احسن عربيه لحد 70 الف جنية فقط لاغير

[waled_26]

ياريت ترشحولى عربيه مستعملة فى حدود65 او 70 الف جنية لانى محتار بين الموديلات
انا عاوز عربيه اتوماتيك
اقتصادية
قطع غيار متوفرة ومش غاليه
اعادة بيع كويسه وتكون متداوله فى السوق
تكون اعطالها قليله
وتكون اعتمادية
بجد محتار فى الماركات والموديلات والامكانيات
ومشكووووووووورين

[Dr'AhmZZong]

متعرفش تزود 10 الاف جنيه و تجيب لوجان اوتوماتيك

[waled_26]

لا والله الميزانية لا تسمح
وياريت حاجه غير الفرنساوى

[Ghosts]

لا والله الميزانية لا تسمح
وياريت حاجه غير الفرنساوى

أنت صح ....
يبقى خليك فى الشعبى يعنى يا فيرنا يا لانوس ....

و فى رأيى الفيرنا أفضل فى كل حاااااااااااااجة ....
ربنا يوفقك ....

[Sehsss]

فعلا كده ما قدامكش غير فيرنا لو زيرو، لو أوتو ممكن نيسان صني

[zangry]

لا والله الميزانية لا تسمح
وياريت حاجه غير الفرنساوى

يبقى بومة او تويوتا 2002

[waled_26]

شكرا يا جماعه بس برده انا مش عاوز عربيه شعبى
ولو بومة تبقى موديل كام وتسعير كام وحالتها هتكون ازاى
مستنى من رواد المنتدى اكتر من كده

[أحمد الجندى]

اعتقد المبلغ ده يجيبلك أوبل فيكترا بى حالة ممتازة أو النترا 2005 أو سيراتوا الشكل القديم بس أنا مش متاكد ان كان المبلغ يجيبلك العربية دى

[M_SALLAM]

زود 3 الاف جنيه على ال 70 الىى معاك و هاتلك واحدة بروتون ساجا اوتو و بكدة تبقى مسكت العصاية من النصف ...

[Dr'AhmZZong]

السعر ده حتى ميجبش فيرنا اوتوماتيك .. يجبلك واحدة منوال كاملة ..

نصيحة ابعد عن بروتون عشان توكيله من أسوء 3 توكيلات في مصر < لكن عربيتهم حلوة >

[mada_76]

هيونداي النترا 2005
عربية مالهاش حل ومالهاش مشاكل وكوري 100% وبشهادة كل مهندسين غبور انها احسن عربية عملتها هيونداي حتى الان.

[rasmy28]

هو طبعا راى لوجان سوء مانول ب 70 الف او اتوماتيك ب 80 الف ده احسن اختيار فى الفئه دى
ومكن اثبتلك ده من هنا لبكره لكن بما انك كاره الفرنساوى
وبما انك عايز عربيه شعبيه
فكمان اختيارى التانى الهوا الساجا مش هينفعك

عمتن الشعبى فى الرنج ده الفرنا والانوس "فى راى انا ميدفعشى فيهم فلوسو ومقدرشى ارشحلك مين احسن فيهم لكن ملاك العربيتين ممكن يرشحولك "

طبعا فى الرنج ده كمان فى عندك صينى زى byd و اسبرانزا جريت وال "عربيات ناس بتشكر فيها لكن انا مش حابب الصينى لكن ممكن تسالك وتلقى عليهم نظره "

لكن نصحيتى ليك بدام رفضت لوجان وساجا يبقى هات مستعمل حاجه نظيفه ممكن تجيب اوبترا ولا حاجه ودور على قد متقدر على اكتر عربيه ممكن تجبها بالسعر ده تكون كسر زيرو يعنى مبقلهاش كتير مش تجيب عربيه من 2000 وكده فانا اعتقد ان اوبترا او الانترا الشكل القديم افضل حلين ليك لان غير كده فى راى بتدفع فلوس على الفاضى

وربنا يوفقك فى الاختيار والشره
تحياتى
محمد رسمى

[Abdm]

لو عايز يابانى فى عندك الكريستالة ووفر باقى الفلوس تعمل من 50 : 55 ألف وممكن تجيب لانسر بومة موديل حديث بعد 2000... أو نيسان صنى موديلات حديثة بعد 2000 بردة ولو عايز كورى أحسن حاجة فعلا الآلنترا أحدث حاجة حسب الفلوس اللى معاك

والله الموفق والمستعان

[shaddadfalcon1]

اوبترا مانيوال 2009

[sadkoooi]

لوجان بدون تفكير وماتتعبش نفسك الزيرو زيرو لان مافيش فى مصر حاجة تتركب اقل من 110 الف فدون ذللك هات اى زيروا احسن مليون مرة من احسن مستعمل