فيات تيمبرا Or هيونداى اكسل

[Bonanza]

الاستاذ bonanza ميقصدش ان الاكسيل ضيقه في المجمل لكن هو بيقول انها ضيقه بالنسبه للتمبرا
انا مع حضرتك ان الشكل ازواق بالفعل بس بالنسبه لشكل التابلوه فا الصوره اللي في توقيعي تغني عن اي تعليق

الله ينور عليك يا فندم

تحياتي ليك يا استاذي العزيز احمد

[beshomilan]

يا باشا اولا صباح الفل و تحياتي ليك و محترم جدا اختلافك معايا

مع ان انا مش شايف ده اختلاف

اسمحلي عذرا اوضح بعض كلامي اللي ممكن يكون اتفهم غلط

1- صالون الاكسيل : انا كل اللي قولتة انه ضيق اوي بالمقارنة بالتمبرا .. طبعا ركبت اكسيل و كنت مالك للتمبرا .. و بالفعل صالون الاكسيل اضيق من التمبرا .. و دي حقيقة .. و ده بالمقارنة فقط بالتمبرا مش باي عربية تانية

2- باور التمبرا .. انا بصراحة مشقتش انعم منه .. عاوز اقولك ان عربيتي التمبرا الباور بتاعها كان انعم من ( لانوس - اكسنت - اكسيل - لانسر كريستالة عربيتي الحالية _ كارينز 2010 - اوكتافيا 2009 ) و دول انا سوقتهم بنفسي

3- تكيف التمبرا : انا لم اذكر ابدا انه افضل من الاكسيل .. بالعكس طبعا تكيف الكوري عظيم جدا و يعتبر تكيف التمبرا جنبة مروحة ( اللي ذكرتة ان تكيف التمبرا حلو و اقصد عندما وضعتة في المقارنة ان العربية بتكييفها كمجمل حلوة )

4- شكل التمبرا : فقط كل اللي قولتة ان شكلها معقول .. و لعلم حضرتك لو تابعت مشاركاتي في رابطة التمبرا هاتلاقيني كان نفسي اغير شكل التابلوة بتاعها عشان مكانش انسيابي .. انا بالفعل مكنش عاجبني مكعبات التمبرا .

5- و ده الاهم .. حضرتك لو قرأت المقارنة مرة اخري هاتلاقي ان مقارنتي تأتي في صالح الاكسيل و اول جملة قولتها علي التمبرا انها متعبة

يعني انا و حضرتك بننصح صاحب الموضوع بنفس الحاجة

و عذرا لو كانت مقارنتي ماتعمقتش لمميزات و عيوب الاكسيل .. لكن ده لقناعتي انها كمجمل سيارة ملائمة اكتر لمتطلبات صاحب الموضوع عن التمبرا

تقبل تحياتي و احترامي

انا اسف اذا كان اسلوب كلامى رخم بس انا صدقنى جيت اعدل فيه بعديها قاللى مينفعش..بس انا مكنتش بكتب بالاسلوب اللى باين خالص ده..بالعكس دانا عمرى مكنت منحاز لعربيتى ابدا ولست من الناس اللى بتدافع عن عربيتها باستماته وفعلا كلامك صحيح وكله لمصلحة صاحب الموضوع
واسف على الاسلوب مره اخرى :)

[Bonanza]

انا اسف اذا كان اسلوب كلامى رخم بس انا صدقنى جيت اعدل فيه بعديها قاللى مينفعش..بس انا مكنتش بكتب بالاسلوب اللى باين خالص ده..بالعكس دانا عمرى مكنت منحاز لعربيتى ابدا ولست من الناس اللى بتدافع عن عربيتها باستماته وفعلا كلامك صحيح وكله لمصلحة صاحب الموضوع
واسف على الاسلوب مره اخرى :)

ابداً والله مفيش داعي للاسف .. انا لم اخذ الموضوع ابدً علي انك بتهاجمني .. و انا اللي اسف لو كان ردي حسسك ان كلامك في حاجة غلط