إعـــــــلان

Collapse

.

,
See more
See less

فيات تيمبرا Or هيونداى اكسل

Collapse
X
 
  • Filter
  • الوقت
  • Show
Clear All
new posts

  • فيات تيمبرا Or هيونداى اكسل

    السلام عليكم ورحمة الله وبركاته
    موجود فى حدود 30000 بأذن الله
    و انا شاب عندى 20 سنة , مشواير و جرى و قطع غيار
    سعر اعادة البيع مش هاممنى اوى لانى مش هغير غير بعد شوية
    ايه اللى هيستحملنى اكتر فيهم لحد المبلغ دا .؟؟
    فيات تيمبرا Or هيونداى اكسل ..؟؟؟؟

  • #2
    اكسيل

    Comment


    • #3
      التمبرا طبعا سيارة واسعة ثابتة اكتر عن الاكسيل , ناعمة اكتر منها , محركها افضل وفى نفس الوقت شكلها كويس وقطع غيارها اغلى شوية من الاكسيل
      [CENTER][SIZE=6]SEMSEM KANE سابقا[/SIZE][/CENTER]

      [img2]http://nileup.com/up/uploads/nilemotors_13635570671.jpg[/img2]

      Comment


      • #4
        كده برضه ياسمسم انا كنت فاكرك هتقوله شوفلك هوندا سيفيك مو89 -91 ولا حاجة عموما العربيتين كويسين المهم الحالة وكمان العربيات اذواق يعنى الحالة لو اكسيل حالتها ممتازة يبقى احسن من تمبرا حالتها متوسطة والعكس وفى الاخر العربيات اذواق عن نفسى بحب الاكسيل اكتر

        Comment


        • #5
          المشاركة الأصلية كتبت بواسطة aboomar22 مشاهدة المشاركة
          كده برضه ياسمسم انا كنت فاكرك هتقوله شوفلك هوندا سيفيك مو89 -91 ولا حاجة عموما العربيتين كويسين المهم الحالة وكمان العربيات اذواق يعنى الحالة لو اكسيل حالتها ممتازة يبقى احسن من تمبرا حالتها متوسطة والعكس وفى الاخر العربيات اذواق عن نفسى بحب الاكسيل اكتر
          والله ياباشا مش بحب اى حد اروح قايلة اركب سيفيك مع انها تحفة وجميلة بكل المقاييس بس الراجل حصر اختيارة فى العربيتين دول لو هو عايز ينزل يسأل ويركب ويشوف ويجى يسأل اهلا وسهلا ساعتها هجاوب لكن انا اقولة اشترى دية صعب ممكن اقولهالة لو هو مش عارف اية المناسب من ناحية الفئة السعرية وساعتها هادرجها من ضمن قائمة
          [CENTER][SIZE=6]SEMSEM KANE سابقا[/SIZE][/CENTER]

          [img2]http://nileup.com/up/uploads/nilemotors_13635570671.jpg[/img2]

          Comment


          • #6
            المشاركة الأصلية كتبت بواسطة Ahmazong مشاهدة المشاركة
            اكسيل

            Comment


            • #7
              ملحوظة بس قبل ما ابدأ المقارنة

              30,000 مايجيبوش تمبرا نضيفة هايجيبولك واحدة تعبانة و انصحك في التمبرا بالذات تجيب عربية حالتها حلوة جدا عشان ماتتعبكش لانها عربية متعبة شوية

              التمبرا الحلوة بتتكلم فوق 34000

              ندخل في الموضوع

              لو عاوز ثبات و وسع صالون و شنطة و عربية تشيلك في السفر و باور ناعم جدا و تكييف حلو و شكل معقول و صاج ناشف يبقي تمبرا

              عيوبها :-

              1- قطع غيارها مضروبة و بتبوظ بسرعة ( حتي لو هاتجيب انضف و اغلي حاجة )
              2 - هاتوديك كتير عند الكهربائي و الميكانيكي
              3 - العفشجية مش بيحبوا يشتغلوا فيها لانها ضيقة من عند الموتور ( حوضها ضيق )


              و لو عاوز عربية علي اد ايدك و تقدر تعملها صيانتها و تجيب لها قطع غيار رخيصة و تعيش يبقي اكسيل

              عيوبها :-

              - صالونها ضيق اوي بالمقارنة بالتمبرا

              معرفش باقي عيوبها لاني مسوقتهاش

              انا كان معايا تمبرا و العربية كانت ماشاء الله عليها جميلة و ناعمة و ثبات زي الفل لكن :-

              - كان قطع غيارها مضروبة و بتبوظ بسرعة جدا مع اني كنت بجيبلها اغلي قطع غيار في السوق كانت لازم تخليني كل شهر اروح ازور الميكانيكي او العفشجي او الكهربائي

              - كانت بتسخن بسرعة كعادة الفيات و لكن ده كان بيبقي بسبب ان فيوز او مقاومة المروحة بتبوظ فالمروحة مش بتشتغل


              الخلاصة

              طالما انت شاب و عاوز تروح و تيجي بالعربية و بتتكلم في قطع غيار حنينة و تعيش يبقي ارشحلك الاكسيل

              لو بتتكلم في شد و جري و حرق علي الغيارات يبقي التمبرا موتورها عفي اكتر من الاكسيل

              [CENTER][B][glow1=#2922f0] (( رحمة الله عليك يا صبحي )) [/glow1][/B][mtohg=#ffffff]http://bit.ly/ZXIsoG[/mtohg]
              جروب الكريستاله عالفيسبوك http://on.fb.me/1jsS9Z2
              [/CENTER]

              Comment


              • #8
                و الله يا جماعة بجد انا متشكر جدا جدا جدا ليكوا و ل ردودكوا السريعة الهايلة دى
                بس بالنسبة لل اكسيل هو فى فرق بين الهاتش باك و السيدان ,, و ال 1500 افضل بكتير من 1300 و لا الفرق بسيط .. ؟؟؟

                Comment


                • #9
                  الاكسيل الهاتش باك ارخص من السيدان بس اسمع انها تقيلة في اعادة البيع عن السيدان

                  اكيد في فرق بين الـ 1500 و الـ 1300 و انصحك بالـ 1500 عشان التكييف
                  [CENTER][B][glow1=#2922f0] (( رحمة الله عليك يا صبحي )) [/glow1][/B][mtohg=#ffffff]http://bit.ly/ZXIsoG[/mtohg]
                  جروب الكريستاله عالفيسبوك http://on.fb.me/1jsS9Z2
                  [/CENTER]

                  Comment


                  • #10
                    التيمبرا ياماااااااان مواتير الفيات اقوي من الهونداي والكوري الفيات هيا الي هتستحملك انما انت راجل بتاع شد وجري واتوقع الهونداي هتفوت منك وهتجيب منك موتور لو انت من هواة الشد والجري ولسحب والكلام الشبابي دا انصحك تيمبرا عن معرفة وانها كانت معانا اصلا وعربية اصيله وجميله جدا وناعمة بس اهم حاجة وحطها في بالك الحاااااااااااله العامة واساسيات العربية اتأكد منها اهم حاااااااااااااااجة اهم حاجة اهم حاجة

                    Comment


                    • #11
                      اكسيل

                      Comment


                      • #12
                        لو لقيت اي عربيه في الاتنين حالتها حلوه توكل على الله و خدها
                        لكن لو هتتكلم على ان العربيتين حالتهم حلوه يبقى ارشحلك التمبرا بس زي ما قال كل الزملاء لازم حالتها تكون ممتازه عشان متتعبكش و عموما هي قطع غيارها متوفره جدا سواء استيراد و لا جديد و باسعار ممتازه
                        و شوف اللينك ده برضو

                        و التمبرا عربيه صاجها قوي جدا و جرايه و واسعه من جوه و مريحه و ثباتها ممتاز برضو
                        و شوف اللينك ده لو هتشتري تمبرا

                        بالتوفيق ليك
                        [IMG]http://img542.imageshack.us/img542/2454/tempraswpnel.jpg[/IMG]

                        .................. سبحان الله و بحمده ,, سبحان الله العظيم ....................

                        Comment


                        • #13
                          المشاركة الأصلية كتبت بواسطة Bonanza مشاهدة المشاركة
                          ملحوظة بس قبل ما ابدأ المقارنة

                          30,000 مايجيبوش تمبرا نضيفة هايجيبولك واحدة تعبانة و انصحك في التمبرا بالذات تجيب عربية حالتها حلوة جدا عشان ماتتعبكش لانها عربية متعبة شوية

                          التمبرا الحلوة بتتكلم فوق 34000

                          ندخل في الموضوع

                          لو عاوز ثبات و وسع صالون و شنطة و عربية تشيلك في السفر و باور ناعم جدا و تكييف حلو و شكل معقول و صاج ناشف يبقي تمبرا

                          عيوبها :-

                          1- قطع غيارها مضروبة و بتبوظ بسرعة ( حتي لو هاتجيب انضف و اغلي حاجة )
                          2 - هاتوديك كتير عند الكهربائي و الميكانيكي
                          3 - العفشجية مش بيحبوا يشتغلوا فيها لانها ضيقة من عند الموتور ( حوضها ضيق )


                          و لو عاوز عربية علي اد ايدك و تقدر تعملها صيانتها و تجيب لها قطع غيار رخيصة و تعيش يبقي اكسيل

                          عيوبها :-

                          - صالونها ضيق اوي بالمقارنة بالتمبرا

                          معرفش باقي عيوبها لاني مسوقتهاش

                          انا كان معايا تمبرا و العربية كانت ماشاء الله عليها جميلة و ناعمة و ثبات زي الفل لكن :-

                          - كان قطع غيارها مضروبة و بتبوظ بسرعة جدا مع اني كنت بجيبلها اغلي قطع غيار في السوق كانت لازم تخليني كل شهر اروح ازور الميكانيكي او العفشجي او الكهربائي

                          - كانت بتسخن بسرعة كعادة الفيات و لكن ده كان بيبقي بسبب ان فيوز او مقاومة المروحة بتبوظ فالمروحة مش بتشتغل


                          الخلاصة

                          طالما انت شاب و عاوز تروح و تيجي بالعربية و بتتكلم في قطع غيار حنينة و تعيش يبقي ارشحلك الاكسيل

                          لو بتتكلم في شد و جري و حرق علي الغيارات يبقي التمبرا موتورها عفي اكتر من الاكسيل

                          انا مختلف معاك فى بعض النقاط لانى مالك للاكسيل 1500
                          وليا بس بعض الملاحظات
                          صالون الاكسيل ضيق اوى؟؟؟؟حضرتك جرب تركبها وانت تعرف الفرق
                          باور التمبرا انعم من الاكسيل؟؟؟جرب سوقها وانت تعرف
                          تكييف التمبرا افضل من الاكسيل؟؟؟جرب شغله فى الصيف كده
                          شكل الاكسيل انسيابى افضل من التمبرا العباره عن مكعبات(ودى ازواق) ويكفى شكل التابلوه السىء جدا
                          اتفق معاك ان الاكسيل صاجها اضعف من التمبرا والثبات مش كويس
                          انا معايا اكسيل وبعلم على فيرنا ولانوس

                          Comment


                          • #14
                            المشاركة الأصلية كتبت بواسطة beshomilan مشاهدة المشاركة
                            انا مختلف معاك فى بعض النقاط لانى مالك للاكسيل 1500
                            وليا بس بعض الملاحظات
                            صالون الاكسيل ضيق اوى؟؟؟؟حضرتك جرب تركبها وانت تعرف الفرق
                            باور التمبرا انعم من الاكسيل؟؟؟جرب سوقها وانت تعرف
                            تكييف التمبرا افضل من الاكسيل؟؟؟جرب شغله فى الصيف كده
                            شكل الاكسيل انسيابى افضل من التمبرا العباره عن مكعبات(ودى ازواق) ويكفى شكل التابلوه السىء جدا
                            اتفق معاك ان الاكسيل صاجها اضعف من التمبرا والثبات مش كويس
                            انا معايا اكسيل وبعلم على فيرنا ولانوس
                            الاستاذ bonanza ميقصدش ان الاكسيل ضيقه في المجمل لكن هو بيقول انها ضيقه بالنسبه للتمبرا
                            انا مع حضرتك ان الشكل ازواق بالفعل بس بالنسبه لشكل التابلوه فا الصوره اللي في توقيعي تغني عن اي تعليق
                            [IMG]http://img542.imageshack.us/img542/2454/tempraswpnel.jpg[/IMG]

                            .................. سبحان الله و بحمده ,, سبحان الله العظيم ....................

                            Comment


                            • #15
                              المشاركة الأصلية كتبت بواسطة beshomilan مشاهدة المشاركة
                              انا مختلف معاك فى بعض النقاط لانى مالك للاكسيل 1500
                              وليا بس بعض الملاحظات
                              صالون الاكسيل ضيق اوى؟؟؟؟حضرتك جرب تركبها وانت تعرف الفرق
                              باور التمبرا انعم من الاكسيل؟؟؟جرب سوقها وانت تعرف
                              تكييف التمبرا افضل من الاكسيل؟؟؟جرب شغله فى الصيف كده
                              شكل الاكسيل انسيابى افضل من التمبرا العباره عن مكعبات(ودى ازواق) ويكفى شكل التابلوه السىء جدا
                              اتفق معاك ان الاكسيل صاجها اضعف من التمبرا والثبات مش كويس
                              انا معايا اكسيل وبعلم على فيرنا ولانوس
                              يا باشا اولا صباح الفل و تحياتي ليك و محترم جدا اختلافك معايا

                              مع ان انا مش شايف ده اختلاف

                              اسمحلي عذرا اوضح بعض كلامي اللي ممكن يكون اتفهم غلط

                              1- صالون الاكسيل : انا كل اللي قولتة انه ضيق اوي بالمقارنة بالتمبرا .. طبعا ركبت اكسيل و كنت مالك للتمبرا .. و بالفعل صالون الاكسيل اضيق من التمبرا .. و دي حقيقة .. و ده بالمقارنة فقط بالتمبرا مش باي عربية تانية

                              2- باور التمبرا .. انا بصراحة مشقتش انعم منه .. عاوز اقولك ان عربيتي التمبرا الباور بتاعها كان انعم من ( لانوس - اكسنت - اكسيل - لانسر كريستالة عربيتي الحالية _ كارينز 2010 - اوكتافيا 2009 ) و دول انا سوقتهم بنفسي

                              3- تكيف التمبرا : انا لم اذكر ابدا انه افضل من الاكسيل .. بالعكس طبعا تكيف الكوري عظيم جدا و يعتبر تكيف التمبرا جنبة مروحة ( اللي ذكرتة ان تكيف التمبرا حلو و اقصد عندما وضعتة في المقارنة ان العربية بتكييفها كمجمل حلوة )

                              4- شكل التمبرا : فقط كل اللي قولتة ان شكلها معقول .. و لعلم حضرتك لو تابعت مشاركاتي في رابطة التمبرا هاتلاقيني كان نفسي اغير شكل التابلوة بتاعها عشان مكانش انسيابي .. انا بالفعل مكنش عاجبني مكعبات التمبرا .

                              5- و ده الاهم .. حضرتك لو قرأت المقارنة مرة اخري هاتلاقي ان مقارنتي تأتي في صالح الاكسيل و اول جملة قولتها علي التمبرا انها متعبة

                              يعني انا و حضرتك بننصح صاحب الموضوع بنفس الحاجة

                              و عذرا لو كانت مقارنتي ماتعمقتش لمميزات و عيوب الاكسيل .. لكن ده لقناعتي انها كمجمل سيارة ملائمة اكتر لمتطلبات صاحب الموضوع عن التمبرا

                              تقبل تحياتي و احترامي


                              [CENTER][B][glow1=#2922f0] (( رحمة الله عليك يا صبحي )) [/glow1][/B][mtohg=#ffffff]http://bit.ly/ZXIsoG[/mtohg]
                              جروب الكريستاله عالفيسبوك http://on.fb.me/1jsS9Z2
                              [/CENTER]

                              Comment

                              Working...
                              X