لادا كالينا و لا 2110 ولا فيرنا و لا لانوس

[وائل السويفي]

كلامك مضبوط جدا يا استاذ احمد
ولكن لاننسى ان هناك فرق حوالى 10 الاف جنية بين اللادا 2110 والفرنا والانوس
وبعدين 2110 شكلها مش وحش للدرجة
وهى ليست مجهولة الا فى مصر فقط وعليك كتابة لادا 2110 فقط فى جوجل لترى الاف المواقع التى تسوق لهذة السيارة فهى موجودة فى كل دول اسيا وحتى اوروباومباع منها اعداد كبيرة ويثق بها الكثيرون
ولكنى اتفق معاك ان سعر اعادة البيع وسهولة البيع لصالح اللانوس والفرنا
ولكننا لو هنشترى العربية واحنا بنشتريها هنفكر فى بيعها ستتغير كل الحسابات
وشكرا لك
وكل عام وانت بخير

+100000000
وهذا هو رأيي أيضا لكل من يقول اعادة البيع

اصل مش معقول يا جماعة قبل ما اشتري حاجة افكر في بيعها دا حتى فال وحش :)

[حسام كرم]

فعلا يا اخ وائل فانا شاهدت مثلا فى الوسيط الاسبوع الماضى اعلان لاسبرانزا 2000 سى سى مستعملة كسر زيرو موديل 2007 ب 94 الف وتحتها عالطول واحدة جديدة لم ترخص ب 114 الف اى ان الفرق 20 الف جنية مقابل تركيب النمر فقط فلو كل واحد بص انة هيخصر فى العربية دية 20 الف مسح زور مش هيتباع منها ولا عربية
وشكرا لكما جميعا

[Ahmed Anwer]

لو الفرق 10000 جنيه يبقي هو أولي بيهم ،
طبعا فرق مغري جدا في الفئة دي

[وائل السويفي]

كلامك مضبوط جدا يا استاذ احمد
ولكن لاننسى ان هناك فرق حوالى 10 الاف جنية بين اللادا 2110 والفرنا والانوس

يا ريت الفرق كان 10000 بس دا اكتر علشان انت بتحسب على تمن الكاش ولكني باحسب على التقسيط والفرق حوالي 15000 جنيه

[حسام كرم]

طيب اديك قلت 15 الف جنية
ودية باور ودية باور
ودية تكييف ودية تكييف
ودية سنتر ودية سنتر
ودية كاسيت ودية كاسيت
ودية شكلها انسيابى ودية شكلها انسيابى
ودية الوانها ميتالك ودية الوانها ميتالك
ودية 1600 واللانوس 1300والفرنا لااعرف ولكنى اعتقد انها 1300 ايضا
واللادا جر امامى 2 كامة 16 صباب
واللادا قضبان فولاذية للحماية ودية لايوجد
والادا كمبيوتر اعطال ودية لايوجد
واللادا ترمومتر لقياس درجة الحرارة بالخارج ودية لايوجد
واللادا كبوت مبطن بعازل ودية لايوجد
فلماذا اذا اللادا وحشة عشان اسمها لادا اللادا موجودة فى العالم من سنة 1970 والهيونداى من 1980 بالسيارة البونى والدايو اعتقد بدات فى التسعينات
ودية اسعار قطع غيارها معقولة ودية اسعار قطع غيارها معقولة
الميزة الوحيدة لصالح الفرنا واللانوس هو سهولة اعادة البيع فلو فى نيتك سرعة التغيير هات لانوس او فرنا
لو فى نيتك تانى وعربية عمر ومش هتفكر تبيع ولو بعت هتصبر شوية هات لادا واتكل على الله

[وائل السويفي]

كلامك صح يا حسام باشا وانا مقتنع تماماً .

ولكن للتصحيح فقط

ودية 1600 واللانوس 1300والفرنا لااعرف ولكنى اعتقد انها 1300 ايضا

اللادا 110 = 1500 سي سي
اللانوس = 1500 سي سي
الفيرنا = 1500 سي سي و 1600 سي سي

[وائل السويفي]

دي يا جماعة صور اللادا 110 اللي بنتكلم عليها علشان في ناس كتير مش عارفاها:

[hazem youssif]

السلام عليكم ورحمة الله وبركاته
ده اول مشاركة ليا فى المنتدى وعندى استفسار بسيط
ارجوا اى حد يكون عنده لادا 2110 يقولى ايه اخبار الصيانة واذا كان فى العربية اى مشاكل فنية لانى بدور على اى حد عندة العربية ده ومش لاقى
.
وياريت اى حد يقولى لو يعرف مكان اقدر اشترى منه العربية بالقسط دون التعاملات البنكية لانى لا اريدها .
وشكرا جزيلا على اهتمامكم

[ahmed1981]

وياريت اى حد يقولى لو يعرف مكان اقدر اشترى منه العربية بالقسط دون التعاملات البنكية لانى لا اريدها .

الموضوع التالي فيه طلبك بإذن الله:
http://www.nilemotors.net/Forum/viewtopic.php?t=5918

[hazem youssif]

لم اكن اتوقع الرد بتلك السرعة
شكرا لك اخى الفاضل احمد وجزاك الله خيرا
انا فعلا اتصلت بيهم ولقيت ان نظامهم يناسبى اكثر من اى شىء اخر