زيرو ولا مستعمل

[ahadidy]

السلام عليكم
. أنا محتاج رأيكم يا جماعة أجيب عربية مستعملة في حدود 140000 ولا أجيب زيرو لحد 175000 و إيه العربية المناسبة

[benmatar]

السلام عليكم
بالنسبة لشراء سيارة جديدة في الآونة الأخيرة وبالنسبة لوجهة نظري ومن واقع تجارب فلا أحبذه وخاصة تدني جودة الجديد كل سنة عن السابقة. وفي نفس الوقت عملية إعادة البيع للجديد تكون فيها الخسارة أكبر من بيع سيارة مستعملة، وفي نفس الوقت يمكن شراء سيارة مستعملة وتؤدي نفس الغرض مع توافر الإمكانات التي قد تكون غير موجودة في الجديد بنفس السعر، مع اشتراط الفحص الجيد والكشف الدقيق وحسن الاختيار للمستعمل، وبالمثال يتضح المقال.
بالنسبة لحضرتك إذا توافر لك مبلغ 140000ج.م ما شاء الله تبارك الله مبلغ يتيح لك شراء التالي والذي أرشحه لك:
1- فولكس واجن- باســــــات انتاج 2006-2008 السعر يبدأ من 125000-145000ج.م حسب التجهيز (base line, high line) وحسب المسافة المقطوعة والحالة العامة، وتتميز بقوة وكفاءة المحرك العالية، التجهيزات والرفاهية، معدلات الأمان والثبات على الطريق العالية، ألماني (مدرسة أوروبي وهو ما أرشحه دائما للسادة الأفاضل زملاء المنتدى)، سمعة جيدة بالسوق المصري، توافر الصيانات في مراكز الخدمة المتخصصة ( لاأحبذ التعامل مع التوكيل). ومتواجد منها معروض بحالة ممتازة.
2- ســـكودا- أوكتافيا انتاج 2010-2011 في حدود الميزانية الموضوعة جميع الكماليات، الشقيقة الصغرى لعائلة فولكس، تجهيزات أوروبية وخامات جيدة، قطع غيار متوافرة، محرك قوي وعفشة مناسبة للسوق المصري ولا تستغرب ترشيحي للأوكتافيا A5 انتاج 2008-2009 لن تزيد عن 12500ج.م كانت لدي واحدة وبصراحة سيارة جيدة من نواحي عديدة ومتداولة ومطلوبة في السوق المصري. وسهل الحصول على الحالة الجيدة جدا.
3- رينو فلوانس 2011 استعمال بسيط وأعلى فئة لن يزيد سعرها عن 130 ألف ج.م سيارة جيدة
4- الرائعة أودي A4 انتاج منتصف الألفينات محرك جبار وتجهيزات عالية، قطع غيار غالية وقليلة الوجود. إعادة البيع صعبة.
5- أوبل فيكترا 2008 قليلة الوجود سيارة جيدة قوية قطع غيار قليلة وغالية السعر يقل عن 12000 للحالة الممتازة إعادة بيع صعبة.
6- وبدون شك BMW الفئة الخامسة الرائعة انتاج 2001-2004 في نفس النيزانية الموضوعة وحسب التجهيزات بداية من 120-150 ألف ج.م وحسب المحرك، ممتازة بكل المقاييس ولا تحتاج تقييم
7- BMW الفئة الثالثة انتاج 2004-2006 حسب التجهيز أيضا والمحرك 16-18-20 والحالة العامة، سيارة مناسبة وممتازة.
8- وبالنسبة للدفع الرباعي ميتسوبيشي باجيرو أوائل الألفينات سيارة دفع رباعي رائعة ومريحة للأسفار والطرق الغير ممهدة والصحراوية.
طبعا أطلت جدا وآسف ولكن ذلك للنصيحة وابداء الرأي وبالتوفيق

[aboharb]

طبعا ممكن تجيب استعمال احسن بس موديلات لا تقل عن 2010 ( باسات - فيكترا ) وممكن تلاقى منهم عربيات عامله 30000 الف بالكتير واوعى تجيب عربيه عامله فوق كده لحسن فى عربيات وصلت 100000 فى 3 سنين وده مش مستحسن والله الموفق

[Dr'AhmZZong]

لو مش هتبيع في حدود 10 سنين هات زيرو طبعا ..

رأي لييك سكودا فانتازيا

[Ghosts]

لو مش هتبيع في حدود 10 سنين هات زيرو طبعا ..

رأي لييك سكودا فانتازيا

كلام سليم ....

[ahmedaglan]

معالي الباشا انت مش هتشتري كل يوم عربية بالمبلغ دة
اتوكل علي الله وهات زيرو وادام وصلت لمبلغ 175000
عندك فانتازيا
وعندك استرا
وعندك شارك هاي لاين
وعندك كورولا هاي لاين
وعندك فلونس هاي لاين
وبالتوفيق ف القرار السليم

[Land_Cruiser]

لو زيرو ممكن تفكر فى فانتازيا و ممكن اسبورتيج بس بالنسبه للاسبورتيج يا ريت الفئه التانيه علشان الكماليات تبقى كويسه ولو مستعمل ممكن بى ام دبليو ٣١٦ مو ٢٠٠٦ او ٢٠٠٧ هتبقى فى رينج المستعمل اللى حضرتك بتفكر فيه اللى هو ١٤٠ الف بشرط الحاله الجيده طبعا و أنا رايي الزيرو افضل بس تكون مش هتبيع قريب طبعا و لو كنت شويه و هتبيع يبقى المستعمل احسن لك و بالتوفيق

[Sehsss]

فانتازيا

[mody3on]

كورولا هاي لاين او فانتازيا

[M.Alaa92]

زيروو افضل طبعااا
يا اما فانتازيا يا اما فلوانس يا اما شاااارك كلهم هاى لاين

[ahadidy]

يا جماعة أنا متشكر لكم جداً على اهتمامكم و ارائكم . و فعلاً ما خاب من إستشار أنا توكلت على الله و بعد النظر في ارائكم و بما اني مش هبيع دلوقتي أنا جبت فانتازيا 2012 . أسئلكم الدعاء و يكون إختيار موفق

[ahadidy]

mr benmatar و mr aboharb بشكركم على مجهودكم و رأيكم بس أنا ملقتش قدامي حاجة نضيفة عشان كدة أخدت قرار الزيرو
إدعولي ربنا يباركلي و يكفيني شرها

[ahadidy]

أنا متشكر لكم بجد يا جماعة فعلاً ما خاب من إستشار . ونا بعد كلامكم و ارائكم و بما اني مش هبيع دلوقتي و مفيش حاجة مستعملة قدامي نضيفة أنا توكلت على الله و جبت فنتازيا الحمدلله إدعولي بقي ربنا يباركلي فيها و يكفيني شرها و شكرا ليكم تاني

[drhegab]

فانتازيا زيرو

[benmatar]

mr benmatar و mr aboharb بشكركم على مجهودكم و رأيكم بس أنا ملقتش قدامي حاجة نضيفة عشان كدة أخدت قرار الزيرو
إدعولي ربنا يباركلي و يكفيني شرها

ما شاء الله تبارك الله، بالتوفيق وأسأل الله أن يبارك لك فيها