 جم
و هذة الاسعار تعتبر بالنسبة للسيارات الحديثة و منها الكوري و الياباني في المتناول
و عموما السيارة في المجمل جميلة بس المهم تكون العربية سليمة لان الالماني مينفعش تشترية تعبان وملعوب فية و تقول اصلحة حتة حتة
و ان شاء اله ربنا يوفقك في عربية كويسه و حالتها سليمة