كوبر S ولا 330i ؟ ؟

[Ahmod]

السلام عليكم ورحمة الله وبركاته

في البداية محدش يتخض من العنوان اكيد انا مش ناوي اشتري الحجات دي

العربيات دي الواحد يفكر فيها في الجنة ان شاء الله

في اثناء مانا قاعد وسارح في بحر الاوهام

فكرت لو ربنا كرمني وحبيت اشتري عربية شديدة ممكن تكون ايه ؟ ؟

طبعا فكرت في فئات العربيات اللى موجودة في مصر وبتنزل السوق (بعيدا عن البوجاتي والفراري والكلام ده)

انا عن نفسي متطلباتي من العربية كشاب في سن العشرينات انها تكون عربية شديدة كجري ولعب وفي نفس الوقت ثبات محترم وفرامل محترمة تسعفك لو حصل حاجة لاقدر الله

وفي نفس الوقت تبقى بيرستيج وفخامة وعربية اعتمادية وطالما الواحد بيفكر في عربية هتدفع فيها كتيييييير يبقى هنستبعد موضوع قطع الغيار وسعر اعادة البيع

فكرت في ال 320i لاني ركبتها قبل كدة في معرض اتوماتك بصراحة روعة بكل ماتعنيه الكلمة من معنى

بس في نفس الوقت ماتورها مش قد كدة يعني مش معقول هدفع كل المبلغ ده في بي ام والاقي برافو مثلا طايرة من جمبي سعتها اكيييييييييييييد هيجيلي احباط شديد

فكرت في ال 530 وركبتها كتييير مع واحد زميلي بصراحة العربية ركوبة ماشفتش زيها وحش على الطريق وثبات مالوش حل وماتور من الاخر مافيش عربية كانت بتسد معانا يدوبك الكيك داون وبتودع اي عربية بتشد معاك

لكن مشكلتها انها كبيرة ومش مناسبة لشاب زيي

في الاخير استقريت على عربيتين

MiniCooper S
BMW 330 i

انا عارف ان دي فئة ودي فئة تانية

البي ام عائلية اكتر والكوبر شبابية بحتة

لكن الاتنين على الاقل هيلبو متطلباتي من حيث

ماتور شديد - ثبات خرافي - فرامل من الاخر - فخامة وشياكة - اعتمادية

دخلت على النت قلت ابص على سعر العربيتين

ال 330i بتبدأ من 415 والهاي لاين ب 450 الف

الكوبر s بتبدأ من 360 والهاي لاين ب 445 الف

يعني لو هنقارن مابين الهاي لاين هنا وهنا تقريبا فئة سعرية متقاربة

الكوبر شبابية اكتر وشكل خرافي عربية وهم ويقال " والله واعلم مش انا اللى بقول " انها كثبات افضل من الفئة التالتة وتكاد تكون في مستوى ثبات الفئة الخامسة او افضل كمان

البي ام عائلية اكتر وفي نفس الوقت شكلها برضوا شبابي وروعة ومالهاش حل

التسارع مش عارف مين يكسب بس اعتقد اللى هيكسب هيكسب بفرق قليل وارجح ان ال 330 على السرعات العالية ممكن تفرتك الكوبر والكوبر تكسب على السرعات الاقل والله واعلم برضوا

قطع الغيار واعادة البيع مستبعد << مانت واحد ناوي تدفع نص مليون في عربية هتفكر في قطع غيار ليه

الكوبر اكيد هتكون افضل في استهلاك البنزين << ياعم ماقلنا انت واحد دافع نص مليون عايز ايه من استهلاك البنزين

البي ام افضل لو معاك اصحابك او عدد كبير فالعربية واسعة وتشيل عدد اكتر من الكوبر اللى اخرها هتركب فيها 4 بالعافية

الموضوع صعب ومحير <<< ياعمنا اصحى من الاوهام اللى انت فيها وارضى بالياريس وقول الحمد لله

طبعا الحمد لله في الاول وفي الاخر لكن مافيش مانع ان الواحد يفكر لقدام << اسكت حتى لو معاك فلوس مش هدفع نص مليون في عربية توكتوك يخبطهالي

فقلت اكتب الموضوع نشوف ارائكم وانا متاكد ان هيتقال في الموضوع ده كمية معلومات حلوة كلنا هنستفيد منها ان شاء الله

وعايزين نشوف نصائح حلوة

لعل وعسى واحد مقبل على شراء عربية من دول ويستفيد باراءنا

[omar-saad]

انا افضل المينى كوبر
عربية شبابى ومن هوت هاتش كدة كدة معروف ان شاب هو اللى راكب العربية
العربية ثابته جدا ومتنساش ان المينى اساسا مملوكة لشركة بى ام دبليو يعنى التكنولوجيا واحدة
وانا كمان بحب التميز البى ام اى حد ممكن يركبها وماحدش هايفرق ال316 عن ال330 الا اللى فاهم اوى
غير صوت التيربو حاجة تانية خالص
وربنا يرزقنا اى واحدة فيهم بالحلال ان شاء الله

[KHALED AYMAN]

انا بقول تعمل تيست درايف و تقرر ..
دول نص مليون يا كبير :)

[Dr'AhmZZong]

330 .. من غير كلام ما شاء الله عربية من الآخِر

[rammar]

BMW 330i وشش الميني شكلها مش عاطفي من الداخل بس مننكرش انها حكاية برضو

[shaddadfalcon1]

البي ام طبعا

وطالما احلام يبقي m3 بقي وخلاص
هي الأحلام بفلوس يعني

[minicooper20]

لااااااااااااااااااااااااااااااا
معقول يا صحبى و بعدين العربيات دى متجيش زيرو
انا هقولك تعمل ايه
انتا تجيب 316 معفنه كده موديل 2009 و لا حاجه و تبعت تجيب m3 كامله موجيل 2009 برضو بس نوصين كده
و نجلس بقا فى الحرفين و نفضى دى و نحطو فى دى من الابره للصاروخ
واخدلى بالك انتا
و هنبعت نجيب البادى كيت بتعها و نرشها كلها ازرق يا كبير و مرياتج الفولدنج و 400 500 حصان معاك وواسعه و شقيه و كلها حنيه و متوافقه معاك كا شاب و مش هتكمل ال 300 الف شوفت التوفير
و لو لو عجباك ال m5 ممكن نعملها بس جرب ال 3 لو عجبتك اديها لاخوك و هات انتا واحده 5
و سعناه بقا استنى الفرارى على ادائرى عند ال n a كده هقلبلك نور اتفقنا
حبيبى والله اصحى بقا علشان نشوف الثوره اخبارها ايه

[Formulator]

غريبة جدا..؟؟؟!!!!!!
انا كنت متوقع انى ألاقى الردود كلها بتقول Mini Cooper S وشششششششششش
أصلا الكلام على عربية "سبورت"..
عارف ان الـ330i جامدة جدا, ومختلفة تماما عن الـ320/316 فـ كل حاجة:
كفاية الموتور الـin-line 6, والعفشة والفرامل والـpackage كلها غير..!!!

بس رأيى.. المينى S طبعا, سواء الـ184 حصان, أو الـ211 الـJCW اللى قال عليها Ahmod معدية الـ400 الف..
أنا مش هتكلم فـ Acceleration وان المينى هتطلع من الثبات أو فـ الـOvertaking, بس الـ330i هتطلع فوق وتقفل الأمبير وكده.. والكلام ده. لأ

لكن طالما هنتكلم فـ سواقة Spirited, وأداء رياضى.. يبقى مش مواتير وبس؟؟!!!
لسه فيه الـGo-Kart هاندلينج والثبات والغرز الضيقة والملفات الحادة, والقدرة على الـManoeuvring على سرعات عالية.. معلش هنا المينى تتفوق ببراعة..
مش بس عشان الحجم والوزن, لأ.. بس فعلا اللى مجربش العربية دى, مش هيعرف انا بتكلم فـ أيه؟؟؟!!
وبرضه لو قولنا الوزن: 180-200 حصان على عربية صغيرة وخفيفة.. أفضل بكتييييييييير من 250-300 حصان على عربية كبيرة وثقيلة..
Edit: لو هنقول 335i يبقى الكلام اختلف خالص..؟؟!!!
مش عشان رقم الهورسباور (ماهى 300-330 حصان برضه), لأ.. بس عشان نفخة التربو فى الـTorque:
- الموتور الـN54 كان Twin-Turbo بيطلع 300 حصان و400 نيوتن
- الموتور الـN55 بقى Twin-Scroll Turbo بيطلع 330 حصان و 450 نيوتن

هما دول اللى يتقارنوا بالكوبر S فـ الجرى, لكن برضه هيفضل التفوق فـ الهاندلينج والـmanoeuvring للمينى S عشان الحجم..!!

[Mohab.Nabil]

هى فعلا مقارنة جامدة اوى

و انا اول ما شفت عنوان الموضوع اتخضيت بصراحة :)

انا حظى كان سعيد انى ركبت الاثنين بس مسوقتهومش للاسف بس ركبتهم مع واحد صاحبى معاه الاثنين - ماشاء الله - و هو بصراحة سواق ملهوش حل يعنى كان احسن انى اقعد اتفرج معاه احسن من انى اسوق ، الـ 330i ماشاء الله وحش على الطريق و من جوة فيها كل حاجة تحلم بيها و فرش جلد عمرى ما شفت اللون بتاعه تانى لون ما بين النبيتى و البنى كده بس درجة ماشاء الله شكلها رائع .. العربية فعلا ثباتها ملهوش حل .. و فصل الـ esp عشان يقدر يلعب بيها و كانت تجربة رائعة بصراحة .. بالنسبة للمينى كوبر s فكانت لسه جاية من دبى طازة و كانت من اوائل العربيات الكوبر s الـ cabrio اللى تنزل مصر .. بصراحة ركوب عربية مكشوفة احساس لا يوصف و لا يضاهيه اى احساس تانى بالذات لو وقفت كده و العربية ماشية تحس انك طاير .. بس العربية من ورا ضيقة جدا و صعب اوى تشيل اثنين ورا الا مزنوقين جدا .. انا قعدت فترة ورا لوحدى و كنت حاسس انى هموت من الزنقة .. بصراحة مينفعش تركب الا قدام :)

من الاخر بصراحة لو هجيب حاجة منهم هجيب الكوبر الـ s .. عربية شبابية متكاملة مش ناقصها اى حاجة

كان عندى سؤال برضه بس برة المقارنة .. ahmod انت كنت امبارح فى شارع الهرم على الساعة 2 و نص الظهر كده و عربيتك فيها stripes فضى من ورا و ستيكر على الازاز من ورا لونه فضى فى اصفر فى احمر ؟

[mohammedabdallh]

لو بتحلم احلم على كبير شويه
bmw x6
وهو حلم بحلم بقه
هههههههههههههههه

[Ahmod]

انا افضل المينى كوبر
عربية شبابى ومن هوت هاتش كدة كدة معروف ان شاب هو اللى راكب العربية
العربية ثابته جدا ومتنساش ان المينى اساسا مملوكة لشركة بى ام دبليو يعنى التكنولوجيا واحدة
وانا كمان بحب التميز البى ام اى حد ممكن يركبها وماحدش هايفرق ال316 عن ال330 الا اللى فاهم اوى
غير صوت التيربو حاجة تانية خالص
وربنا يرزقنا اى واحدة فيهم بالحلال ان شاء الله

الكوبر شبابي طبعا مفيش كلام ومعروف انها مملوكة لشركة بي ام دبليو

اما بالنسبة لقصة التميز فمش شرط ان اللى يشوف العربية يكون فاهم دي ايه

ماهو لو مش فاهم مش هيعرف يفرق مابين الكوبر العادية والكوبر s

اهم حاجة انك كصاحب العربية تكون متكييييييف وده المطلوب

انا بقول تعمل تيست درايف و تقرر ..
دول نص مليون يا كبير :)

وتفتكر مين هنا في مصر هيخليك تعمل تست درايف يا كبير ؟ ؟

330 .. من غير كلام ما شاء الله عربية من الآخِر

والله هي فعلا من الاخر بس الكوبر s برضوا مش قليلة والموضوع محتاج تفكير

BMW 330i وشش الميني شكلها مش عاطفي من الداخل بس مننكرش انها حكاية برضو

لا ياراجل حرام عليك دي تحفة كفايا منظر العداد بتاعها بس

[Ahmod]

البي ام طبعا

وطالما احلام يبقي m3 بقي وخلاص
هي الأحلام بفلوس يعني

m3 دي نفكر فيها في الجنة بقى ان شاء الله

لااااااااااااااااااااااااااااااا
معقول يا صحبى و بعدين العربيات دى متجيش زيرو
انا هقولك تعمل ايه
انتا تجيب 316 معفنه كده موديل 2009 و لا حاجه و تبعت تجيب m3 كامله موجيل 2009 برضو بس نوصين كده
و نجلس بقا فى الحرفين و نفضى دى و نحطو فى دى من الابره للصاروخ
واخدلى بالك انتا
و هنبعت نجيب البادى كيت بتعها و نرشها كلها ازرق يا كبير و مرياتج الفولدنج و 400 500 حصان معاك وواسعه و شقيه و كلها حنيه و متوافقه معاك كا شاب و مش هتكمل ال 300 الف شوفت التوفير
و لو لو عجباك ال m5 ممكن نعملها بس جرب ال 3 لو عجبتك اديها لاخوك و هات انتا واحده 5
و سعناه بقا استنى الفرارى على ادائرى عند ال n a كده هقلبلك نور اتفقنا
حبيبى والله اصحى بقا علشان نشوف الثوره اخبارها ايه

تصدق والله فكرة بس مين بقى ليه طولة بال

والى غير التعب والمجهود وماتضمنش الشغل يطلع بالمستوى المطلوب ولا لاء

الى غير التكاليف ووجع الدماغ وفي الاخر برضوا هتدفعلك 300 الف مين هيجازف بالمبلغ ده في قصة زي كدة كتير برضوا

غريبة جدا..؟؟؟!!!!!!
انا كنت متوقع انى ألاقى الردود كلها بتقول Mini Cooper S وشششششششششش
أصلا الكلام على عربية "سبورت"..
عارف ان الـ330i جامدة جدا, ومختلفة تماما عن الـ320/316 فـ كل حاجة:
كفاية الموتور الـin-line 6, والعفشة والفرامل والـpackage كلها غير..!!!

بس رأيى.. المينى S طبعا, سواء الـ184 حصان, أو الـ211 الـJCW اللى قال عليها Ahmod معدية الـ400 الف..
أنا مش هتكلم فـ Acceleration وان المينى هتطلع من الثبات أو فـ الـOvertaking, بس الـ330i هتطلع فوق وتقفل الأمبير وكده.. والكلام ده. لأ

لكن طالما هنتكلم فـ سواقة Spirited, وأداء رياضى.. يبقى مش مواتير وبس؟؟!!!
لسه فيه الـGo-Kart هاندلينج والثبات والغرز الضيقة والملفات الحادة, والقدرة على الـManoeuvring على سرعات عالية.. معلش هنا المينى تتفوق ببراعة..
مش بس عشان الحجم والوزن, لأ.. بس فعلا اللى مجربش العربية دى, مش هيعرف انا بتكلم فـ أيه؟؟؟!!
وبرضه لو قولنا الوزن: 180-200 حصان على عربية صغيرة وخفيفة.. أفضل بكتييييييييير من 250-300 حصان على عربية كبيرة وثقيلة..
Edit: لو هنقول 335i يبقى الكلام اختلف خالص..؟؟!!!
مش عشان رقم الهورسباور (ماهى 300-330 حصان برضه), لأ.. بس عشان نفخة التربو فى الـTorque:
- الموتور الـN54 كان Twin-Turbo بيطلع 300 حصان و400 نيوتن
- الموتور الـN55 بقى Twin-Scroll Turbo بيطلع 330 حصان و 450 نيوتن

هما دول اللى يتقارنوا بالكوبر S فـ الجرى, لكن برضه هيفضل التفوق فـ الهاندلينج والـmanoeuvring للمينى S عشان الحجم..!!

يعني صحيح يا دكتور اللى سمعته ان الكوبر كثبات افضل من الفئة التالتة

بس والله سعت القدر يعمى البصر اعرف واحد زميلي صاحبه جاب كوبر كان جايبها ب 340 الف مش عارف انهي فئة ماكملتش معاه ست شهور وهووووووب وهو على الصحراوي اتقلب

كان ماشي 160 بيتجاوز عربية لاقى مكروباص عكس اتجاه ماتفهمش ازاي

عشان يتفاداه كسر الدركسيون طلع على الرملة الفرق اللى مابين الرملة والحارة اللى كان ماشي فيها قلب العربية وشكرا توتال لوس

هى فعلا مقارنة جامدة اوى

و انا اول ما شفت عنوان الموضوع اتخضيت بصراحة :)

انا حظى كان سعيد انى ركبت الاثنين بس مسوقتهومش للاسف بس ركبتهم مع واحد صاحبى معاه الاثنين - ماشاء الله - و هو بصراحة سواق ملهوش حل يعنى كان احسن انى اقعد اتفرج معاه احسن من انى اسوق ، الـ 330i ماشاء الله وحش على الطريق و من جوة فيها كل حاجة تحلم بيها و فرش جلد عمرى ما شفت اللون بتاعه تانى لون ما بين النبيتى و البنى كده بس درجة ماشاء الله شكلها رائع .. العربية فعلا ثباتها ملهوش حل .. و فصل الـ esp عشان يقدر يلعب بيها و كانت تجربة رائعة بصراحة .. بالنسبة للمينى كوبر s فكانت لسه جاية من دبى طازة و كانت من اوائل العربيات الكوبر s الـ cabrio اللى تنزل مصر .. بصراحة ركوب عربية مكشوفة احساس لا يوصف و لا يضاهيه اى احساس تانى بالذات لو وقفت كده و العربية ماشية تحس انك طاير .. بس العربية من ورا ضيقة جدا و صعب اوى تشيل اثنين ورا الا مزنوقين جدا .. انا قعدت فترة ورا لوحدى و كنت حاسس انى هموت من الزنقة .. بصراحة مينفعش تركب الا قدام :)

من الاخر بصراحة لو هجيب حاجة منهم هجيب الكوبر الـ s .. عربية شبابية متكاملة مش ناقصها اى حاجة

كان عندى سؤال برضه بس برة المقارنة .. ahmod انت كنت امبارح فى شارع الهرم على الساعة 2 و نص الظهر كده و عربيتك فيها stripes فضى من ورا و ستيكر على الازاز من ورا لونه فضى فى اصفر فى احمر ؟

تصدق الواحد نفسه يركب عربية من غير سقف بجد احساس لا يوصف

بس مشكلة لو الدنيا مطرت ولا الجو كان ساقعه هتبقى كارثة

----

وانا فعلا اللى كنت في شارع الهرم في الوقت ده وكنت توقفني ياراجل اسلم عليك ده انا نفسي اتعرف على اي حد من المنتدى

انا علطول متواجد في شارع الهرم بحكم اني ساكن في فيصل وبكره شارع فيصل فاي مشوار بطلع هرم علطول

رعش نور هقفلك علطول

[yoko]

إنت واخدها من على لساني انا وصاحبي الصبح بين العربيتين دول برده
وإختياري الميني وش

[Mohab.Nabil]

تصدق الواحد نفسه يركب عربية من غير سقف بجد احساس لا يوصف

بس مشكلة لو الدنيا مطرت ولا الجو كان ساقعه هتبقى كارثة

----

وانا فعلا اللى كنت في شارع الهرم في الوقت ده وكنت توقفني ياراجل اسلم عليك ده انا نفسي اتعرف على اي حد من المنتدى

انا علطول متواجد في شارع الهرم بحكم اني ساكن في فيصل وبكره شارع فيصل فاي مشوار بطلع هرم علطول

رعش نور هقفلك علطول

هو بصراحة احساس لا يوصف

و انا كان نفسى اوقعلى حتة 307cc او ميجان كوبيه حالة نظيفة بس للاسف وقت ما جيت اشترى مكانش فيه حاجة حالتها تمام تخلينى اضحى بالفلوس
لا يا باشا ما انت معاك سقف فوق .. تضغط على الزرار تلاقى السقف رجع تانى و مفيش اى مشكلة كأنك عربية سيدان عادية ..

انا كنت مع اهلى و الله فى الوقت ده و كنا راحين مشوار مستعجل بس انا لمحت شكل العربية كده و انت بتجرى قلت اكيد انت .. و بعدين دخلت بنزينة فى الاخر مش فاكر اسمها بس هى قريبة من الجيزة فلمحت الستيكر برضه

انا برضه ساكن فى الهرم و معظم الوقت هناك و ان شاء الله اقابلك قريب يا باشا .. لو لاقيت c4 بيوقفك قريب اعرف ان انا بقى

[Hosam_Optrawy]

ولو انى مفكرتش فى الفئه دى قبل كدا حتى لو احلام :)

بس هايبقى اختيارى ال Series3 الجديده 328 او 335 او أودى A4 الجديده

ولو هاتش Series1 ال 118i او الشيروكو