جين 2 زيرو - ميجان 2009 - شارك 2009

[shaddadfalcon1]

عايز اعرف انهي احسن صفقه في دوول

جين 2 زيرو
ميجان 2009 متكونش ماشيه اكتر من 30000 كيلو ويفضل مانيوال
شارك 2009 برده مش ماشيه اكتر من 30000 كيلو ومش عارف فيها مانيوال ولا لآ

لو الأختيار بين الميجان والشارك بيتيهالي الشارك هتكسب من حيث الأعتماديه وقلة الاعطال بس مش عارف بقية الحاجات ايه

انا ملاحظ ان سعر الميجان اللي في الوصف ده بتبقي من حوالي 85 الي 90 الف يعني تقريبا قريبه من سعر الجين 2 زيرو
مش عارف سعر الشارك كام بصراحه

انا عايز حاجه ممتعه في السواقه وشكلها حلو ومتخلينيش كل يوم عند الميكانيكي

[Sindibad]

الأختيارات دى حصرية والا ممكن تكون مفتوحه

لو مفتوحة أضف اليهم الفورد الفوكس والمازدا 3

وافضلهم من وجهة نظرى الفوكس لو محتاج وسع والمازدا 3 لو محتاج متعة قيادة وشكل شيك

ثم الشارك ثم الميجان ثم الجين 2

[kholio]

ارشحلك اللانسر شارك لانها فعلا عربية ممتازة وممتعة جدا جدا في سواقتها وياريت تجيبها هاي لاين

[تامر.محمد]

اسأل على قطع غيارهم الاول عشان تعرف اخبار قطع الغيار معاك ايه
انا اللي اعرفه ان الشارك اغلى من الميجان بمقدار ملحوظ

عموما انا لما عملت المقارنة دي اخترت الميجان

[shaddadfalcon1]

طيب ماتدلوني علي الأسعار وقطع الغيار وكل حاجه

[Dr'AhmZZong]

هو حضرتك اخرك كام >؟؟

[IronHead]

فعلا الميجان قطع غيار الفلاتر وتيل والحجات اللى بتتغير دوريا ارخص من الشارك, بس تعالى يامعلم لو الموضوع فتح معاك شغل داخلى وحساسات, اسعار خرافيه فى الميجان.

[shaddadfalcon1]

هو حضرتك اخرك كام >؟؟

اخري 95 ان شاء الله ووالدي وزوجتي بيقولولي هات جديد وانا مش عايز اجيب مستعمل وفي الأخر البس اسود وارجع اقول ياريتني عشان كده عايز اختار كويس

[Dr'AhmZZong]

هما فعلا كلامهم صح مفيش احسن من الزيرو ..

باقولك إيه .. إيه رأيك في الصني ؟؟

[shaddadfalcon1]

الصني جميله بس ساعات بيبقي عاجبني شكلها ومعظم الوقت مش هاضمها ولو هضمتها من بره بتخنق من شكلها من جوه وانا عايز اغير لحاجه حلوه عشان اتخنقت من شكل اللانوس ونفس في حاجه شكلها شيك وسبور من جوه وبره

[Dr'AhmZZong]

بص مادام مش عجبك شكل الصني يبقى زود و هات أوبترا اوتوماتيك بس استحمل توكيلها..

[shaddadfalcon1]

بصراحه برده مستحرم ادفع فلوس في اوبترا جديده وخصوصا ان شكلها مش هتيغير خالص وقديم

[Dawns_Mist]

طبعا هنا هتكون المقارنة رخمه شوية بين الزيرو و المستعمل ...
الشارك أعلى من ناحية الأداء .. الميجان من ناحية الراحة و الأوبشنز لو بنتكلم عن الهاي لاين .. الجين تو ميزتها إنك هتجيب أمان جيد و أداء جيد و راحه جيده و أوبشنز معقولة بسعر قليل و زيرو ...

يمكن لو مكانك هختار الجين تو و استمتع بالزيرو 5 سنين بدون مشاكل ... خصوصا إنها متوازنه من ناحية الأداء و الأمان و الكماليات ....

بس لو المستعمل حالته نضيفه أوي و موثوق جدا ... يبقى مش هتندم أبدا على الشارك
و مع كل حبي للميجان بس نصيحة بلاش تجيبها مستعمل ...

بالتوفيق