خليفة اللانوس

[smousalim]

السلام عليكم
كنت عاوز اخذ راى خبراء المنتدى المحترمين اية هى العربية اللى موجودة دلوقتى نقدر نقول عليها خليفة اللانوس فى مصر بعد النجاح الباهر اللى حققتة لانوس خلال 15 سنة والدليل على دة طبعا الأنتشار الكبير للعربية ورخص قطع غيارها وسهولة صيانتها( انا شخصيا بعمل فيها حاجات كتير بنفسي ) السؤال دة علشان انا عاوز اجيب عربية جديدة ومش هافرط فى حبيبتى لانوس طبعا بس برضة عاوز اغير فكنت بسأل اية اللة ممكن يحل محل اللانوس فى السوق دلوقتى تكون عربية اقتصادية رقم واحد و رخيصة وفيها كل مميزات لانوس وتتلافى عيوبها زى صوت الموتور العالى و العزل السئ الى حد ما وغيرة

[mohamed5800]

ممكن تشوف النيو اكسنت

[Dr/ P.K.Sh]

لانسر او سيراتو

[aly_hosny]

حسب الميزانية ال حضرتك هتحددها

[smousalim]

اخوانى الأعزاء انا اقصد خليفة لانوس فى السوق المصرى من ناحية سعر العربية و قطع غيارها الأكسنت و السيراتو و الانسر اقل حاجة فيهم اغلى 30000 الف جنية وقطع غيار اغلى

[hessenp]

ممكن لوجان 1600 فى نفس السعر !!!
وممكن فيرنا 1500 !!!
او شيفورلية لانوس 1500 !!!

تقريبا دى العربيات الى فى نفس الفئة السعرية !!!

[تامر.محمد]

مش هتلاقي رخص قطع الغيار و انتشارها بالطريقة دي خالص

الفئة السعرية دي ما تزال فيها لانوس و فيرنا , و اتضاف عليهم شوية عربيات صيني , و الساجا و اللوجان

اظن ان اللي اخدت القيادة حاليا اللوجان لو هانتكلم عن الانتشار , بس مش بنفس اسعار قطع الغيار , و برده يقال انها مش نار يعني

[emnewer]

عايز تغير جيب اللوجان... بس خللي بالك احتمال تكره اللانوس وتبيع العشرة بعد ماتجيب اللوجان :)

[smousalim]

طيب اية رأيكوا فى byd f3 اسمع انها عربية هايلة موتور لانسر و عفشة كورولا وفيها ebd abs

[M_Marwan]

خليفه الانوس بلا منازع.......الفيرنا

[تامر.محمد]

خليفه الانوس بلا منازع.......الفيرنا

الفيرنا منافس مش خليفة :)))))

[Abdm]

الخليفة القادم هو اللوجان المانيوال وكمان الآتوماتيك ودة فى نفس الفئة السعرية تقريبا

يليها على طول النيسان صنى

والله الموفق والمستعان

[lanos2004]

عايز تغير جيب اللوجان... بس خللي بالك احتمال تكره اللانوس وتبيع العشرة بعد ماتجيب اللوجان :)

اللوجان شكلها غبي اصلا ومافيش اي انسيابيه تماما غير انها سلحفاه ايضا زي الانوس الميزه الوحيده انها اوسع ولو خيرتني لوجان ولا دايو لانوس هختار دايو لانوس لحد ٢٠٠٧

[emnewer]

اللوجان شكلها غبي اصلا ومافيش اي انسيابيه تماما غير انها سلحفاه ايضا زي الانوس الميزه الوحيده انها اوسع ولو خيرتني لوجان ولا دايو لانوس هختار دايو لانوس لحد ٢٠٠٧

لاكده انت بتفتري على اللوجان... انا معايا لانوس 2006 دايو واخويا لسه جايب لوجان 2012 اتوماتيك بصراحة انا كنت مقتنع ان مفيش احسن من الدايو في الفئة السعرية دي بس لما ركبت اللوجان اتوهمت من حيث الصالون والثبات والفرامل اللي اكتر حاجة قرفتني في اللانوس والاوبشنز الموجودة في العربية بصراحة من وجهة نظري المتواضعة فرق شاسع بين الللوجان والانوس والعربية ابتدت تنتشر ده معناها انها كويسة غير البروتون ساجا اللي نزلت معاها في نفس السنة قلييييل اوي تلاقي الساجا في الشوارع

[lanos2004]

انا مش بحب شكل اللوجان بحس انها شبه القفا ودى وجهه نظر شخصيه ثانيا الثبات بينقاس فى الملفات ووجود رياح شديدة انا با خد ملفات الصحراوى على 180 عادى جدا بس مجنط وعموما احلى ما فى اللوجان الوسع الى فيها وخاصه لو حد طويل هيبقه مبسوط جدا