عربية و لا اتنين ؟

[MaZaGAngeE]

قدامي اختيار من اتنين

1- اشتري عربية واحدة و غالبا هتكون واحدة من دول ::: سيلفي ... كورولا ...... لانسر..... الانترا......قشقاي

2- اشتري عربيتين واحدة ليا و هتكون غالبا اوبترا او صني و عربية للمدام و غالبا هتكون لانوس او ساجا


انا مش مقيم مع الأولاد و بسافر طول الاسبوع , و بروح الخميس و الجمعه , و المدام بتسوق من زمان و محتاجة عربية معاها , حاليا معاها البطة و العربية كويسة جدا و مفيش فيها اي مشاكل خالص و التجديد هيكون من باب التغيير و التحديث و طبعا انا يعد حادثة البيجو و شلل البيتلز و بهدلة الربع نقل بقيت محتاج عربية ضروري جدا جدا ......

ايه رايك ؟ تختار ايه لو كنت مكاني ؟

[ayman1204]

عربيتين طبعا
وخصوصا الفرق بين الصنى والاوبترا وبينها وبين الانسر مثلا مش كتير اوى

[mostafa53]

إختياراتك كتير

قدامي اختيار من اتنين

1- اشتري عربية واحدة و غالبا هتكون واحدة من دول ::: سيلفي ... كورولا ...... لانسر..... الانترا......قشقاي

2- اشتري عربيتين واحدة ليا و هتكون غالبا اوبترا او صني و عربية للمدام و غالبا هتكون لانوس او ساجا


انا مش مقيم مع الأولاد و بسافر طول الاسبوع , و بروح الخميس و الجمعه , و المدام بتسوق من زمان و محتاجة عربية معاها , حاليا معاها البطة و العربية كويسة جدا و مفيش فيها اي مشاكل خالص و التجديد هيكون من باب التغيير و التحديث و طبعا انا يعد حادثة البيجو و شلل البيتلز و بهدلة الربع نقل بقيت محتاج عربية ضروري جدا جدا ......

ايه رايك ؟ تختار ايه لو كنت مكاني ؟

إنت حددت من الأول اختيارك وهو سيارتين لك وللمدام وواضح إن ميزانيتك فى حدود 160-170 ألف. لو حاتشترى جديد إشترى البازيك فى أى موديل عشان ماتزنقش نفسك. واختياراتك كتير يعنى مثلا Gettz مع صنى, ولو بتفهم فى المستعمل حتكون اختياراتك أوسع بكتير

[Dr'AhmZZong]

حضرتك حسمت الموضوع من الاول ..

أنا راي لحضرتك مثلا صني سوبر صالون ..
و للمدام والاولاد مثلا فيرنا اوتوماتيك أو ساجا اوتوماتيك

و إن شاء الله هتريح دماغك على الآخِر :))

[dr_radioooooo]

اتنين طبعا طالما المدام بتسوق
ولو ان خسارة تبيع البطة طالما حالتها كويسة

[Ahmed.Ali]

عربيتين اريح كتيييييييييييييير و بدال ما تبقي 100% سواق هتكون 40% بس سواق
انا بصراحه ارتحت كتييير اوي لما جبت عربيه للمدام لان مشاويرها القريبه كلها بقت هي الي تعملها

[engaass]

عربيتين طبعا بس حدد اولولياتك ايه عشان تقدر تختار العربية المناسبة لكل منكما
بالتوفيق

[Land_Cruiser]

عربيتين بدون شك فى الوقت الحالى علشان تريح دماغك و لو عرفت تجيب الاتنين او حتى واحده فيهم كسر زيرو(بتاعتك)ماشيه ٣ او ٤ الاف كيلو هتوفر معاك ١٠ -١٢ الف جنيه و يمكن اكتر بالنسبه للعربيتين و بعدين شيل الفلوس اللى انت وفرتها على جنب و ادخر عليها لحد ما تكون مبلغ تانى و ساعتها تروح بايع عربيتك اللى انت مش مقتنع بيها اوى دلوقتى و كنت شاريها كسر زيرو علشان توفر و تجيب مكانها الزيرو اللى انت نفسك فيها و ساعتها محدش هيقولك انت جبت عربيه غاليه و أنا و الأولاد ماشيين على رجلينا :).

[Sehsss]

حضرتك حسمت الموضوع من الاول ..

أنا راي لحضرتك مثلا صني سوبر صالون ..
و للمدام والاولاد مثلا فيرنا اوتوماتيك أو ساجا اوتوماتيك

و إن شاء الله هتريح دماغك على الآخِر :))

[fgfg1975]

عربيتين اريح كتيييييييييييييير و بدال ما تبقي 100% سواق هتكون 40% بس سواق
انا بصراحه ارتحت كتييير اوي لما جبت عربيه للمدام لان مشاويرها القريبه كلها بقت هي الي تعملها

+111111111111111

[MaZaGAngeE]

اشكركم على اقتراحاتكم
و منتظر مزيد من الاراء

[eng/ahmed_go]

انا فعلا شايف حضرتك حسمتها من الاول لما قولت ان المدام معها البطة والعربية كويسة ومفيش منها مشاكل
عشان كده انا شايف انك تجيب حاجة كويسة من الاول تعيش معاك عمر من غير مشاكل (لانسر -كورولا-سيفيك)
وطبعا افكرك بالمقولة الشهيرة
_____________الغالي ثمنه فييييييييييييه________________

[MaZaGAngeE]

يوم الاحد اتفرجت على s60 , s80 العربيتين خرافة و مالهومش اي حل
الخميس هتفرج على 508

شكلها كده هترسى على عربية واحدة و انا هقضيها بالبطة مانتوا عارفين الحكومة محدش يقدر عليها

[devil_storm]

انا فعلا شايف حضرتك حسمتها من الاول لما قولت ان المدام معها البطة والعربية كويسة ومفيش منها مشاكل
عشان كده انا شايف انك تجيب حاجة كويسة من الاول تعيش معاك عمر من غير مشاكل (لانسر -كورولا-سيفيك)
وطبعا افكرك بالمقولة الشهيرة
_____________الغالي ثمنه فييييييييييييه________________

+111111
يا باشا طالما المدام معاها عربية مريحاها و انت بتسافر معظم ايام الاسبوع يبقى هات عربية واحدة نضيفة افضل... و قدام شوية يبقى غير عربية المدام لما تبداء تشتكى منها,,,, و يبقى سبهالها يوم فى الاسبوع علشان متزعلش