افضل pick up truck ؟؟؟

[Formulator]

اديك قولت كل كام سنة يبقى العادى الهيمى ال٥.٧ بقوة ٣٩٠ حصان وعزم ٥٥٠ نيوتن

يا قاسم مانت عقبال ماتيجى تشترى ان شاء الله,
ممكن كمان تكون فيات نفختلهم MultiAir فى المواتير دى..؟؟!!!
وبعدين يامان الـ390 حصان دى رقم خزعبلى.. حتى لو عربية بحجم الـRam 1500

أنا بس كنت برد عـ الشباب, لما حسيت أنه بقى سباق أرقام HP و Torque


ازاى مش فيها الsuspension/handling package وبتبقى معقولة فى الطرق السيئة!!!

لا لأ, انت فهمت العكس..!!
الـHandling Pkg دى للطرق السريعة والجرى, مش للـOff-Road
بالعكس.. ده قاللى بتبقى ناشفة جدا لو دخلت بيها مدقات..؟؟!!!

بتبقى جنوط وكاوتش Low-profile, سوست Lowering, دامبرات بـRate أقل..

وأعتقد والله أعلم أن فيها تغيير فى علبة الدركسيون, ممكن Speed-Sensitive Power-Steering بـServotronic.. (مشهور أوى فـ الكرايزلر التعديل ده).

قصدك الرام ولا الf-150 اللى اسرعهم؟؟؟

الـRam يا برانس.
وبعدين فيه حاجة بالنسبة للـRoad-Presence يا قاسم..
أنا عايز وااااااااااحد فـ المنتدى يقوللى أنه مش بيتخض ويخاف لما يشوف Dodge Ram جاية من وراه فـ المراية؟؟!!!

[horas3000]

أنا عايز وااااااااااحد فـ المنتدى يقوللى أنه مش بيتخض ويخاف لما يشوف dodge ram جاية من وراه فـ المراية؟؟!!! :pointiy2[2]:

انا يا زعيم
و خصوصا ايام الكايين
لاني عارف اخره هههههههه

[Mzeid]

الـRam يا برانس.
وبعدين فيه حاجة بالنسبة للـRoad-Presence يا قاسم..
أنا عايز وااااااااااحد فـ المنتدى يقوللى أنه مش بيتخض ويخاف لما يشوف Dodge Ram جاية من وراه فـ المراية؟؟!!!

مرة كنت داخل uturn و لقيت واحدة سودا داخلة قدامي
قلت ابدا الوحش الاول

[m_kamal]

انا يا زعيم
و خصوصا ايام الكايين
لاني عارف اخره هههههههه

ولا انا بخاف من الرام ... عادية يعنى

بس مرة مت فى جلدى كنت واقف فى اشارة و شايف فى المراية همر اتش تو جاى فاااااتح .. قلت بس انا كدة اتهرست ... بس الحمد لله لحق نفسه و فرمل ... وانا طبعا بحمد ربنا و بتشاهد ... ههههه

[mody3on]

ولا انا بخاف من الرام ... عادية يعنى

بس مرة مت فى جلدى كنت واقف فى اشارة و شايف فى المراية همر اتش تو جاى فاااااتح .. قلت بس انا كدة اتهرست ... بس الحمد لله لحق نفسه و فرمل ... وانا طبعا بحمد ربنا و بتشاهد ... ههههه

الهمر دي اكبر اشتغالة في تاريخ العربيات

[m_kamal]

الهمر دي اكبر اشتغالة في تاريخ العربيات

.. انا جربت اركب h3 قبل كدة و فعلا عربية تييييت ...
بس الفكرة لو شفت h2 جاية جرى وراك فى المراية و انت واقف ... هتتخض حتة خضة :)

[osama.m]

طيب محدش جاب سيرة ال vw amarok ؟؟
هو انت استبعدت ال ram فا بيتهيالي هيبايى الاختيار
ford raptor
chevy silverado
vw amarok

[Mzeid]

هاختار ال F-150 SVT Raptor 4X4

6.2 سى سى 411 حصان 588 نيوتن

ولو مش ال Raptor فى العاديه بموتورين جامدين برضه

ال 3.5 سى سى EcoBoost تربو 365 حصان 569 نيوتن

ال 5.0 سى سى 360 حصان 515 نيوتن

ال F-150 عموما كانت رقم 1 مبيعا السنه اللى فاتت فى امريكا 584,917



ال F-150 اجمد

اقوى سلفرادو 6.0 سى سى 360 حصان 515 نيوتن , يعنى ال Raptor وال EcoBoost اقوى

بس السلفرادو برضه جامده وهى المنافس الرئيسى للفورد وكانت التانيه بعدها فى المبيعات السنه اللى فاتت 415,130

وفى بقى الاجمد من الاتنين :) ال Sierra الديزل 6.6 تربو ديزل 397 حصان 1037 نيوتن !!!

وبتنزل برضه بالموتور ال Vortec دا 6.2 سى سى 403 حصان 565 نيوتن ( نفس موتور الكاديلاك Escalade EXT )

السييرا الديزل 6.6 765 نيوتن.متر بس عزمها مش 1037 نيوتن.متر

2012 GMC Sierra 3500HD Denali Powertrain | Luxury Diesel Pickup Truck | GMC

[KHALED AYMAN]

طيب بما ان فى ناس فاهمه هنا فى الموضوع و اهو موضوع واحد :) وانا و محمد قاسم واحد يعنى
حد يقولى
الدودج الرام ..الديزل هنا فى مصر ؟
ينفع اجيبها ؟ هتبقى بنفس سعر التانيه ؟ و هرخصها نقل عادى
هتبقى كام سى سى و كام حصان ؟
ايه عيوب العربيه على الطريق ؟
انا مش هستخدمها اوف روود خالص هستخدها استخدام عادى
انا بس بحب القوه المفرطه ..و القعده "فوق" و انا من زمان بحب اركب النص نقل عندنا فى الشغل :)

[Mzeid]

طيب بما ان فى ناس فاهمه هنا فى الموضوع و اهو موضوع واحد :) وانا و محمد قاسم واحد يعنى
حد يقولى
الدودج الرام ..الديزل هنا فى مصر ؟
ينفع اجيبها ؟ هتبقى بنفس سعر التانيه ؟ و هرخصها نقل عادى
هتبقى كام سى سى و كام حصان ؟
ايه عيوب العربيه على الطريق ؟
انا مش هستخدمها اوف روود خالص هستخدها استخدام عادى
انا بس بحب القوه المفرطه ..و القعده "فوق" و انا من زمان بحب اركب النص نقل عندنا فى الشغل :)

بضم صوتي لصوتك

بس الرام كل الموجود في مصر اللي بشوفه كله بنزين
عيب العربية الوحيد اللي شايفه هو الركنة محتاج مساحة زي الفل علشان تعرف تركنها

و انا زيك بحب العالي و القوي بس محتار لو فئة الاعلى من 250 أشتري رانجلر و لا بي ام

[KHALED AYMAN]

بضم صوتي لصوتك

بس الرام كل الموجود في مصر اللي بشوفه كله بنزين
عيب العربية الوحيد اللي شايفه هو الركنة محتاج مساحة زي الفل علشان تعرف تركنها

و انا زيك بحب العالي و القوي بس محتار لو فئة الاعلى من 250 أشتري رانجلر و لا بي ام

الرانجلر لما ركبتها هى و الشيروكى ...عرفت يعنى ايه عربيه تقفيل "مصرى" :(
البى ام
تحفه فى كل شىء ..لكن مش سياره دفع رباعى من وجهه نظرى
الرام بتحسس الواحد "بالبلطجه" و ده شعور مطلوب فى البلد
مثلا انا لو جاى محدوف 150 فى الشمال و ادامى ميكروباص ..وانا ب بى ام اكس ثرى
عادى مش هيوسع و هيقرفنى معاه
لو محدوف 150 بالرام
اعتقد لو مش هيعرف يروح فى اليمين ..هيركب فوق السور الخرسانه عشان يعدينى :)
هو طبعا ااانا لما بتحدف 150 بالفيكترا ..مش منتظر ان حد يروح يمين او شمال :) بتصرف انا
بس بالرام مش هحرك الدركسيون :)
وبعدين يا معلم مفيش مكان تركنها ليه ؟
شوف اى رصيف يعجبك و اطلع اركن فوقه دى ركنتها اسهل من الهاتش باك

[Mzeid]

فعلا

و أنا بحب العربيات المتوحشة علشان كدة و يا يا سلام لو ركبتلها ديفيندر محترم زيها محدش هيفكر انه يبص عليها اصلا مش يقفل عليك :]

بس اشمعنى الرانجلر وحشة ؟

[KHALED AYMAN]

الرانجلر قويه اه ..لكن مش القوه المفرطه الى بحلم بيها
ثانيا ..اعتقد انها هتبقى سيئه جدا فى الثبات على السرعات العاليه مقارنه بالفيكترا مثلا !
ثالثا خامات وحشه اوى هى و الشيروكى و التقفيل واضح عليه الطابع "المصرى" و انا متفهم كويس ان الرانجلر فيها روح بدائيه شويه ..مش دى الى بتكلم فيها

[Mzeid]

الرانجلر قويه اه ..لكن مش القوه المفرطه الى بحلم بيها
ثانيا ..اعتقد انها هتبقى سيئه جدا فى الثبات على السرعات العاليه مقارنه بالفيكترا مثلا !
ثالثا خامات وحشه اوى هى و الشيروكى و التقفيل واضح عليه الطابع "المصرى" و انا متفهم كويس ان الرانجلر فيها روح بدائيه شويه ..مش دى الى بتكلم فيها

يعني الواحد ميفكرش فيها و اخليني في الفئة الثالثة احسن

[KHALED AYMAN]

يعني الواحد ميفكرش فيها و اخليني في الفئة الثالثة احسن

ايش جاب لجاب ؟
عموما اتفرج على الرانجلر اصل انا بعيد عنك مش بيعجبنى العجب و عندى عقده الخواجه