بقارن بين الجولف والجراند بونتو

[eng_ahesham]

السلام عليكم
انا بقارن يا رجاله بين الجولف 5 والجراند بونتو وطبعا الاتنين Used
وبقارن من حيث الموديل والكيلو متر اقل والحاله اللي احسن والسعر
يعني مثلا عاوز اشتري موديل اقرب وحالة احسن وكيلو متر اقل
ارجوا لافاده
السعر في حدود 80.000 جنيه

[AshTurbo]

1- الجولف فئة والجراند بونتو فئة ...... البرافو فئة الجولف والجراند بونتو فئة البولو .

2- 80 ألف جيبيولك جراند بونتو حالة ممتازة كيلو متر قليل أو يجيبولك جولف 5 معدية 100 ألف كيلو .

القرار قرارك .

[eng_ahesham]

ياباشا الله يكرمك
بس انا برضة عاوز اجيب عربية حالة تكون ممتازة لاني هيبقي قدامي مش اقل من 5 سنين علشان اغير تاني
وبرضه مش عاوز مصاريف صيانه كتير
فا انا خايف اجيب الجولف اللي معديه ال100 الف كم وتبتدي تغير فيها علي 120 ولا 140
فاهمني

[tarekmomo]

الجولف 5 ماتور اقوى ثبات اعلى عربية ممتازة

[Land_Cruiser]

الجولف 5 ماتور اقوى ثبات اعلى عربية ممتازة

[Formulator]

80 ألف جيبيولك جراند بونتو حالة ممتازة كيلو متر قليل أو يجيبولك جولف 5 معدية 100 ألف كيلو

+111
Value/Condition for Money

الجولف 5 ماتور اقوى ثبات اعلى عربية ممتازة

ماختلفناش,
ولو ان الـ102 حصان على وزن الجولف.. بطــــــــــــــــة..!!
ومش هيفرقوا كتير فـ الأداء عن الـ77 حصان على الجراند بونتو (أخف وأصغر)
+ فتيس مانيوال أو Dualogic على الجراند بيدى أداء أفضل من الـTiptronic الأوتو على الجولف..؟!!

لكن احنا مش بنقارن عربية VS عربية, والا كنا قولنا جولف VS برافو, أو جراند VS بولو..
احنا بنتكلم فـ رقم فلوس يجيب ايــــــــــه أفضل؟؟؟!!

رأيى: جراند, ووفر فلوسك.. واستفيد بالعداد القليل, وكمان قطع غيار أرخص..

[mody3on]

الجولف وش .. فئة اعلى واحسن بكتير من الجراند .. بس 80 الف ميجيبوش حالة كويسة للاسف .. ممكن يجيبولك النترا او فورد فوكس او بولو كويسين

[Sehsss]

الجولف طبعا يا باشا، وهي دي فيها كلام، شرط الحالة الجيدة

[M.Radwan]

+111
Value/Condition for Money


ماختلفناش,
ولو ان الـ102 حصان على وزن الجولف.. بطــــــــــــــــة..!!
ومش هيفرقوا كتير فـ الأداء عن الـ77 حصان على الجراند بونتو (أخف وأصغر)
+ فتيس مانيوال أو Dualogic على الجراند بيدى أداء أفضل من الـTiptronic الأوتو على الجولف..؟!!

لكن احنا مش بنقارن عربية VS عربية, والا كنا قولنا جولف VS برافو, أو جراند VS بولو..
احنا بنتكلم فـ رقم فلوس يجيب ايــــــــــه أفضل؟؟؟!!

رأيى: جراند, ووفر فلوسك.. واستفيد بالعداد القليل, وكمان قطع غيار أرخص..

طب الجراند اللى بتكلمو عليا دي هتبقى موديل كام؟ ومانيوال ولا Dualogic؟
أسعار الجراند عامة ايه هي واللينيا؟

[Dr'AhmZZong]

+111
Value/Condition for Money


ماختلفناش,
ولو ان الـ102 حصان على وزن الجولف.. بطــــــــــــــــة..!!
ومش هيفرقوا كتير فـ الأداء عن الـ77 حصان على الجراند بونتو (أخف وأصغر)
+ فتيس مانيوال أو Dualogic على الجراند بيدى أداء أفضل من الـTiptronic الأوتو على الجولف..؟!!

لكن احنا مش بنقارن عربية VS عربية, والا كنا قولنا جولف VS برافو, أو جراند VS بولو..
احنا بنتكلم فـ رقم فلوس يجيب ايــــــــــه أفضل؟؟؟!!

رأيى: جراند, ووفر فلوسك.. واستفيد بالعداد القليل, وكمان قطع غيار أرخص..

[eng_ahesham]

ماختلفناش,
ولو ان الـ102 حصان على وزن الجولف.. بطــــــــــــــــة..!!
ومش هيفرقوا كتير فـ الأداء عن الـ77 حصان على الجراند بونتو (أخف وأصغر)
+ فتيس مانيوال أو Dualogic على الجراند بيدى أداء أفضل من الـTiptronic الأوتو على الجولف..؟!!

لكن احنا مش بنقارن عربية VS عربية, والا كنا قولنا جولف VS برافو, أو جراند VS بولو..
احنا بنتكلم فـ رقم فلوس يجيب ايــــــــــه أفضل؟؟؟!!

رأيى: جراند, ووفر فلوسك.. واستفيد بالعداد القليل, وكمان قطع غيار أرخص

بص يا باشا انت جبت الكلام اللي في الجون من الاخر هو ده اللي كنت مستني اسمعه
وكمان اخونا Ahmazong مؤيد برضه لكلامك
وكلام tarek momo باشا علي راسي بس فية مشكله
انا النهارده كنت في مكالمة مطولة مع واحد جولفاوي طبعا العربية مش محتاجة حد يشكر فيها لكن قالي في الاخر كلمة قلتنتي جدا ( هو علي فكرة معاه جولف 5 من زمان ) قالي ان اغلب الجولف 5 بيجيب فتيس من بعد 100 الف كيلو وده طبعا شئ مقلق جداااااااااااااااااااااااا
ولا ايه رايكو يا رجالة

[Sehsss]

بص يا باشا انت جبت الكلام اللي في الجون من الاخر هو ده اللي كنت مستني اسمعه
وكمان اخونا Ahmazong مؤيد برضه لكلامك
وكلام tarek momo باشا علي راسي بس فية مشكله
انا النهارده كنت في مكالمة مطولة مع واحد جولفاوي طبعا العربية مش محتاجة حد يشكر فيها لكن قالي في الاخر كلمة قلتنتي جدا ( هو علي فكرة معاه جولف 5 من زمان ) قالي ان اغلب الجولف 5 بيجيب فتيس من بعد 100 الف كيلو وده طبعا شئ مقلق جداااااااااااااااااااااااا
ولا ايه رايكو يا رجالة

فعلا لو ده صحيح حاجة تقلق فعلا.. عندك حق، وبعدين دي جولف يعني شوف فتيسها بكام

[MNabeih]

طب الجراند اللى بتكلمو عليا دي هتبقى موديل كام؟ ومانيوال ولا Dualogic؟
أسعار الجراند عامة ايه هي واللينيا؟

اللينيا التربو و عاملة 120 الف
كان مطلوب فيها 75
الجراند مش عارف رينجها
اما بالنسبة لصاحب الموضوع الجولف ما فيش كلام عليها و لكن بلاش تاخد عربية عاملة عدد كيلوات كبير اوي كدة, خيرها خلاص بيبقي راح
الجراند ممكن تزود حاجة بسيطة و تجيب التربو و يا سلام عليها

[eng_ahesham]

فعلا لو ده صحيح حاجة تقلق فعلا.. عندك حق، وبعدين دي جولف يعني شوف فتيسها بكام:copy of majd(4):

15000 يا ريس تمن الفتيس
يعني مش هلحق اتهني بيها

[eng_ahesham]

اللينيا التربو و عاملة 120 الف
كان مطلوب فيها 75
الجراند مش عارف رينجها
اما بالنسبة لصاحب الموضوع الجولف ما فيش كلام عليها و لكن بلاش تاخد عربية عاملة عدد كيلوات كبير اوي كدة, خيرها خلاص بيبقي راح
الجراند ممكن تزود حاجة بسيطة و تجيب التربو و يا سلام عليها

ماهو للاسف 90 من المعروض حاليا من 85000 كم الي 100.000 كم وفي رنج ال 95 الف جنية
فا انا فعلا خلاص قررت الجراند الاوتو الفول اوبشنزززززززززززز ان شاء الله
بس ربنا ييسرلي الموضوع اللي انا ماشي فيييية
ادعولي يا رجالة