BMW 320 2006 or PASSAT 2007 HL

[Ahmed.Fahmy]

السلام عليكم يا شباب

كنت عاوز منكم مقارنة كده من المقارنات المفيدة المفصلة والعادلة بين الbmw 320 2006 or passat 2007 hl واقرتراحاتكم لسيارة فى نفس الحدود السعرية لاسرة من 2 شباب + 2 بابى صغيرين

يللا بقى

[Ahmed.Fahmy]

up up up

[Dr'AhmZZong]

موديل bmw ده ما شاء الله عليه تحفةةةةةةة .. بس شرط الحالة

بصراحة اوعى يفوتك ...

[bero0o0o0]

يا راجل حرام عليك
البيمر اللي بتتكلم فيها دي عالية جدا و بتتقارن بحاجات اعلى من الباسات بكتير

[Ahmed.Fahmy]

انا متهيألى انهم من نفس الفئة

[dr_radioooooo]

يا راجل انت بتقول اتنين شباب
يعنى بيمر من غير كلام

[Ahmed.Fahmy]

يا راجل انت بتقول اتنين شباب
يعنى بيمر من غير كلام

انا بصراحة ميال ليها بس المدام عاجبها وسع الباسات عشان الوكتافيا اللى معانا ديقة من ورا
بس البى ام بى ام بردو :)
فى انتظار باقى الرجالة

[medo20000]

والله ياباشا أنا فى نفس موقفك ومحتار نفس حيرتك وخصوصاً بعد ما سمعت شوية معلومات عن ال 320 مو 2006
1- مساحة الشنطة صغيرة
2- تيل الفرامل ب 700 ج
3- فلتر زيت + غيار زيت خارج التوكيل ب 550 ج
4- طنابير 3000 ج خارج التوكيل ....
5- العربية واطيه جداً فى المطبات

بالنسبة للباسات fsi أنا حاسس ان شكلها من بره حلو وشيك قوى وخصوصا لو نظيفة
مساحة الشنطة والصالون أوسع
ثبات جيد جدا ..أوبشن كثيييير قوى ....إستهلاك بنزين أظنه معقول ... سحب ضعيف شوية فى الأول ...ولكن بعد كده تمام ...
ولكن خايف من الفتيس ومن قطع الغيار ..
ولكن بالرغم من ده كله فهى bmw لو عرفت تقارن مابينهم إبقى قولى علشان أعمل زيك بالضبط بس بشرط إقنعنى ليه ؟؟؟؟

[Hegazio]

ياريت المقارنة تبقي بالأرقام ماعدا الشكل و الحب و الكلام ده
حأقول اللي اعرفه
قاعدة عجلات و صالون داخلي للفئة الثالثة مش بالضيق اللي تحسه مقارنة بحجم الباسات ككل " 2 سم " فرق
الموتور للبي ام 320 اقوي بحوالي 40 % من ال 1600 fsi
فيه مشكلة فكل جيربوكس فولكس اللي هو dsg لأنه المفروض يبوظ بعد 200-300 الف استخدام اوربي لكن في زحمة و نقلات مصرنا العزيزة بيبوظ كل 20-30 الف " بيبوظ الدبرياج التاني لأنها ب2 دبرياج"

انا عن نفسي .... حتبقي البي ام 320 .. مش الماركة و شبابية و بتاع .. نظرة عمليه بحتة !!

[Ahmed.Fahmy]

والله ياباشا أنا فى نفس موقفك ومحتار نفس حيرتك وخصوصاً بعد ما سمعت شوية معلومات عن ال 320 مو 2006
1- مساحة الشنطة صغيرة
2- تيل الفرامل ب 700 ج
3- فلتر زيت + غيار زيت خارج التوكيل ب 550 ج
4- طنابير 3000 ج خارج التوكيل ....
5- العربية واطيه جداً فى المطبات

بالنسبة للباسات fsi أنا حاسس ان شكلها من بره حلو وشيك قوى وخصوصا لو نظيفة
مساحة الشنطة والصالون أوسع
ثبات جيد جدا ..أوبشن كثيييير قوى ....إستهلاك بنزين أظنه معقول ... سحب ضعيف شوية فى الأول ...ولكن بعد كده تمام ...
ولكن خايف من الفتيس ومن قطع الغيار ..
ولكن بالرغم من ده كله فهى bmw لو عرفت تقارن مابينهم إبقى قولى علشان أعمل زيك بالضبط بس بشرط إقنعنى ليه ؟؟؟؟

:))))))))))))))) وازدادت الحيرة واحدا

ياريت المقارنة تبقي بالأرقام ماعدا الشكل و الحب و الكلام ده
حأقول اللي اعرفه
قاعدة عجلات و صالون داخلي للفئة الثالثة مش بالضيق اللي تحسه مقارنة بحجم الباسات ككل " 2 سم " فرق
الموتور للبي ام 320 اقوي بحوالي 40 % من ال 1600 fsi
فيه مشكلة فكل جيربوكس فولكس اللي هو dsg لأنه المفروض يبوظ بعد 200-300 الف استخدام اوربي لكن في زحمة و نقلات مصرنا العزيزة بيبوظ كل 20-30 الف " بيبوظ الدبرياج التاني لأنها ب2 دبرياج"

انا عن نفسي .... حتبقي البي ام 320 .. مش الماركة و شبابية و بتاع .. نظرة عمليه بحتة !!

بس واقعيا ال320 بردو من الداخل اديق تنيجة التوفير فى المساحات فى الباسات
يعنى التابلوه فى الباسات اقصر من البى ام بكتير

[mmffor]

مع احترامي للباسات لكن البي ام تتفوق عليها بمراحل من حيث الخامات و جودة التصنيع و قوة المحرك و الاداء و الشكل و الكماليات

[MohamedGafar]

البي إم أفضل من الباسات بمراحل ، وعمرك ما حتاخد كل المميزات في عربية واحدة! كمان 2 شباب و2 بيبي تبقي البي إم ، ده أنا عندي ماشاء الله 3 أولاد والأمور بتمشي! بس بالعافية :)

على فكرة شنطة البي ام أصغر من الأوكتافيا ، ولى رأى....ممكن تروح تتفرج على البي ام فى اي معرض وتقعد جواها وتشوف الدنيا عاملة ايه...ونفس القصة بالنسبة للباسات....!

كمان انت فى الباسات ملزم انك تحط بنزين 95 اوكتين ، فى البي ام لأ....مع اني بحطلها 95!!!!

تحياتي.

[MohamedGafar]

مع احترامي للباسات لكن البي ام تتفوق عليها بمراحل من حيث الخامات و جودة التصنيع و قوة المحرك و الاداء و الشكل و الكماليات

++++111111111111111

[Ahmed.Fahmy]

مع احترامي للباسات لكن البي ام تتفوق عليها بمراحل من حيث الخامات و جودة التصنيع و قوة المحرك و الاداء و الشكل و الكماليات

انا حاسس كده بردو

البي إم أفضل من الباسات بمراحل ، وعمرك ما حتاخد كل المميزات في عربية واحدة! كمان 2 شباب و2 بيبي تبقي البي إم ، ده أنا عندي ماشاء الله 3 أولاد والأمور بتمشي! بس بالعافية :)

:))) انا البيبى زياد عنده 7 شهور وواخد الكنبة عشان الكار سيت ونص الشنطة ولما البيبى التانى ييجى ان شاء الله يبقى العربية من ورا بقت بتاعتهم :)))))

هى فعلا البى ام شنطتها صغيرة بس دا هيبقى ملحوظ فى السفر مثلا مش فى المشاوير اليومية

على فكرة شنطة البي ام أصغر من الأوكتافيا ، ولى رأى....ممكن تروح تتفرج على البي ام فى اي معرض وتقعد جواها وتشوف الدنيا عاملة ايه...ونفس القصة بالنسبة للباسات....!

اكيد اصغرمن الاوكتافيا اللى هى اكبر شنطة عربية فى مصر بتاخد 4 شنط سفر و5-6 شنط صغيرين :)
انا شوفت العربيتين زيرو بس استحرمت اجيب زيرو عشان سعرهم بيقع جدا وعلى ما اخلص اقساطها تكون بنص تمنها بس عموما الباسات اوسع لكن البى ام كدا ليها احساس كده مش عارف هو ايه تحس انها فيها حاجة تخليك مستمتع وانت جواها لكن الباسات تبقى مانتخ فى كريى الليفينج بتتفرج على التليفيزيون

كمان انت فى الباسات ملزم انك تحط بنزين 95 اوكتين ، فى البي ام لأ....مع اني بحطلها 95!!!!
دى مش مشكلة اوى لان الفرق شهريا هيفرق فى 200 جنيه بالكتير اوى
تحياتي.

[MohamedGafar]

انا حاسس كده بردو

اعتقد أنك خدت فكرة كويسة عن الأتنين... بالتوفيق ان شاء الله :)

تحياتي.