مقارنااااات

[mohamedmti]

السلام عليكم
معلش لو هتعبكم معايا في عربيات عاوز اسأل عنها وتنصحوني بأحسن واحده
طبعا كلهم اوتوماتيك لاني مش بقدر اوزن بين الرجلين
جيب شيروكي 1990-1995
لانوس لحد 2005
نوبيرا لحد 2006
لانسر كرستاله
مازدا 323 2000
تويوتا كرولا 1995
فيكترا 1997
ولو في حاجة تاني ياريت تقولو انا معايا 40 الف ممكن يوصلو 48

[crayvor]

بلاش شيروكي الا لو معاك مصاريف محطة البنزين اللي حاتفرغها جوة.
من باقي الاختيارات أحسنهم الكريستالة والفيكترا بس بالمبلغ اللي معاك مايجيبش فيكترا حالة فابريقة اوتو. ممكن تشوف كريستالة 97 او 98 اوتو حالة فابريقة وأهي اسعار غيارها أرخص من الفيكترا.
كان نفسي أرشحلك جديد بس حايبقي كله مانيوال.. زي البونتو والكليو. ممكن لو تشوف كوري شوف فيرنا اوتو 2005 ولا حاجة.. بس شوف عيوبها الأول وقرر اذا كنت تقدر تستحمل العيوب دي ولا لأ.

ملحوظة كمان.. مافيش لانوس اوتو غير لانوس 1 مو 97 لغاية 99 الخليجي.

[mohamedmti]

بالنسبه للبنزين مش مهم لان مش همشي بيها كتير يعني ف اليوم 25 كيلو بالكتير
انا برضو كان نفسي مانيوال بس انا اشول ف الرجل الشمال اقوي من اليمين جربت كذا مره اتعود معرفتش :(
طيب عيوب الجيب ايه غير البنزين

[Dr'AhmZZong]

أحسن حاجة الشيروكي لو اد مصارفها و صيانتها ..
بعدها على طول الكورولا

[crayvor]

بالنسبه للبنزين مش مهم لان مش همشي بيها كتير يعني ف اليوم 25 كيلو بالكتير
انا برضو كان نفسي مانيوال بس انا اشول ف الرجل الشمال اقوي من اليمين جربت كذا مره اتعود معرفتش :(
طيب عيوب الجيب ايه غير البنزين

عزلها مزبلة وحجمها كبير.. والتابلوه من جوة بيفكرني بعربيات التمانينات.. ولو قعدت بيها كمان 3 ولا 4 سنين أشك انك حاتجيب فيها تلتين اللي حاتدفعه دلوقتي. مجرد رأي شخصي.

ونصيحة ارمي كل دا علي جنب وشوفلك كليو ولا كورسا سيدان ولا حتي لوجان وعلي الأقل بتجيب حاجة جديدة شوية. بالنسبة لموضوع الدبرياج أعتقد انك اتعلمت من الأول غلط.

ملحوظة ف بداية تعلييم السواقة: أرفع رجلك من علي الدبرياج بالراحة خالص شعرة شعرة لغاية ما العربية تبدأ تتحرك. ثبت رجلك تلات ثواني لما العربية تستقر علي حركتها وبعدين ابدأ ارفع رجلك تاني بالراحة لغاية ما تشيلها خالص من علي الدبرياج. الطلعة حاتبقي بطيئة بس وقت ما تتعود عليها حاتبدأ بعد كدة تحط معاها بنزين وتوازن.
طريقة تانية ^_^ ودي من اختراعي (أنا أشول برضه). ادي حتة بنزين عالية شوية واتدرب توصلها لحد معين كل مرة. نقول ظبط رجلك اليمين علي ان ضغطة البنزين تديك 2000 ار بي ام طالما ان دي الرجل الحساسة أكتر. لما تتعود عليها ابدأ شيل رجلك من ع الدبرياج وانت بتعمل الحركة دي. حتة الغشامة اللي في رجلك الشمال حاتعوضها اليمين ف شدة الموتور (ودي الطريقة اللي أي سواق بيشد بيها من الزيرو أو يبدأ بيها العربية علي طلعاية يدي ار بي ام عالي وبعدين يشيل رجله بسرعة من ع الدبرياج). ومع الوقت حتلاقي رجلك بتخف ع الدبرياج.

الموضوع مش اختراع.. يعني الكام مليون واحد اللي بيسوقو مانيوال دول انت مش حاتعرف تسوق زيهم؟

[mohamedmti]

لسه هتعلم تاني d:
الاتوماتيك اسهل :)
الشيروكي داخله دماغي عشان بحب العربيات الكبيره
انا دلوقتي هحتاجها ف الجامعة بس يعني مش هتعبها كتير

[crayvor]

لسه هتعلم تاني d:
الاتوماتيك اسهل :)
الشيروكي داخله دماغي عشان بحب العربيات الكبيره
انا دلوقتي هحتاجها ف الجامعة بس يعني مش هتعبها كتير

أنا مش فاهم كبيرة زي 4x4 كبيرة ولا كبيرة يعني ممكن مثلا نسمي الصني واللانسر كبيرة (مقارنة بالعربيات الاقتصادية زي اللانوس والفيرنا والافيو وكدة)
لو قصدك علي تاني حاجة يبقي شوف صني مثلا 2000 اوتو. ممكن أسترا 2000.. يعني حاجة برضه بتكنولوبيا أعلي حبتين عن الجرار الزر.. قصدي الشيروكي.

[M.Alaa92]

مش المهم انت هى داخلة دماغك اد اية
احسب ال 6 سليندر حتاخد اد اية ف ال 25 كيلو دووول؟؟؟ مع العلم ف الزحمة الاستهلاز بيزيد ده اولا
ثانيا قطع الغيار لازم تحطها ف الاعتبار
ثالثا لازم تحط ف اعتبارك الترخيص اللى حيبقى معدى جااامد
و كمان العربية كبيرة يعنى داخل القااهرة حتكرهها جدااا بسبب الركنة
+ ال48 مش يجيبو عربية 95 نضيفة خاااالص

ف راى شووف فيرنا مثلا حتبقى موديل عاالى و اوتو و حالة انضف من اللى فاتو بحكم السن
ممكن تشوف ال كريستاالة اوتو

[mohamedmti]

شكراااا
ان شاء الله في اول شهر 2 هجيب ساعتها ربنا يسهل
بس المشكله ان الطريق كله مطبات عالية عشان كده كنت عاوز شيروكي
وكمان منظرها حلو برضو

[تامر.محمد]

لانوس لحد 2005
نوبيرا لحد 2006

اللانوس مافيهاش اتوماتيك الا في لانوس1 موديلات اواخر التسعينات , مش هاتلاقيها بسهولة
و الاتوماتيك بتاع النوبيرا سمعته مش قد كده , و ان كان اللي راكبين نوبيرا اتوماتيك بيقولوا ان اللي يلتزم بصيانته بيبقى كويس معاه

[Sehsss]

أحسن حاجة الشيروكي لو اد مصارفها و صيانتها ..
بعدها على طول الكورولا