رينو لوجـــــان ولا اسبرانزا تيجـــــو ...

[M_SALLAM]

انا عارف ان المقارنة غريبة شوية بس انا عمرى مركبت التيجو لكن بتقول عليها انها اسوأ انتاج ابو الفتوح خاصة و ان العربيتين محققين نفس النجاح نسبيا !!!

[Sehsss]

التيجو فعلا مع صديق لي ومطلعه عينه، اللوجان عربية كويسة موتور وعفشة جيدين، واسعة جدا سواء للركاب أو الشنطة الخلفية، تكييف معقول، فرامل كويسة، شاسيه محترم (نيسان) ، وربنا يوفقك للخير

[medododo]

لوجان
وربنا يسرك الحال

[Dr'AhmZZong]

التيجو فعلا مع صديق لي ومطلعه عينه، اللوجان عربية كويسة موتور وعفشة جيدين، واسعة جدا سواء للركاب أو الشنطة الخلفية، تكييف معقول، فرامل كويسة، شاسيه محترم (نيسان) ، وربنا يوفقك للخير

[fgfg1975]

انا معايا تيجو 2000 و ماشاء الله زى الفل
و التوكيل محترم جدا
انا حاسس ان الردود حالات خاصه فيها عيوب
و مش عايز حد يزعل.... الناس حافظه ان الصينى وحش يبقى وحش بدون تجربه
و اشكركم جميعا

[fgfg1975]

و كمان فيها كمية كماليات جميله
تحس انك اخدت مقابل لفلوسك

[Sehsss]

انا معايا تيجو 2000 و ماشاء الله زى الفل
و التوكيل محترم جدا
انا حاسس ان الردود حالات خاصه فيها عيوب
و مش عايز حد يزعل.... الناس حافظه ان الصينى وحش يبقى وحش بدون تجربه
و اشكركم جميعا

ما حدش حافظ ولا حاجة، الصيني كله ما نزلش فيه حاجة كويسة غير البريليانس والبي واي دي إنما اسبرانزا ما نزلتش عربية محترمة لحد دلوقتي

[ayman1204]

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى

http://www.nilemotors.net/Nile/forum149/

[fgfg1975]

ما حدش حافظ ولا حاجة، الصيني كله ما نزلش فيه حاجة كويسة غير البريليانس والبي واي دي إنما اسبرانزا ما نزلتش عربية محترمة لحد دلوقتي

مع تقديرى اللى جرب غير اللى سمع

[Sehsss]

مع تقديرى اللى جرب غير اللى سمع

عندك حق، بس اللي جرب نقل ليا التجربة وأنا بنقلها

[moaz45]

طيب يا جدعان انا بفكر قى تيجو 4×4 حد يقولنا لو فيها نشاكل

[Dr'AhmZZong]

عندك حق، بس اللي جرب نقل ليا التجربة وأنا بنقلها

[hossam198200]

تيجو طبعا
و متخفش من الكلام الى بيقولك صينى و كده
و شوف انتشارها فى الشارع المصرى
و لوتعرف حد معاه لوجان اتوماتيك اسئله عن النتشه الى فى العربية