سيراتو -vs- ميجان 2

[figoo2001010]

حابب أشترى كسر زيرو فى حدود اول التسعيين تفتكرو اية سيراتو والا ميجان2

[figoo2001010]

وممكن ندخل شارك معاهم

[yoko]

رأي الشخصي ميجان

[ayman1204]

مفيش مقارنة ولا تفكير ولا اى حاجة
ميجان 2 وش
العربية دى مالهاش زى
من الاخ لو هتشتريها اشترى واحدة بيتعمل صيانتها فى التوكيل ومحافظ عليها
وانت لم هتيتريها كمل برضوا صيانتها فى التوكيل
لان العربية دى فيها تكنولوجيا رهيبة ( كمبيوتر )

[ramykimo]

ميجان 2 طبعا بس اهم حاجة الكشف فى التوكيل و تكون اول يد ماشية اقل من 50 الف و موديل 2009

[Mohab.Nabil]

ميجان لو حالتها نظيفة و بانوراما تبقى حلوة اوى .. تتفوق على السيراتو فى كل حاجة الا السحب و قطع الغيار

[Hegazio]

ميجان 2 طبعا .. و علي فكرة 115 حصان صافي مش اجمالي زي ال 124 يتوع السيراتو يعني يقفو ب 134 كده
عاشت معايا 200 الف كيلو في ست سنين كانو زي الفل .. لا قلت أصلها زي الوهم و الاشاعات اللي بيطلعها وكيل كلنا عارفينه ولا كلام القهاوي ولا غيره

حاليا بعد ما بيعتها .. معايا " فلوينس "

[Mohab.Nabil]

ميجان 2 طبعا .. و علي فكرة 115 حصان صافي مش اجمالي زي ال 124 يتوع السيراتو يعني يقفو ب 134 كده
عاشت معايا 200 الف كيلو في ست سنين كانو زي الفل .. لا قلت أصلها زي الوهم و الاشاعات اللي بيطلعها وكيل كلنا عارفينه ولا كلام القهاوي ولا غيره

حاليا بعد ما بيعتها .. معايا " فلوينس "

هو ماتور الميجان فعلا كويس بس العربية تقيلة عليه شوية .. يعنى بحس ان طلعتها تقيلة شوية و دا حال كل الاوروبى على عكس الكورى

بس هى عربية ممتازة جدا فعلا

[تامر.محمد]

انا لما اتحطيت في الاختيار ده اخترت الميجان
و حتى ما جبتهاش بانوراما (ما لقيتهاش بالحالة اللي انا عايزها)

بس المهم احتياجاتك من العربية ايه

[lenasam]

انا رأى الشخصى بلاش اوربي مستعمل ، علشان قطع الغيار
و لو مكان ممكن أفكر فى تويوتا كورولا او الميتسوبيشى لانسر سواء كانت بومة او شارك

[Hegazio]

و ممكن نعرف من حضرتك قطع غيار الميجان2 اللي موجودة في ش دمشق أو التوفيقية كانت غالية ازاي؟
بلاش التعميم أو معلومات تاريخية
يعني مثلا تيل الفرامل ب 170 جنيه ده غالي؟
فلتر الهوا 40 جنيه الفانوس الامامي ب 240 و الخلفي ب 140 ....
اسال الأول بس

[dreslam]

ميجان نضيفه فضلتها على كوري زيرو ....انا كان عندي جين 2 وبعتها عشان عايز عربيه اكبر وكنت حاطط في الاعتبار الكلام اللي مالوش لزمه اللي بيتقال عنها ...كنت رايح اجيب زيرو كوري مالقيتش فيه abs ولا ايرباج واحد ...رحت جايب الميجان وعلى فكره الحمد لله احساسي انها اختيار ممتاز وعربيه برستيج وثبات وهمي على الطريق وتكنولوجيا سابقه عصرها عربيه من الاخر تسوى تمنها "هاي لاين"
الشارك بقا عربيه جميله جدا جدا جدا ومش واخده ساعدت ابن خالتي في اختيارها وجابها هاي لاين عربيه بسم الله ما شاء الله من اكثر العربيات الياباني اللي بحترمها هي والمازدا 3 لكن تتفوق عليها الشارك في اتساع الوهمي للصالون الداخلي

[Hegazio]

هو ماتور الميجان فعلا كويس بس العربية تقيلة عليه شوية .. يعنى بحس ان طلعتها تقيلة شوية و دا حال كل الاوروبى على عكس الكورى

بس هى عربية ممتازة جدا فعلا

كلامك صح .. بس السبب نسب جير الأول لباقي التروس فالأوربي كله
و ليه علاقة بالعزم العالي المطلوب عن الطلعة السريعة لانتشار ثقافة الكرافان و تقطر اليخت الصغير بتاعك و كلام من ده

[dreslam]

وااله بالنسبه لقطع الغيار اللي بيقول غاليه ده ماجربش لان سعرها مضبوط عشان معمره وبتقعد كتير...يبقى تساوي ثمنها

[figoo2001010]

طيب انا لقيت ميجى موديل 2009 عامل 50 الف كيلو كاملة من غير سقف فبريقة بالكامل تفتكروا تعمل كام مع العلم ان كل صياناتو برة وبيقولى زيت و فلاتر بس وفعلا اول خبطة فى ال 60 الف زى منتو عرفين ,,, مستنى ردكوا عشان يمكن أخلص بكرة