افضل البدائل؟؟

[mohamed]

معايا فى حدود 30 او 35 الف
ايه افضل البدائل وبالترتيب
رجاء الافادة من اهل الخبرة وتكون السيارة بتستحمل المشاوير الطويلة وموفرة فى البنزين وقطع غيارها مش مولعة نار ؟؟

[محمد المصرى]

لو عايز عربية عائلية
ريجاتا

عربيى شبابية
ابيزا
اونو
برايد
دايو ماتيز

[Abonora]

البدائل كتير ومفيش حاجة افضل من حاجة علي الاطلاق بس لو قولنا الافضل في استهلاك البنزين والافضل في الاحتمال وسهولة الاصلاح ورخص وتوفر قطع الغيار يبقي انت عايز برايد ثم الاونو وتشيل من دماغك خالص الابيزا لان قطع غيارها نار وصيانتها صعبة ومكلفة و الماتيز وان كانت قطع غيارها ارحم من الابيزا لاكن مش عربية شقي خالص يبقي

عايز عربية شقي يبقي البرايد وكفاية انها اثبتت كفائة كتاكسي هنا في مصر وهي عربية التاكسي الاولي في سوريا

http://www.nilemotors.net/Forum/viewtopic.php?t=1957

[mina_ramsis]

طب ايه رأيك فى الاكسيل !!!!!!!!!!!

[Abonora]

الاكسيل عربية ممتازة خاصة ال 1500 بس مينفعش تتقارن بالبرايد لانها فئة تانية

[hazem_khidr]

عندك الريجاتا ممكن بس قديمه .
عندك البرايد زي ما قال ابو نورا كده .
و عندك بقي كمان السويفت بس تكون موديل 93 او 94 علشان الموديلين دول بس اللي ياباني في السويفت و هما الاتنين دول بس اللي نازلين بتكييف و استهلاك بنزينها مفيش كلام فيه و اسال اي حد و ثابته علي الطريق ما شاء الله(ثباتها لحد 140 رائع بعد كده بقل بس مش للدرجه الللي تخوف ) و واسعه و قطع غيارها مش غاليه اوي يعني معقوله جدا بس مش رخيصه
عموما لو لقيت وااحده ياباني منها و نضيفه ما تسيبهاش

[Abonora]

انا مع راي حازم في السويفت بس هي واطية شوية وقطع غيارها اغلي من الاونو والبرايد بس بتعيش اكتر لو ياباني بس طبعا هيبقي فيه فرق في الموديل لان السعر ده ممكن تجيب بيه برايد موديلات 96،97،98 وفرق خمس سنين في الموديل مش فرق صغير اما بالنسبة للريجاتا فهي عربية ممتازة لو لاقيت واحدة بحالتها بس ده صعب جدا

[sokasoon]

هيونداى اكسيل موديل التسعينات

هتبقا ممتازة وتستحمل السفر كمان

[Abonora]

علي فكره البرايد افضل في الثبات علي السرعة من الاكسيل بس الالف سي سي (القديمة) متجريش بيها اكتر من 140 عشان مترهقش الماتور اما لو الجديدة فانا جبت ببتاعتي 160 علما بان اقصي سرعة هي 180

[أبو عبدالله]

السويفت ليست موفره في البنزين

أقترح عليك الميرا بتاعت دايهاتسو عربيه والله تستحق كل التقدير لأثباتها كفائتها في شوارع القاهره

[hazem_khidr]

السويفت ليست موفره في البنزين

أقترح عليك الميرا بتاعت دايهاتسو عربيه والله تستحق كل التقدير لأثباتها كفائتها في شوارع القاهره

لا يا سيد ابو عبد الله انا مش معاك في كده خالص السويفت مفي حد في مصر قال كده و بعدين العربيه معايا و بسافر بيها من المحله ل القاهره يعني 114 كيلو بالضبط بتاخد 6 لتر!!!! او 7 لتر بالكتير!!!!!!!!! يبقي ازاي ما بتوفرش؟؟؟؟و و بعدين الدياهاتسو عربيه صغيره ميني يعني ما تتقارنش بالسويفت اطلاقا دي حاجه و دي حاجه تانيه خالص

[Abonora]

اعتقد ان قصد ابو عبدالله ان السويفت مش موفرة بالمقارنة بالميرا او بالمقارنة بانها كاربراتير !!؟ لاكن بصفة عامة السويفت من العربيات الاقتصادية سواء في استهلاك البنزين او في اعطالها وتشغيها

[أبو عبدالله]

فعلا هو ده اللي انا اقصده لأن واحد صاحبي معاه العربيه وبيشتكي من البنزين والكاربراتير أكيد بيبقى استهلاكه اعلى بالذات داخل البلد

[hazem_khidr]

اعتقد ان قصد ابو عبدالله ان السويفت مش موفرة بالمقارنة بالميرا او بالمقارنة بانها كاربراتير !!؟ لاكن بصفة عامة السويفت من العربيات الاقتصادية سواء في استهلاك البنزين او في اعطالها وتشغيها

ما انا بقولك يا ابو نورا ان دي فئه و السويفت فئه تانيه يعني مينفعش يتقارن بينهم

فعلا هو ده اللي انا اقصده لأن واحد صاحبي معاه العربيه وبيشتكي من البنزين والكاربراتير أكيد بيبقى استهلاكه اعلى بالذات داخل البلد

ما هو يا ابو عبد الله انت بتقول بيشتكي من الكاربيراتير يبقي ازاي تحكم علي موديل من خلال عربيه معيوبه؟؟؟؟؟؟؟؟؟؟!!!!!!

[Nader]

عندك الاكسيل والسويفت ريجاتا 85

اونو 1000cc البرايد "العصفورة 1100cc" والميرا

ماروتي زيرو او 128 زيرو

ايبيزا

سكودا فليشيا

هذة هي افضل السيارات في هذة الفئة السعرية بالاضافة للادا

الترتيب دة حسب فئات السيارات وان كنت قد وضعت الابيزة في الاخر فذلك بسبب عدم سهولة ايجاد سيارة بحالة جيدة بهذا السعر و لارتفاع اسعار قطع الغيار مثلها مثل الفليشيا.


مش عارف انا حاسس ان كل واحد شايف ان عربيتة احسن عربية في فئتها وغير فئتها كمان ولا اية؟؟