logan blackline or bydf3

[treeka84]

انا فى غايه الحيره واحتاج للنصيحه

[hazemgaber]

يا باشا انا معايا لوجان من شهر 4 سنة 2010 والعربية الله اكبر تمام الحمد لله
وفي القريب ان شاء الله هاشتري البي واي دي الاوتو للمدام عشان مش بتسوق غير اوتوماتيك وهبفي اقولك

[hugan]

بي واي دي اوتو

[treeka84]

انا حابب البى واى دى بس خايف عشان صينى

[mahmod1891]

انا كنت محتار زيك جدا لكن ...
قولت لنفسى ليه اجيب تقليد التويوتا ؟؟؟
وانا ممكن اجيب اصل الرينو ؟
والعربية معايا بقالها 4 شهور عاملة حوالى 2000 كم وتمام الحمد لله
هيا صوتها عالى شوية وثباتها رائع واستهلاكها للبنزين حوالى 13 كم / لتر وارتفاعها ممتاز افضل من البى واى دى وده مهم جدا فى بلدنا وواسعة تقريبا زى البى واى دى والبى واى دى أطوال من بره بحوالى 30 سم وده اصعب فى الملفات .
وفى النهاية مفيش عربية من غير عيوب ولا كلها مميزات ومتنساش الاستخارة وبالتوفيق ان شاء الله .

[amriar]

مش علشان انا معايا اللوجان .. انا عشان دي الحقيقه .. اللوجان احسن في رايي

[a_nbm]

مش عارف ليه اول ماسمع كلمه (صيني) ابتدي اقلق ... على اي حاجه عموما مش العربيات بس

[ayman1204]

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

[treeka84]

انا خلاص استقريت على عربيتين
الاولى نيسان صنى بس القسط هيبقى عالى بس سمعتها حلوه وقطع غيارها متوفره
الثانيه ودى اللى غالبا هجيبها وعن اقتناع وخايف طبعا من قطع الغيار الغاليه وهى الرينو لوجان

[ayman1204]

انا خلاص استقريت على عربيتين
الاولى نيسان صنى بس القسط هيبقى عالى بس سمعتها حلوه وقطع غيارها متوفره
الثانيه ودى اللى غالبا هجيبها وعن اقتناع وخايف طبعا من قطع الغيار الغاليه وهى الرينو لوجان

نيسان صنى موديل 2012
ماتورها 118 حصان 2 كامه 16 صباب
عيوب التقفيل المصرى باين فيها اوى
العربية نفسها ضيقة
العربية بمعنى الكلمة ( حريقة بتنزين ) العربية مع صاحبي الانتيم وكل يوم يا برنكب فى اللوجان ياما بنركب فى الصنى )

الصنى ما يميزها فراملها قوية جدا ( هو معاه السوبر صالون )
3 انظمة فرامل abs - ebd - bia ملهمش حل بصراحة
عفشة رياضية - 2 اير باج - ابنوس - مرايات ضم كهرباء

انا حبيت اقولك بكل صراحة بين الاثنين لانى بركب الاثنين على طول
ولك حرية الاختيار

بس لو هتجيب الصنى مانيوال ( بلاش )
واللوجان احسن اما لو لو هتجيبها الاتوماتيك فهات الصنى احسن